رومی کلیسارا نامه 12:2 - کتاب مقدس به زبان تالشي - گویش مرکزی

² و دِ هنتَه اِم دِنیا شیوار مَبَه، بَسکَم اِشتَن فکری تازَ آبِه نَه عَوَض آبَه. اَموقه خدا ایرادَ فَهمِستِه بَشارون؛ خدا دِل پیستَه و کامیلَه ایرادَ.

کتاب مقدس به زبان تالشی شمالی

² و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده.

رومی کلیسارا نامه 12:2 Iomraidhean Croise

مَتّی 13:22

دونه ایی کن چغون دِلَه برگِنستَه، کسیَه کن خدا کلامی دَرَرَست ولی اِم دِنیا تَفشیش و دِنیا مالی وَسوسَه، خدا کلامی خفه آرَکَرد و بَی بَرَ بَکَی.

مَرقُس 4:19

ولی اِم دِنیا تَفشیش و دنیادمالی وس وَسَه و دییَرَ چییون هَوَس چَوون دِلیکا دَرَش و خداکلامی خَفَه آرَکَرد و نییَشت بَرَ بِدرن.

یوحنا 14:30

دِ شِمَنه گَف ژِرا فرصَتی مَندَ نی، اِمی خونِه کن اِم دِنیا رَئیس کن شَیطونه کا آمِه. اَ هیچ زِبقی چمن سَردِرِ نِدارِ؛

یوحنا 15:19

اَگَم شِمَه دِنیا شِن بینَه، دِنیا بَشمَه اِشتَن کَسون شیوار رَی داری. ولی اِمی خونه کن شمَه دِنیا شن نینَّه، بَلکَم اَز بَشِمَه دنیاکا اِینتخاب کَردِمَه، دِنیا شمکا نیفرت دارِ.

یوحنا 17:14

اَزاِشتِه کلامی اَوون آدامَه. دِنیا اَوونکا نیفرت داریَه، اِمی خونه کن اَیِن دِنیا شن نِبینَه، هَتَه کن اَز دِنیا شن نیمَه.

یوحنا 7:7

دِنیا نیَشا شمَه کا نِیفرت بِدارِ اَمّا بَمنکا نیفرَت دارِ، اِمی خونِه کن اَز شاهیدی بَدامَه کن چَی کارِن بَدینَه.

رومی کلیسارا نامه 12:1

پس برا اِن، خدا رَحمَتون خونه، بَشِمَکا خاشتو خاز بَکَمَه کن اِشتَن جَندَکون هِنتَه زِندَ قربونی خِدارا، موقدَّس و خدا دل پیستَه، تَقدیم بکَرَ کن اِم شِمَرا روحانَیه عیبادَتَه.

رومی کلیسارا نامه 13:14

بَلکَم خداوند عیسی مَسیح شخصیَتی، هنته شندِری شیوار دَکَرَ و اِشتَن جندَکی نَفسیرا تدارک مَوینَه تا چَی خواستَه اون اَنجوم بدَرَ.

رومی کلیسارا نامه 7:12

پس، شَریعَت موقدسَه و شَریعَتی حِکم نی موقدسَه و دِرِست و چاکَه.

رومی کلیسارا نامه 7:14

چون اَمه بَموستیمون کن شریعت روحانیَه، ولی اَز جسمانیَه اینسانیمَه و هنته وَزییَری شیوار، گِناخی خِرَتَه آبَه ایمَه.

رومی کلیسارا نامه 7:22

اِمی خونه کن اَز باطِنیکا خدا شَریعَتیکا کیف بَکَم،

اوّلین نامَه قورَنتیانیرا 3:19

اِمی خونه کن خدا چَمیکا اِم دِنیا حیکمَت نادونییَه. هَته کن اَیوب پَیغَمبری کیتاویکا نوشتَه آبَه یَه: «حَکیمون، چَوون اِشتَن حیلَه نه ویلاخِنِه.»

دوومین نامه قرنتیانیرا 4:4

اِم زَمونه خدا بی ایمانون فکری کورآکَردَشه تا مسیح اِنجیلی شکوه و جلالی نوری کن خدا صَفَتَه، نِوینِن.

دوومین نامه قرنتیانیرا 5:17

پس اَگَم کَسی مسیح دِلَکا ببو، تازَ خیلقَتیَه. گِردِ کنَه چییِن تَمون آبینَه؛ ایسَه، گردِ چییِن تازَآبَه اینَه!

نامه غلاطیَه کلیسارا 1:4

کن اِشتَن جانی چَمَه گِناخون راکا آداشَه تا خدا و چَمَه دَدَ ایرادنَه، اِم آوشَرَ زَمونَه کا بِراخنِه.

