رومی کلیسارا نامه 12:6 - کتاب مقدس به زبان تالشي - گویش مرکزی

⁶ فِیضی اَندازَ کن بَمَه بَخشستَه آبَه یَه، موختَلیفَه خَلا اِن ویگَتَمونَه، بِرَ اَوون کار بیگِرَم: اَگَم پیش گویی کردِ اَ، اَی اِشتَن ایمانی اَندازَ اَنجوم بدَرَ.

کتاب مقدس به زبان تالشی شمالی

⁶ طبق اَ فیضی که بَمون را بییَه، جور بَه جوره عطایا هِستِمونَه. بایَه اَوون بِه کار بِگِرَم: اَگم نبوّت کَردِه یَه، اَیی چَمَه ایمانی قَدَر بِه کار بِگِرَم،

رومی کلیسارا نامه 12:6 Iomraidhean Croise

مَتّی 23:34

چیرا کن اَز پَیغَمبرون و حکیمِن و اَفَندیِن شمَه وَر رَونَه آمَکرد و شمَه بعضیون بَکشتینَه و صلیبی سَر بَبردیرون و بَعضیون موقدسَه عیبادَتگا اونکا شَلاغ بَژَرونَه و شهر به شهر تعقیب بَکَرون.

مَتّی 25:22

پاسَریی کن دِ قنطار ویگَتَش بَه نی نَ آمَه و واتِش: آقا دِ قنطار چمن دَست آدارَ، بفرما اِمَنی دِ قنطار دیَر کن بَر کَردَمه.“

انجیل لوقا 11:49

اِمی خاطِیرَ کن خدا حِیکَمت واتش ” از چَوونرا پَیغَمبَرِن و رسولِن رَونَه بَکَمَه. اَمّا بعضیون بَکِشتینَه و بعضی اَوونکا اَیذَت آزار بَکَنَه.“

رَسولون اَعمال 13:1

اَنطاکیَه کلیسا دلَکا، چَن گِله پَیغَمبَرن و مُعلیمونکا مَند بین: بَرنابا و شَمعونی کن بَی نیجِر خِلِه اَکَرین، قیرَوانیَه لوکیوس، مَنائِن کن، هیرودیسِ حاکیمی اَگیَه برا بَه و شائول.

رَسولون اَعمال 15:32

یَهودا و سیلاس کن پَیغمبَر بینَه، وِرَ گَفینَه، برا اون تَشویقِشون کردَ و زبق آداشون.

رَسولون اَعمال 2:17

«‌”خدا باتی: آخِرین روجون دِلَکا اِشتَن روح کا گِردِ آدَمون سَردِرِ ویمَکَرد. شِمَه زوعَه اِن و کِلَه اِن، پیشگویی بَکَنَه، شِمَه جَوانِن رؤیااون بَویندینَه و شِمَه پیرَ آدَمِن خاوِن بَویندین

رَسولون اَعمال 21:9

فیلیپُسِ چار گِلَه مُجَردَ کِلَه داری کن پیش گویی اَکَرینَه.

رومی کلیسارا نامه 1:11

اِمی خونه کن شِمَه ویندِرا خَشیمَه، تا روحانیَه خَلا اون شمَه ایمان داشتِه زبق دوعِه را، شِمَرا بوعَم؛

رومی کلیسارا نامه 12:3

چون فِیضی خونِه کن بَمن عَطا بَه یَه، هَر کِرَمی شِمَکا باتیمَه کن بَشتَن ویشتَر از اَچییی کن هِستیرون، مَزنَه، بَلکَم هَر کَس اَ ایمانی اَندازَ کن خدا بَشِمَه بَخشِستَشَه، دِرِست قیضاوَت بکَرَ.

اوّلین نامَه قورَنتیانیرا 12:18

ولی اِنترکِه خدا تَنی اَعضا اَتَرَ کن اِشتَن اَپیش بَه، ایلَه ایلَه، تَنیکا آناشَه.

اوّلین نامَه قورَنتیانیرا 13:2

اَگَم پیش گویی کَردِ خنَری بدارم و بشام گِردِ رازونکا و دانایی کا سَر آگِنم، و اَگَم اِنتَرَ کامیلَه ایمانی بدارِم کن بشام کومون تِم دَروَرِم، ولی موحبت مدارِم، دَداریمَه.

اوّلین نامَه قورَنتیانیرا 14:1

موحَبَتی دوملَه ببَه و روحانیَه خَلا اون، غَیرَتینَه بِپییَه، بَخِصوص اِمکن پیشگویی بَکَرَ.

اوّلین نامَه قورَنتیانیرا 14:24

اَمّا اَگَم بی ایمانَه آدَمِن یا اَیِنی کن هیچ چیکا خبرِشون نییَه وقتی کن گِرد پیشگویی بَکَنه مَجلسی دِلَه دَران، شمَه گِرد اَ آدَمی قانع بِه باعیث بَبیرون، کن گناخکارَ و گِردی ناریکا دیوون آرَبن،

اوّلین نامَه قورَنتیانیرا 14:29

برزَ، دِ یا سِه نفر اَیِنیکا کن پیشگویی بکَن گف بِژنن و دییَرِن چَوون واتَه گَفی بسَنجن.

اوّلین نامَه قورَنتیانیرا 3:5

مَگَم آپولوس کیَه؟ پولوس کیَه؟ اَیِن تاکَه پاسَرییِنی هِستینه کن خدا هَر کِرَم اَوونکا وَظیفه ایی آداشَه تا شِمَه چَوون واسیطَه نَه ایمان بوعَرَ.

اوّلین نامَه قورَنتیانیرا 7:7

اَی کاش کن گِرد چمن شیوار بینَه، ولی هَر کَم خِداکا اِشتَن عَطییَه ویگَتشَه؛ ایی نفر ایلَه عطایی دارِ و دییَرَ نفر ایی جوور دیییَر.

دوومین نامه قرنتیانیرا 8:12

اِمی خونه کن اَگَم خَشی ببو، اَ آدَمی خَلا، طبق اَچیی ایی کن بَداشتیَه قِبول بَبی، نِه طبق اَ چیی ایی کن نیشَه.

نامَه اَفسوسی کلیسارا 3:5

اَ رازی کن گذَشته اودومونکا آدَمون زوعَه اونرا دیار آنِبَه، اَتَه کن ایسَه خدا موقدسَه روح واسیطنَه چَی موقدسَه رسولونرا و پَیغَبرونرا دیار آبَیه.

نامَه اَفسوسی کلیسارا 4:11

و هَیَه کن رسولِنِش آدوعَه و پیغمبَرون، و موبَشِرون، شونَه اِن، موعَلَّیمِون آداشَه،

نامَه فیلیپی کلیسا را 3:15

اَیِنی کن چَمه دلَکا یالَه شخصینَه، پی اِنتَرَ فِکر بکَن؛ و اَگَم موضوعی خونِه دییَر فِکر بَکَرون، اِمی نی خدا شِمَرا دیار آرَکَرد.

اوّلین نامَه تَسالونیکی کلیسا را 5:20

پیشگو اییون گِچ بَحیساب موَرَ.

پطروسی دومین نامه 1:20

گِردیگا بَه نَه، اِمی یادیکا غم بَرَ کن موقدسَه نوشته اون هیچ کِرَم پیشگویی اونکا، پَیغمبری فکری تفسیریکا نییَه.