رومی کلیسارا نامه 1:25 - کتاب مقدس به زبان تالشي - گویش مرکزی

²⁵ اِمی خونه کن اَیِن اَ حَقیقَتی کن خدا خونِه اَ، دِرو نَه عَوَضِشون آکَردَ و مَخلوقی خالیقی جِگا پَرستِش و خیدمَت کَردِشون، خالِقی کن تا اَبَد پی بَی پرستِش کردِ. آمین.

کتاب مقدس به زبان تالشی شمالی

²⁵ چوم که اَوِن اَ حَقیقتی که خِدا درباره یَه، دوروع نَه عوض آکَردِشونه و مخلوقی، خالقی عوض پرستش و خدمت کَردِشونه، خالقی که بَسی تا اَبَد اَیی پرستش کَردِه. آمین.

رومی کلیسارا نامه 1:25 Iomraidhean Croise

مَتّی 10:37

«هَر کم اِشتَن دَدَ یا نَنه بَمنکا ویشتَر رَی بدارِ چمن لایِق نییَه؛ و هر کم اِشتَن زوعَه یا کله بَمنکا ویشتَر رَی بدارِ چمن لایق نییَه.

مَتّی 6:24

«هیچ‌کس نیَشا دِ اَربابی خیدمَت کَردِ، اِمی خونه کن یا ایلَه کا نیفرِت بَداشتی و دیَری موحبت بَکی و یا ایلَه نَه وفادار بَبیه و دیَری گچ بَه حیساب بوعَردی. شِمَه نینَّشا هِم خدا خیدمَت بکَرَ و هِم پولی.

یوحنا 2:8

عیسی اَیِنِش واتَه: «ایسَه تیکَلیی اَیکا پِگِرَ و مجلسی رَئیسی وَر ببَرَ.» اَیِن نی بَردِشون.

رومی کلیسارا نامه 1:18

اِمی خونه کن خدا غَضَّب، هَر مودیل بی خدایی و اینسانون ناراستی سَردِرِ کن اِشتَن ناراستینَه حَقیقَتی نیفیت بَکَن، آستامونیکا ویرَرا.

رومی کلیسارا نامه 1:23

و اَیِن زَیرونَه خدا شکوه و جلالی، اَ بوتِنی نَه کن فانییَه اینسان و پرندَاِن و خَیوونِن و خَزَندَاون اَمونینَه، عَوَض آکردِشون.

رومی کلیسارا نامه 9:5

و بابااِن نی چَوون شِنَه، و مَسیح نی جندَکی لَحاظ چَوون اودومیکارَ، خِدایی کن گِردیکا کفاترَ، اَ زَیرون موتبارَک ببو. آمین.

دوومین نامه قرنتیانیرا 11:31

خِداوندْ عیسی دَدَ، خدا، کن اَئی تا اَبَد شکر ببو، بَزنیَه کن دِرو نِمَدا.

نامَه اَفسوسی کلیسارا 3:21

کلیسا دلَکا و مسیح عیسی کا، گِردِ اودومنکا، تا ابد خدارا شکوه و جلال ببو، آمین.

اوّلین نامَه تَسالونیکی کلیسا را 1:9

اِمی خونه کن اَیِن اِشتَن شمه چاکَه ایستقبال کن اَمَکا کردِرون گَف بژَن، و اِمکن چنترَ بوتون آهَشتِرون، خدا طرف آگَردِستِرون تا حَییقیو و زندَ خدا خیدمت بکرَ

اوّلین نامَه تیموتائوسیرا 1:11

اَ آموجی کن موتبارِکه خدا پور شکوه و جلالَه اِنجیلی واتنَه، کن چمن دستِشون دوعیَه.

اوّلین نامَه تیموتائوسیرا 1:17

ایسَه اَ پادیشا دوورَ، اَ کن زَیرونَه و بَی نییَب ویندِ، اَ تاکَه خدارا تا اَبد و تا ابَد حورمت و شکوه و جلال ببو؛ آمین.

دِوُّمین نامَه تیموتائوسیرا 3:4

خَیانتکار، بی مولاحیظَه، و غرور اَوون بَگَتییَه کن عَیاشی، خداکا ویشتَر رَی بدارِن.

یوحنا اوّلین نامَه 5:20

و اِمی نی بَموستیمون کن خدا زوعَه آمَه و اَمَش فهم بَخشِستَه تا اَ کن حَییقتَه آزنَم، و اَمه چَی دِلَکا هِستیمون کن حَییقته، یعنی چَی زوعَه عیسی مَسیح کا. هَیَه حَییقیه خدا و زَیرونَه زندَگی.