یوحنا موکاشیفَه 5:9 - کتاب مقدس به زبان تالشي - گویش مرکزی

⁹ و اَیِن تازَ سِرودی اَخونینَه کن اَواجیَه: «تِه اَ طوماری ویگَتِه و اَ موهرون چاکنسِه لَیاقتی داری، اِمی خونه کن تِه قربونی آبیشَه، و اِشتِه خونینَه آدَمون، هر طایفه و زبان و مردوم و میلَّتیکا، خِدارا خِریرَ؛

کتاب مقدس به زبان تالشی شمالی

⁹ و اَوِن تازَه سرودی خَندِشونَه که بَواتی: «تِه لایقیش که اَ طوماری ویگِری و چَیی مُهرون بِچاکِنی، چوم که تِه قربونی بیشَه، و اِشتِه خونی نَه مردمی، هَر طایفه و زَوون و مردم و میلّتی کا، خِدا را خِریرَه؛

یوحنا موکاشیفَه 5:9 Iomraidhean Croise

مَتّی 20:28

اِمی خونه کن حتی اینسانی زوعَه نی آمَه نی تا بَی خیدمَت بِکَن، بَلکَم آمَه تا خیدمَت بکَرِ و اِشتَن جانی خَیلیون رَخِستِه خونه فِدا بکَرِ.»

مَتّی 26:28

چون اِم چمن خونَه کن اِم تازَ عَهدی بَینَه موهر بَکَم. چمن خون ویرَب تا خَیلی آدَمون گِناخ بَخشیدَ آبو.

رَسولون اَعمال 20:28

شِمَه حواس بَشتَنکا ببو. و رَمَه اِنی کن خدا موقدسَه روح، بَشِمَه اینتخابِش کردیَه تا چَوون سَریکا بِبَه، حواسِرون اَوونکا ببو. خدا کلیسارا کن اَش اِشتَن خونینَه خِرییَه شَه، شونَه گیری بکرَ.

اوّلین نامَه قورَنتیانیرا 6:20

اِمی خونه کن شمَه خِرییِه را بَهاشون دوعَیه، پس اِشتَن تَنیکا خدا شکوه وجلال بدَرَ.

اوّلین نامَه قورَنتیانیرا 7:23

شِمَه رَخِستِرا بَها دوعَشون، اینسانون وَزییَر آمَبَه.

نامَه اَفسوسی کلیسارا 1:7

اَمه مسیح دلَکا چَی خونی واسیطنَه رَخِستیمون، کن اِم هَه خطا اون بخشِستِه یَه، کن اَش، اِشتَن برکَه وِرَ فیضی اندازَ،

نامَه اَفسوسی کلیسارا 5:19

مزامیرینه، پرستشَه سِرودِن و آوازِنی کن خدا روح کا اَ، یندِنَه گفَه ژَنِه بکرَ و صِدق دلینَه خداوندیرا بوخونه و آهنگ سِی آکَرَ.

نامَه کُولُسی کلیسا را 1:14

کن چَی دِلَه، اَمه رَخِستِه بَداشتیمون، یعنی چَمَه گِناخون بخشش.

نامَه کُولُسی کلیسا را 1:23

اَگَم واقییَن شمه اِشتَن ایمانیکا آمبَست بومونَه و اِنجیلی اَ اومیدیکا تِم مَرَ، هَه اِنجیلی کن آستامونی بَنیکا گردِ مخلوقونرا اییلام بَیَه، و اَز، پولوس، چَی پاسَری آبَه ایمَه.

نامَه تیتوسیرا 2:14

کن چَمرا اِشتَن جانی آداشَه تا هر آوشرَ چیکا اَمه بِراخمونِه و اِشتَنرا پاجا اَ قامی سِی آکَرِ کن چَی اِشتَن شِن ببون، کن چاکَه کاریرا غَیرَت بِداشتین.

نامَه، عِبرانیه نَتاجَه مسیحیونرا 11:14

چون اَیِنی کن اِنتَرَ گَف بَژَن، آمونِنن کن اِشتَنرا ایلَه وطَنی دوملَه بَگردِستین.

