رومی کلیسارا نامه 10:9 - کتاب مقدس به زبان تالشي - گویش مرکزی

⁹ کن اَگَم اِشتَن زونینَه ایقرار بِکَری «عیسی خِداوندَ» و اِشتَن صدقِه دلینَه ایمان بِداری کن خدا بَی مَردَاونکا زندَ آکَردِشَه، نیجات بگَتیشَه.

کتاب مقدس به زبان تالشی شمالی

⁹ که اَگم اِشتِه زَوونی نَه اِقرار بِکَری «عیسی خِداوندَه» و اِشتِه دیلی دیلَه کا ایمان بِداری که خِدا اَیی مَردَه اون دیلَه کا زِنده آکَردَشَه، نِجات پیدا بَکَردیش.

رومی کلیسارا نامه 10:9 Iomraidhean Croise

انجیل لوقا 12:8

«بَه شمه باتیمَه، هر کم مردومی وَر اِشتَن گَوینَه بواجه کن چمن شِنَه، اینسانی زوعَه نی خدا فِرِشتَه اون وَر اِشتَن زونی نَه باتیَه کن اَ آدَم چَی شِنَه.

یوحنا 9:22

اَیِن اِمی خاطِراِنتَر واتِشون کن یهودیونکا اَتَرسینَه. اِمی خونه کن یهودیِن چیمی بَه نَ تَوافق کردَشون بَه کن هر کم اِشتَن زونی سَر بوعَرِ کن عیسی هَه وَعدَ آدوعَه مسیحه، اَی پی عیبادتگا کا ایخراج بِکَن.

رَسولون اَعمال 16:31

پولوس و سیلاس جوابِشون دوعَه: « خداوند عیسای مَسیح ایمان بوعَه کن تِه و اِشتِه کَه آدَمِن نیجات بَگَتیرون.»

رَسولون اَعمال 2:24

خدا بَی مَرگی عذابونکا اَراخِمونیشَه، و بَی زندَ آکَردِش، اِمی خونه کن مَحال بَه مَرگ بِشا بَی اِشتَن چینگیکا غَم بَرِ.

رَسولون اَعمال 2:32

خدا، هِم عیساش زندَ آکَردَ و اَمه گِرد چَی شاهیدیمونَه.

رَسولون اَعمال 8:36

هَتَه کن راکا نار اَشینَه، آوَ جِگا ایرا آرَستین. خواجَه واتِش: «دَیَس، اِم جِگاکا آو هِستَه! ایسَه چِه چیی ایی بَشایَه چمن غسل تعمید گَتِه نَه بیگِرِ؟»

رومی کلیسارا نامه 10:10

چون دِلیکارَ کن آدَم ایمان بوعردی و صالح بَحیساب بومَی، و زونینَه یَه کن ایقرار بَکَی و نیجات بگَتی.

رومی کلیسارا نامه 14:11

چیرا کن اِشعَیای پیغمبری کیتاویکا نِوِشتَه آبَه یَه: «خداوند باتی: اِشتَن زندَگی سَر قَسَم کن هر زِنگی چمن ناریکا شَت آرَبن و هر زونی بَه خدا ایقرار بَکَیَه.»

رومی کلیسارا نامه 14:9

اِمی خونه کن مسیح نی هِمی خاطر مَردَ و زِندَ آبَه، تا زِندَ اون و مَردَ اون خداوند ببو.

رومی کلیسارا نامه 4:24

بَسکَم چَمَراشون نی نوشتَه یَه، تا چَمَرا نی بَحیساب با، اَمه کن بَی ایمان دارَم کن چَمَه خِداوندَ عیسی، مَردَاون دلَکاش زندَ آکَردَ.

رومی کلیسارا نامه 8:34

کیَه کن اَوون مَحکوم بکَرِ؟ مَسیح عیسی کن مَردَ، و نِه تاکَه اِم، بَسکَم ، مَردَاونکا زندَآبه و خدا راستَه بالی وَریکا نِشتَه، هَیَه کن چَمَه گِردیرا شَفاعَت بَکَی!

اوّلین نامَه قورَنتیانیرا 12:3

پس بَشِمَه باتیمَه کن هَرکَم خدا روح واسیطنَه گَف بژَنه، هرگز عیسی لَنَت نییَدا، و هیچ کَم غَیراَز خدا موقدسَه روح واسیطَنه نییَشا بواجه: «عیسی خداوندَ.»

نامَه فیلیپی کلیسا را 2:11

و هَر زونی ایقرار بکَرِ کن عیسی مَسیح «خِداوَندَ»، خِدای دَدَ شکوه و جَلالی خونِه.

پطروسی اوّلین نامَه 1:21

شمَه چَی واسیطنَه خدا کا ایمان وَردَرونَه، خِدایی کن اَش مردَاون دِلکا زندَ آکَردِش و بَی شکوه جلال بَخشِتِش، تا شمَه ایمان و اومید خِداکا ببو.

یوحنا اوّلین نامَه 4:15

اَ کن ایقرار بَکَی عیسی خدا زوعَه یَه، خدا چَی دِلَکا بَمَندی و اَ خدا دِلَکا.

یوحنا دوّمین نامَه 1:7

اِمی خونه کن بَرکَه حیلَه بازِنی دِنیا کا مَندین، کن عیسی مسیح آمِه اینسانی جندکی دِلَکا ایقرار نینَّکَرد. اِنتَرَ کَسِن، هَه ضد مَسیح و حیلَه بازِنینَه.