یوحنا موکاشیفَه 7:14 - کتاب مقدس به زبان تالشي - گویش مرکزی

¹⁴ جَوابِم دوعَه: «چمن سرور، اِمی تِه بَموستیشَه.» و اَ واتش: «اِمِن ههَ کَسِنی هِستینَه کن یالَه عَذابیکا بَروشتین و اِشتَن رَدا اون وَرَ خونی دلَکا شوشتَشونه و ایسبی آکَردَشون.

کتاب مقدس به زبان تالشی شمالی

¹⁴ از جَواو دومَه: «اِی آقا، اِمی تِه بَزنیش.» و اَ مِنَه واتِشَه: «اِمِن هَ کسونی اِستینَه که اَ یالَ عذابی کا دوییَردَه اینَه و اِشتَن اَبااون وَرَه خونی دیلَه کا شوشتَشونَه و ایسبی آکَردَشونَه.

یوحنا موکاشیفَه 7:14 Iomraidhean Croise

مَتّی 24:21

اِمی خونه کن اَ زمانَیکا بَرکَه غَرّی بومَیَه کن چَی شیوارخیلقَتی اَوَّلیکا تا ایسَه ایتفاق دگنستَه نی، و هرگز نی ایتفاق دَنیَگنست.

مَرقُس 13:19

اِمی خونه کن اَ روجونکا بَرکَه غَرّی بومَیَه کن چَی شیوار خیلقَتی اَوَّلیکا کن خدا اِم دِنیا خَلق کَردشَه تا ایسَه ایتفاق دَگنِستَه نیَه و هَرگز نی ایتفاق دَنیَگنست.

یوحنا 16:33

اِمون شمرا واتمَه تا چمن دلَکا صلح و سلامتی بدارَ. دِنیا دِلَکا شِمَرا ایذَت و آزاربَبیَه؛ ولی دلْی زبق غَم بَرَ، اِمی خونه کن اَز دنیاسَردِرِ پیروز آبَه ایمَه.»

رَسولون اَعمال 14:22

اَ شَهرونکا شاگِردون جانی زبق آداشون و اَوون آمبَست مَندِ ایمانیکا تَشویق کَردِشونَه و نَصیحتِشون کردَ کن: «پی خدا پادیشاهی دِلَه دَشِه را برکَه سختیون تاو بوعَرَم.»

رومی کلیسارا نامه 5:3

نِه تاکَه اِم، بَسکَم سَختیونکا نی خشی بکَمون، چون بَموستیمون کن اِم سَختیِن صبری سِی آرَکَرد

اوّلین نامَه قورَنتیانیرا 6:11

بعضی شِمَه اونکا گِذَشتَکا اِنتَرَ بینَه، ولی خداوند عیسی مسیح نومینَه و چَمَه خدا روح واسیطَنه شِمَشون شوشتَه، تقدیس آبیرون و صالح بَحیساب آمیرون.

دوّمین نامَه تَسالونیکی کلیسا را 1:4

اِمی خاطر، اَمه اِشتَن خدا کلیسا دلَکا شمَه آمبَست بِه و ایمانی خونه، اَیذَتون و سختیون تاو وَردِرا، شمه وِجودیرا ایفتخار بکَمون.

نامَه، عِبرانیه نَتاجَه مسیحیونرا 13:12

هنترَکه، عیسی نی شهری دروازَ بِرنیکا عذابِش کَشته تا اِشتَن خونی واسیطنَه، آدَمون تقدیس بکرِ.

نامَه، عِبرانیه نَتاجَه مسیحیونرا 9:14

چَنَه ویشتَر، مسیح خون کن اَ زَیرونَه روح واسیطنَه، بَشتَنِش بی عَیب، خدارا تقدیمِش کردَ، چَمَه ووژدانی دَدارَ کارونکا پاجا بَکَی تا بشوعَم زندَ خدا خیدمت بکرم.

پطروسی اوّلین نامَه 1:19

بَلکَم مسیح با اَرزِشَه خونینَه، اَ وَرَ کن بی عَیب و بی لَکَّه یَه، خِرییَشونَه.

یوحنا اوّلین نامَه 1:7

ولی اَگَم نوریکا زندگی بَکمون، هَتَه کن خدا نوری دلکارَ، یَندِنَه رَفاقَت دارَم و چَی زوعَه عیسی خون، اَمه هر گِناخیکا پاجا بَکَی.

یوحنا موکاشیفَه 1:5

و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،

یوحنا موکاشیفَه 12:11

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

یوحنا موکاشیفَه 15:2

و چیی ایی ویندِم کن هنته شیشَه اینَه دَیرا اَمونیَه کن آرانَه یَندِ گنِستَه ببو، و کَسِنی شیشَه اینه دَیرا وَریکا پامَندَکَر ویندِم کن اَ اَشیا و چَی موجسمَه سَر و چَی نومی شومارَ سَردِرِ پیروز آبَه بینَه. اَیِن اِشتَنَه چَنگَه سازِنی دارین کن خدا اَیِنِش دوعَه بَه.

یوحنا موکاشیفَه 17:6

و ویندِمه کن اَ ژِن موقدسه آدَمون خونینَه و اَیِنی کن عیسی خونه شهید آبَه بینَه خونینَه، مست بَه. اَ ژنی ویندِکا بَرک حَیرون آبیم.

یوحنا موکاشیفَه 2:9

اِشتِه عذابونکا و دَس دَریسیکا باخَبریمَه، ولی تِه دولتمندیشَه. و اَ آدَمون ایفترا گَتِکا باخبَریمه، کن باتین یهودی اینَه ولی نینَّه، بَسکم شیطونی عیبادتگا اینَه.

یوحنا موکاشیفَه 22:14

خَشی اَیِنی حالیرا کن اِشتَن رَدا بَشوشتین تا اِم حقّی بدارن کن زندَگی داریکا بَرِن و بشان شهری دروازَاونکا شهری دِلَه دَشِه.

یوحنا موکاشیفَه 5:9

و اَیِن تازَ سِرودی اَخونینَه کن اَواجیَه: «تِه اَ طوماری ویگَتِه و اَ موهرون چاکنسِه لَیاقتی داری، اِمی خونه کن تِه قربونی آبیشَه، و اِشتِه خونینَه آدَمون، هر طایفه و زبان و مردوم و میلَّتیکا، خِدارا خِریرَ؛

یوحنا موکاشیفَه 7:9

چَی بَه دوملَه اَز دَیشتِمه و بوین، برکَه یالَه کاولَه ایی هر میلَّت و طایفَه و قام و زَبانیکا کن هیچ کَم نَشایَه اَوون اَشمَردِ، گِرد، اَ تخت و وَرَ ناریکا پا مند بینَه. اَیِن گِرد ایسبیَه رَدا دَکَردشون بَه و خِرما داری بَشو خالی اِشتَن بالیکا دارین.