یوحنا موکاشیفَه 7:13 - کتاب مقدس به زبان تالشي - گویش مرکزی

¹³ چَی بَه دومله ایلَه اَ پیرونکا بَمنِش خِله کردَ و واتش: «اِمِن کن ایسبیَه رَداشون دَکردَیه، کییِنین و کِرَم جِگاکا آمَه اینَه؟»

کتاب مقدس به زبان تالشی شمالی

¹³ دومله ایلَه اَ پیرون کا مِن دَخوندِشَه و مِنَه واتِشَه: «اِمِن که ایسبی یَه اَبا دَکَردَشونه کیی اینَه و کییا کا اومَینَه؟»

یوحنا موکاشیفَه 7:13 Iomraidhean Croise

یوحنا 7:28

پس وقتی کن عیسی مَعبَدیکا آموج اَدَریَه، تَّته لَسَّنَه واتش: «شِمَه بَمن آزنَه و بَموستیرون کِرَم جِگاکا آم. ولی اَز اِشتَن بَسَر آمَه نیمَه و اَ کن بَمن عَندشَه حقَّه؛ و شمه اَی آنینَّموست.

رَسولون اَعمال 3:12

وَقتی پِطروس اِمِش ویندَ، جَماعَتِش دَیَشتَه واتِش: «اَی یهودی مِردِن، چیرا اِم کاریکا اَنَه تعجوبِرون کردَ؟ چیرا کاینَه اَمه دَیَشتِه، هِنتَه کن اَمه اِشتَن زِبق و دیندارینَه، کاریمون کَردیَه کن اِم مِرد پا آرا؟

یوحنا موکاشیفَه 3:4

«اِم حالینَه، هنوزَنی بعضیون سارِدسیکار هِستَه کن اِشتَن شندرِشون کثیف آکردَ نی و اَیِن ایسبیَه شندرینَه بَمِنه گَل بژَن، اِمی خونه کن لَیاقَتِشون هِسته.

یوحنا موکاشیفَه 4:10

اَ بیستو چار گله پیر اَ تختی سَر اَنِشی ناریکا خاکی سَر اَگِنینن و اَ کن تا ابد تا ابد زندَیه پرستش اَکَرین و اِشتَن تاجی چَی تختی نَکا اَنَرین و اَواجین:

یوحنا موکاشیفَه 4:4

تختی دووریکا، بیستو چار گلَه دییَرَ تخت بَه کن چَوون سَردِرِ بیستو چار گلَه پیر نشت بین. اَیِن ایسبیَه شِندِرشون دَکردَ بَه و طِلِه اینه تاجی کَلَکا دارین.

یوحنا موکاشیفَه 5:11

چَی بَه دوملَه دَیَسیم کردَ و برکَه فرشتَه اون سَسِم درَسته کن اَ تخت و اَ زندَ مخلوقِن و اَ پیرون دوورِشون کردَ به. چَوون تیعدا کاولَه کاولَه و هَزاران هَزار گِلَه بینه.

یوحنا موکاشیفَه 5:5

اَموقه ایلَه اَ پیرونکا بَمِنش واتَه: «مَبرَم. بوین، اَ شیر کن یهودا قامی شِنه، و داوودی نَتاجیکارَ، پیروز آبَه یَه، تا طوماری و چَی هف گله موهری آکَرِ.»

یوحنا موکاشیفَه 7:9

چَی بَه دوملَه اَز دَیشتِمه و بوین، برکَه یالَه کاولَه ایی هر میلَّت و طایفَه و قام و زَبانیکا کن هیچ کَم نَشایَه اَوون اَشمَردِ، گِرد، اَ تخت و وَرَ ناریکا پا مند بینَه. اَیِن گِرد ایسبیَه رَدا دَکَردشون بَه و خِرما داری بَشو خالی اِشتَن بالیکا دارین.