یوحنا موکاشیفَه 6:12 - کتاب مقدس به زبان تالشي - گویش مرکزی

¹² و وقتی کن وَرَ شَشومین موهرِش آکردَ، اَز دیَشتِم و بوین، کن ایی کَرَایی برکَه یالَه بومَلَرزَ ایی آمَه و آختاو هنته باشلاقی شیوار سیا ویبَه و کامیلَه مانگ، خونی رَنگ آبَه.

کتاب مقدس به زبان تالشی شمالی

¹² و وختی که وَرَه شیشمین مُهری چاکِندِشه، از دَیشتیمَه و دَیِس، ایلَه بَرکَه زمین لرزه ای اومَه و آفتاو، کیلی شیوار سیاه آبَه و کامَلَ مانگ، خونی رنگ آبَه.

یوحنا موکاشیفَه 6:12 Iomraidhean Croise

مَتّی 11:21

عیسی واتِش: «برامِه شِمَه حالیرا، اَی خورَزینی آدَمِن! برامِه شِمَه حالیرا، اَی بِیت‌صِیْدا آدَمِن! اِمی خاطِرکن اَگَم موعجیزَاِنی کن شِمَه دِلَکا اَنجوم بَه، شَهرِنِه صور و صیدونی دِلَکا اَنجوم آرَبی، اَجگا آدَمِن خَیلی چیمی بَه نَه پَلاس دَرَکَرین و خاکَ پَشیکا اَنِشین و توبَه اَکَرینَه.

مَتّی 24:29

«جخت اَ روجون مصیبَتی بَه دوملَه «آختاو تاریک آرَب و مانگ دِ شَپَق نیَژ؛ اِسترَاِن آستامونیکا وینَّب. و آستامونی اینجارِن بَلَرزِستینَه.“

مَتّی 24:7

هِنتَرَکِه قامی دییَره قامی سَر و حکومتی دییَرَ حِکومتی سَردِرِ راست آنَّب. و قحطی و بومه لَرزَ مُختَلیفَه جگا اونکا بومَیَه.

مَتّی 27:45

ناهاری موقه، ساعت دانزَّرا، تا آختاو ویگِنی موقه، ساعت سه را، ظِلَمات گردِ اَ وِلَتی گَتشه.

مَتّی 27:54

وَقتی سربازون فَرماندَ و سربازنی کن مامور بینه تا عیساکا نیگَبانی بِدَن، بومه لَرزَ و گرد اِم ایتفاقن بَویندینه بَرک تَته وَسه دَگنِستینه و ترسستین و واتِشون: «واقییَن کن اِم مِرد خدا زوعَه بَه.»

مَتّی 28:2

ایکَرَایی بَرکَه بومه لَرز ایی آمَه، اِمی خونه کن خداوندی ایلَه فرشتَه آستامونیکا نازل آبَه و تِربه طَرَف شَه و اَ کازی چَی نَ کا قِرَقیرا گِلِل آکردشَه وچَی سَریکا نِشتَه.

مَرقُس 15:33

ناهاری موقِه ساعت دانزَ کا تا ساعت سه، ظِلَمات گرد اَ مَملَکَتی گَتِشه.

یوحنا موکاشیفَه 11:13

جَخت هَه ساعَتیکا، بَرکه یالَه بومَه لَرزَ ایی آمَه و شَهری یَک دَهوم ویریستَه و هف هیزار نفر اَ بومَه لَرزَ کا مَردین و اَمونِن بَرک ترسِستین و آستامونون خِداشون شکوه جلال دوعَه.

یوحنا موکاشیفَه 16:18

و آستامونی برق، و گِرَّ خونَه بَه کن راست آبَه، و برکَه یالَه بومَه لرزَ ایی گَتِشه، اَنَه یال بَه کن، اینسانی خلق بِه بَه دوملَه تا ایسَه چَی شیوارَ بومه لرزَ ایتفاق دگِنستَه نِبَه.

یوحنا موکاشیفَه 16:8

چارومین فرشتَه اِشتَن قَدرَش آختاوی سَریکا ویکردِش، و آختاوشون ایجازَ دوعه تا آرا نَه آدَمون بسونِه.

یوحنا موکاشیفَه 8:12

چارومین فرشتَه اِشتَن زرناش فو دَکَردَ، و آختاوی یَک سووم، و مانگی یَک سووم و اِسترَ اون یَک سووم، ضربَه گنِستینَه، اَنَه کن چَوون نوری یَک سووم تاریک آبَه. و روجی یَک سووم بی نور مندَ و شَوی یَک سووم نی هَتَه آبَه.

یوحنا موکاشیفَه 8:5

چَی بَه دوملَه فرشتَه بوخوری مَنقالی پِگتشَه و و قربونَه جگا آرا کا پتلَمه آکَردِش و زَمینی سَردِرِ ویداشتِش. اَموقه گِرَ خونَه سَس بَه، و برقی کن آستامونیکا اَژَنیَه و بومَه لَرزَ آمه.