یوحنا موکاشیفَه 6:16 - کتاب مقدس به زبان تالشي - گویش مرکزی

¹⁶ اَیِن کومون و کازَ مَغارِنِشون واتَه: «چَمَه سَر ویگنَه و اَ تختی سَر اَنِشی چَمیکا و اَ وَرَ غَضَّبیکا، اَمه نون آکرَ.

کتاب مقدس به زبان تالشی شمالی

¹⁶ اَوِن کو اون و صخره اون نَه بَواتین: «چَمَه سَر بَلَکَه و اَمَه اَ تخت‌نشینی چِمی کا و اَ وَرَه غَضبی کا نِین آکَرَه.

یوحنا موکاشیفَه 6:16 Iomraidhean Croise

مَتّی 26:64

عیسی جواب داشه: «ته ایسَه اِشتَن واتِرَ! ولی بَشِمَه باتیمَه کن چیمی بَه دوملَه، اینسانی زوعَه بَویندیرون کن خدای قادِری راستَه بالی وَریکا نِشتَه و آستامونی خِرون سَردِرِ آ.»

مَرقُس 3:5

عیسی، غَضَّبینَه اَیِنی کن چَی دوور بینَه دَیَشتِشَه و چَوون خوعهَ دلی خونِه برضَخ آبه. چَی به دوملَه اَ مِردی واتِش: «اِشتِه بالی دراز اَکَن.» اَ مِرد اِشتَن بالی دراز آکَردِشَه و چَی بال سِی آبَه.

انجیل لوقا 23:30

اَ هنگومیکا، کومونَّه باتین: ”چَمه سَریکا ویگِنَه!“ و بَه کوله اون نی باتین: ”اَمه دَپوشامونَه!“

یوحنا موکاشیفَه 10:6

و اَیرا کن تا ابد تا ابد زندَیَه و آستامون و گِردِ چیی اِنی کن چَی دلَکارَ و زمین و هر چیی ایی کن چَی سَریکارَ و دَیرا و هر چیی ایی کن چَی دلَکارَ، خَلقِش کردَیه، چَیرا قَسمِش هَردَ واتِش: «دِ بیمیکا ویشتَر عَری دَنییَگِنِست.

یوحنا موکاشیفَه 19:15

و تیرینجَه شمشیری چَی گَویکا بِرِن آی، تا بَینه میلّتون بژنه. «آسونَه چَلیکینَه چَوون سَر حِکومت بَکَیه.» اَ، موطلقَه قادِرَ خدا قَضَّب و غرَصی اَنگِری، شراوَ حووضیکا پا پِکو بَکی.

یوحنا موکاشیفَه 20:11

چَی به دوملَه ایلَه یالَه ایسبیَه تختی کن ایی نفر چَی سَریکا نِشت بَه ویندِمه. آستامون و زمین چَی حِضوری خونه اَوریجینَه و جِگایی چَوونرا نِبَه.

یوحنا موکاشیفَه 4:2

جَخت خدا روح بَمِنش پتلمه آکردَ و آستامونیکا ایلَه تخت ویندمَه کن ایی نفر چَی سَریکا نشت بَه.

یوحنا موکاشیفَه 4:5

و تختی سَردِرِ گِرّی برق شَپق اَژَنی و برکَه سَسی اَدَریَه. تختی ناریکا، هف گلَه کولوستارَ مشعل بَه کن خدا هف گلَه روحینَه.

یوحنا موکاشیفَه 4:9

هر موقه کن اَ زندَ مخلوقِن، اَ تختی سَر اَنِشیرا، اَکَن تا ابد و تا ابد زندَیَه، شکوه و جلال و حورمت و شکر تقدیم اَکَرین،

یوحنا موکاشیفَه 5:1

اَ موقه اَ تختی سَر اَنِشی راسته بالیکا ایلَه طومارِم ویندَ کن چَی ناریکا و پِشتیکاشون نوشتَه بَه، و هف گلَه موهرینَه موهر وموم آبَه بَه.

یوحنا موکاشیفَه 6:10

اَیِن تَتَّه لَسَّنه سس اَدَرینَه و اَواجینه: «اَی خداوندی کن قادر و قدوس و حَقّیشَه، تا کَینی دیوون نیشَکرد و زَمینی آدَمونکا چَمَه خونی تقاصی وینیشَگَت؟»

یوحنا موکاشیفَه 9:6

اَ روجون دلَکا آدَمِن مَرگی دوملَه بَبینه، ولی بَی پَیدا نینَّکرد؛ مَردِ طَمارزو بکَنَه، ولی مرگ اَوونکا بَوریتییَه.