رومی کلیسارا نامه 12:10 - کتاب مقدس به زبان تالشي - گویش مرکزی

¹⁰ و بِرااون شیوار یَندِ رَی بدارَ. یَندِ ایحترام نوعِه کا، یَندِ نار دَوَزَ.

کتاب مقدس به زبان تالشی شمالی

¹⁰ بِرااون شیوار یَندی نَه خِش بِبییَه. یَندی اِحترام نوعه کا پیش دَلکَه.

رومی کلیسارا نامه 12:10 Iomraidhean Croise

مَتّی 20:26

ولی شِمَه دِلَکا اِنتَرَ مَبو. هَر کَم اَپیشَه شِمَه دِلَکا یال ببو پی شِمَه پاسَری ببو.

انجیل لوقا 14:10

بَلکَم هرزمان کَسی بَتِه صَلا ژِشَه، بش و مَجلِسی جیرتَرین جِگاکا بِنِش، تا اَموقه کن اِشتِه میزبان آمَه، بَته بِواجِه: ” رَفِق، بفَرما سَرَنگاکا بِنش.“ اَموقه گِردِ اَیِنی وَریکا کن بَتِنَه سِفرَ سَر نشتین سرافرازآشَبِن.

یوحنا 15:17

چمن حکم بَه شمه اِمَه کن یَندِ رَی بِدارَ.

یوحنا 17:21

تا گرد ایله ببون، هَته کن تِه اَی دَدَ چمن دلَکاشَه و اَز اِشتِه دلَکا. کاری بکَه کن اَیِن نی چَمَه دلَکا ببون، تا دِنیا ایمان بوعَرِ کن ته بَمن رَونَه آکَردَرَ.

رَسولون اَعمال 4:32

گِردِ ایمان دارِن یَکدِل و یَک جان بینَه و هیچ کَس چیی ایی اِشتَن مالو منالیکا اِشتَن شِن نَزنیَه، بَسکَم، گِردِ چییونکا یَندِ نَه شَریک بین.

رومی کلیسارا نامه 13:7

هَرکَمی حَقی بَی بدَرَ: اَگَم مالیاتَه، مالیات بدَرَ؛ اَگَم خَراجَه، خَراج بدَرَ؛ اَگَم ایحترامَه، ایحترام بِنَرَ؛ و اَگَم حورمتَه، حورمت بکَرَ.

نامه غلاطیَه کلیسارا 5:13

اِمی خونه کن برا اِن، شِمَه رَخِستِرا خِلِه بَه ایرون، تاکَه اِشتَن اِم رَخِستِه کا، هنتَه ایلَه فِرصَتی شیوار، جَندَکیرا ایستفادَ نِکَرَ، بَسکم موحبَتینَه یَندِ خیدمت بکَرَ.

نامه غلاطیَه کلیسارا 5:22

ولی خدا روح ثمَرَ، موحبَت، خَشی، صلح و سلامتی، صَبر، مِرَبانی، چاکی و وَفاداری

نامه غلاطیَه کلیسارا 5:6

اِمی خونه کن مَسیح عیسی دِلَکا، نِه سِنَت بِه موهیمَه نِه سِنَت نِبِه، بَسکَم موهیم اَ ایمانیَه کن محبَتی واسیطنَه کار بَکَی.

نامَه فیلیپی کلیسا را 2:3

هیچ کاری زِرَ و یالَه نار گیری سَردِرِ مَکَرَ، بَسکَم فروتَنی نَه دیَرَ کَسون اِشتَنکا بِیتَر بِزنَه.

نامَه کُولُسی کلیسا را 1:4

اِمی خونه کن شمه ایمانی خونه کن مَسیح عیسی دِلَکا و موحبتی کن گردِ موقدسَه آدَمون سَر دارَ، دَرَستَمونَه.

اوّلین نامَه تَسالونیکی کلیسا را 4:9

ایسَه برا بِه موحَبَتی خونه نِپیستِمه چیی ایی شِمَرا بنوِسم، اِمی خونه کن شمَه خدا کا آموج گَترونه کن یَندِ رَی بدارَ،

دوّمین نامَه تَسالونیکی کلیسا را 1:3

اَی برا اِن، اَمه پی اوزون شمَه وِجودی خونه خدا شکر بکَرم، دِرِست نی هِمَه، اِمی خونه کن شمه ایمان هِنترَکِه کا پِرَرا و شمَه هر کِرَمی موحبَت یَندِ سَر وِر آبو.

نامَه، عِبرانیه نَتاجَه مسیحیونرا 13:1

شمَه دلَکا برا اَ موحبت ببو.

پطروسی اوّلین نامَه 1:22

ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

پطروسی اوّلین نامَه 2:17

گِردی حورمَتی غَم بَرَ، برا اون موحبت بکَرَ، خدا ترس ببَه. پادیشا ایحترام بنَرَ.

پطروسی اوّلین نامَه 5:5

هِنترَکه اَی جَوانِن، شمه ایسبیه ریشون فِرمون ببه. شمه گِردِ، اِشتَن رفتاریکا فروتنی دَکرَ، اِمی خونه کن، «خدا یالَه نارون نَکا بمندی، ولی فروتنَه آدَمون فیض بَبخشِستی.»

پطروسی دومین نامه 1:7

دیندارینه، برا شیوار رَی داشتِه، و برا شیوار رَی داشتِه نَه، موحبت.

یوحنا اوّلین نامَه 4:11

اَی خاجَتیِن، اَگَم خدا اَمَش اِنتَرَ موحبت کَردَ، اَمه نی پی یَندِ موحبَت بِکَرم.

یوحنا اوّلین نامَه 4:20

اَگَم کَسی بواجه کن خدا رَی بداشتی ولی اِشتَن برا کا نیفرت بِدارِ، دِروو اَواجَه. چون کَسی کن اِشتَن برا، کن بَی بَویندیَه، رَی نِدارِ، نیَشا خدایی کن ویندَش نی، رَی بدارِ.