نامَه اَفسوسی کلیسارا 1:18

تا شمه دلون چَم رِشون آبون، تا اومیدیرا کن خدا بَشِمَه چَی خونه خِلَه کردشَه، آزنَه و خدا اَ بی حد و حیساب و پور جلالَه میراثی موقدسون دلَکا سَر آگنَه،

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

نامَه اَفسوسی کلیسارا 5:17

پس نافَم مبَه، بَسکم سرآگِنه کن خداوندی ایرادَ چه چییَه.

نامَه کُولُسی کلیسا را 1:9

اِمی خاطر، اَ روجیکا کن اِمی درستِمون، شمَرا دِوا کردِ کا دَست پَگِتمون نی، بَسکم یَژَن خداکا بَپیمون تا چَی ایرادَ آزنِستِه نَه، هر حیکمت و روحانیَه فَهمیکا پَتلمَه ببَه؛

نامَه کُولُسی کلیسا را 3:10

و تازَ اینسانی شِندِری دَکَردَرون، کن حَقیقیَه مَریفَتیکا هر لحظَه تازَ بَبی تا هنته اِشتَن خالقی شیوار آبو.

نامَه کُولُسی کلیسا را 4:12

اِپافراس کن شمَکا اَ و مسیح عیسی پاسَریَه، شمرا سلام دَرِ. اَ خدا کا بَپیشه کن شمَه هِنتَه یالَه آدَمِن و خاطِر جمعون شیوار آمبَست بومونَه، و خدا ایرادَ کامیلا فرمون ببَه.

اوّلین نامَه تَسالونیکی کلیسا را 4:3

چون خدا ایرادَ اِمه، یعنی شمَه موقدَّس بِه: بَشتن بی عیفتیکا رَت آکَرَ؛

نامَه تیتوسیرا 3:5

اَ اَمَش نیجات دوعَه. اِم نیجات چَمَه چاکَه کارونی خونِه کن صالِح بِه دلَکا اَنجوم دوعَمون بَه خاطِر نِبَه، بَسکَم چَی اِشتَن رحمَتی خونِه و اَ شوشتِه ایی راه کا بَه کن چَی واسیطنَه خدا موقدسَه روح، اَمَش تازَ تولد و تازَ زندَگی دوعَشَه؛

یعقوبی نامَه 1:27

پاجا و خالیصه دینداری چَمَه دَدَ، خدا چَمیکا اِمه، کن صَقِرون و ویوَ ژِنون غَرّی موقِه آرَستِه و بَشتَن اِم مَچمَه دِنیاکا رَت آکَردِ.

یعقوبی نامَه 4:4

اَی زیناکارِن، نینَّزنی دِنیا نَه رَفِق گیری، خدا نَه عَدابَت کَردِ یَه؟ پس هَر کَم دِنیا نه رفق گیری دوملَیه، بَشتَن خدا غَنیم بَکَی.

پطروسی اوّلین نامَه 1:14

هِنتَه فِرمونه خِردَنون شیوار ببه، و دِ، نادون بِه موقه هوا وهَوسون شیوار مَبَه.

پطروسی اوّلین نامَه 1:18

اِمی خونه کن بَموستیرون شمَه رَخستِه، اِم دَدارَ راهون دلَکا کن اِشتَن دَدَاونکا میراث گَتَرونه، نیفیت آرَبَه چییونَّه، هِنتَه طِلِه و نِقرَ شیوار خِرییَشون نییَه،

پطروسی اوّلین نامَه 2:3

اَگَم واقییَن چَشتَرونه کن خداوند چاکه.

پطروسی اوّلین نامَه 4:2

و اِشتَن عمری مندَ روجون جندَکیکا، نِه اینسانی هوا و هوسیکا، بَسکم خدا ایرادَکا زندگی بَکَی.

پطروسی دومین نامه 1:4

کن اِم چییون واسیطنه اِشتَن یال و با اَرزِشَه وعدَ اون اَمَش بخشِستَیَه، تا چَوون واسیطنَه ایلاهییَه طبیعتیکا شریک آبَه و اَ فیسادیکا کن هوا هوسی خونه دِنیا دلَکارَ، برَخَه.

پطروسی دومین نامه 2:20

چون اَگَم اَینی کن، خداوند و چَمَه نیجات اَدَر عیسی مسیح آزنِستِه بَه دوملَه، دِنیا فیسادیکا رَخینَه، اَگَم هَنی اَیکا ویلاخِن و شکست برِن، چَوون آخیر چَوون اَوَّلنَکا بدتَر بَبی.

یوحنا اوّلین نامَه 3:13

اَی برا اِن، اِمی خونه کن دِنیا شِمَکا بیزارَ، تَعجب نِکَرَ.

یوحنا اوّلین نامَه 5:19

اَمه بَموستیمون کن خدا کا هِستیمون و گِرد دِنیا اَ آوشَری زبقی بِنیکارَ.

یوحنا موکاشیفَه 12:9

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.