رومی کلیسارا نامه 1:21 - کتاب مقدس به زبان تالشي - گویش مرکزی

²¹ اِمی خونه کن هرچَنَه خدا آزنِستِشون، ولی بَی هنتَه ایلَه خدا شیوار حورمت ایحترام نِکردِشون، بَلکَم اِشتَن فِکرونکا، دَدار چییونکا ویلاخیستین و ظِلَمات چَوون نافَمَه دِلیش گتَه.

کتاب مقدس به زبان تالشی شمالی

²¹ چوم هَر چَن خِدا آزونِستِشونه، امّا اَیی خِدا شیوار حُرمَت اِحترام نِکَردِشونه و شُکر نِکَردِشونه، بَلکَم اِشتَن فیکری کا هیچ و پوچَه چیون گیرفتار بینَه و چَوون نَفَهمه دیلون تاریکی گِتِشه.

رومی کلیسارا نامه 1:21 Iomraidhean Croise

یوحنا 3:19

و محکومیت اِمَه کن، نور دِنیا دِلَرا آمَه ولی آدَمِن، ظِلَماتی، نوریکا ویشتر رَی دارینَه، چیرا کن چَوون اَعمال بَد بَه.

رَسولون اَعمال 26:18

تا چَوون چَمون آج آکَری، اَتَه کن ظِلَماتیکا نوریرا، و شَیطونی اینجاریکا خدا طَرَف آگَردِن، تا چَوون گِناخِن بخشیدَ آبو، و اَ ایمانی خونه کن بَمنکا بَداشتین، اَیِنی دلَکا کن موقدَّس آبَه اینَه، جِگا ایی بدارِن.”

رومی کلیسارا نامه 1:19

چون اَ چیی ایی کن خدا کا بَبی آزنِستِه چَوونرا دیارَ، اِمی خونه کن خدا اَیِنِش چَوونرا دیار آکَردَشَه.

رومی کلیسارا نامه 1:28

هَتَه کن خدا آزنِستِه چَوونرا اَرزِشی نِداریَه، خدا نی اَیِنِش، چَوون مِچِمَه فکریکا آهَشتِش تا اِشتَن بَدَ کارون اَنجوم بِدَرِن.

رومی کلیسارا نامه 11:10

چَوون چَمون سو هیچ برشو، تا مَشان ویندِ و چَوون مین اوزون کَنگور آبو.»

رومی کلیسارا نامه 15:9

و تا غَیرِ یَهودییِن، خدا چَی رَحمَتی خونِه شکوه و جلال بدرِن. هَتَه کن موقدسه نوشته اونکا نِوِشتَه آبَه یَه: «اِمی خاطِر، اِز بَتِه یهودیون دِلَکا ستایش بَکمَه، و اِشتِه نومی کا آواز بَخَندیمَه.»

دِوُّمین نامَه تیموتائوسیرا 3:2

اِمی خونه کن آدَمِن، خودپرست، پولدوست، مغرور، یالَه نار، زَبون اَدَر، دَدَ نَه نَه را نافِرمون، ناشکر، جیفینین،

پطروسی اوّلین نامَه 1:18

اِمی خونه کن بَموستیرون شمَه رَخستِه، اِم دَدارَ راهون دلَکا کن اِشتَن دَدَاونکا میراث گَتَرونه، نیفیت آرَبَه چییونَّه، هِنتَه طِلِه و نِقرَ شیوار خِرییَشون نییَه،

پطروسی اوّلین نامَه 2:9

ولی شمَه اینتخاب بَه اودوم و کاهینِنی هِستیرون کن شاهانَه کَهانَت بَکرون. شمه موقدَسه میلَّت و مردومی هِستیرون کن خدا مِلکیرون، تا چَی چاکه صِفتون اییلام بکَرَ، کن بَشِمَه ظِلَماتیکا اِشتَن عجیبَه نوری طَرَف خِلِه کردشَه.

یوحنا موکاشیفَه 14:7

اَ تَتَّه لَسَّنه واتِش: «خداکا بتَرسَه بَی شکوه و جَلال بدَرَ، اِمی خونه کن چَی دیوون کَردِ ساعت آرَستَیَه. اَ کن آستامونِن و زمین و دَیرا و خونییِنِش خَلق کردَیَه پرستش بکَرَ.»

یوحنا موکاشیفَه 15:4

اَی خداوند، کییَه کن بَتِکا متَرسِه، و اِشتِه نومی شکوه و جلال آنِدَرِ؟ اِمی خونه کن تِه، تاکَه تِه قدّوسیشَه. میلَّتن گِرد بومَنه و اِشتِه حِضوریکا بَتِه پرستش بَکَن اِمی خونه کن اِشتِه عادیلانَه کارِن دیار آبَه اینَه.»