رومی کلیسارا نامه 1:23 - کتاب مقدس به زبان تالشي - گویش مرکزی

²³ و اَیِن زَیرونَه خدا شکوه و جلالی، اَ بوتِنی نَه کن فانییَه اینسان و پرندَاِن و خَیوونِن و خَزَندَاون اَمونینَه، عَوَض آکردِشون.

کتاب مقدس به زبان تالشی شمالی

²³ و اَوِن خِدای اَبَدی جَلالی، اَ بُتونی نَه عوض آکَردَشونه که اِنسان فانی و پرنده اون و حَیوونون و خَزنده اون مونِن.

رومی کلیسارا نامه 1:23 Iomraidhean Croise

رَسولون اَعمال 10:12

اَ سِفرَ هَر مودیل چارپا و خَزَندَ او پَرَندَ کا پَتلَمَه بَه.

رَسولون اَعمال 17:29

«ایسَه کن خدا اودومیکامون، چاک نیَه اِنتَرَ فکر بِکَرم کن خدا، هنته طِلِه یا نِقرَ یا سِه ایی شیوارَ، کن اینسان اِشتَن خِنَر و خَیالاتینَه، بَی هنته مُجَسَمه ایی شیوارَ تاشتَش ببو.

رومی کلیسارا نامه 1:25

اِمی خونه کن اَیِن اَ حَقیقَتی کن خدا خونِه اَ، دِرو نَه عَوَضِشون آکَردَ و مَخلوقی خالیقی جِگا پَرستِش و خیدمَت کَردِشون، خالِقی کن تا اَبَد پی بَی پرستِش کردِ. آمین.

اوّلین نامَه قورَنتیانیرا 12:2

بَموستیرون وقتی کن بوت پَرست بیرون، گومراه آبَه بیرون، و گِنگَه بوتون طَرَف اَشیرون، هر جورَ کن اَبییَه بَشِمَه دَرَراکنین.

پطروسی اوّلین نامَه 4:3

چیرا کن گِذَشته کا، بَه اندازَ اِ کافی، اِشتَن عمری اَ کارونرا آنارون، کن خدا نِشناسِن اَکَرینَه، و اِشتَن زندَگی بی عیفتی، هوا و هوس و مستی و هرزَگی و هَردِ و هِنتِه و شرم آورَ بوت پرستیکا گِذِرامونیرون.

یوحنا موکاشیفَه 9:20

اَیِنی کن اِم سِه گله غَرّونکا نیفلَه آبَه نِبین، نِه اِشتَن بالی کردَ کارونکاشون توبَه کردَ. نِه پَریانون پرستش کردِکا دست پِگَتِشون و نِه طِلِه این و نِقرَ این و برنجیی و سِه و چوو اَ بوتون پرستش کردِکا کن نِه بَویندین و نِه بَشان دَرَستِه و نِه پیردِ بَشان.