پطروسی دومین نامه 2:1

ولی اسرائیلی قامی دلَکا، دِروعَه پَیغمبرِن نی بینَه، هَتَه کن شمَه دلَکا نی دِروعَه موعلیمِن بومنَه، کن نونکِه سَفَه آموجون بوعَنه کن بشایَه کشتِه و هَه اَربابی کن اَیِنِش خِرییَه یَه حاشا بَکَنَه و انتَرَکه، ایکرَایی غَرّی اِشتَن سَر بوعنَه.

یوحنا اوّلین نامَه 1:7

ولی اَگَم نوریکا زندگی بَکمون، هَتَه کن خدا نوری دلکارَ، یَندِنَه رَفاقَت دارَم و چَی زوعَه عیسی خون، اَمه هر گِناخیکا پاجا بَکَی.

یوحنا اوّلین نامَه 2:2

عیسی چَمَه گِناخون کَفّارَ یَه، نِه تاکَه چَمَه گِناخونرا، بسکم دِنیا گردِ گناخونرا.

یوحنا موکاشیفَه 10:11

اَموقه بَمنِشون واتَه: «تِه هَنی، پی وِرَ میلَّتِن و وِرَ قامِن و وِرَزَبانِن و وِرَ پادیشاهون خونه، پیشگویی بکَری.»

یوحنا موکاشیفَه 11:9

سِه روج و نیمی اندازَ، بعضی آدَمِن هر میلَت و هر طایفَه و هر زبان و هر قامیکا چَوون مَییتون تَمشا کردِرا بشین و نینَّشت اَوون چال بکَن.

یوحنا موکاشیفَه 13:7

و اِمَنی بَشون ایجازَ دوعَه کن موقدسَه آدَمونَّه بجنگِه و چَوون سَردِرِ پیروز آبَه؛ و بَی هر طایفَه و میلَّت و زبان و قامی سَردِرِ زاکین آداشون تا حکم بکَرِ.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.

یوحنا موکاشیفَه 14:6

چَی بَه دوملَه دییَرَ فرشتَه ایی ویندِمه کن کایبَه آستامونی وَسَطیکا پَر گَتِه و اِشتَنَه زَیرونَه اِنجیلی پِرِش بَه، تا اَی زَمینی سری اَمونونرا، هر قام و طایفَه و زبان و میلَتیکا کن ببون اییلام بکرِ.

یوحنا موکاشیفَه 15:3

و اَیِن، خدا پاسَری، موسی سِرودی و اَ وَرَ سِرودی اَخونینَه و اَواجینَه: «اِشتِه کارِن بَرک یال و عَجیبینه، اَی خداوند، موطلقَه قادِرَ خدا، چَنَه اِشتِه راهِن عادیلانَه و حَقّینه، اَی گردِ میلَّتون پادیشا.

یوحنا موکاشیفَه 17:15

و اَ فرشتَه بَمِنِش واتَه: «اَ آوِن کن ویندِرَ اَ فاحیشَه چَوون سَریکا نشته، اَیِن هَه میلَتِن و جماعَتِن، قامِن و زَبانِن هِستینَه.

یوحنا موکاشیفَه 4:11

«اَی چَمَه خداوند، و چَمَه خدا، تِه شکوه و جلال و حورمت و خِنَری تقدیم بِه لایِقیشَه، اِمی خونه کن گردِ چییون خلق اَکَر تِه ایشَه و اِشتِه خواستنَه گردِ چییِن بوجود آمَه و خلق بین.»

یوحنا موکاشیفَه 5:12

و اَیِن لَسَّنه اِنتَرَ اَواجین: «اَ قربونی آبَه وَرَ خِنَر و ثیروت و حیکمت و اینجار، و حورمت و شکوه و جلال و برَکتی تقدیم بِه لَیاقتی بَداشتی.»

یوحنا موکاشیفَه 5:6

و تختی وسطیکا و اَ چار گلَه زندَ مخلوق و اَ پیرون دلَکا، ایلَه وَرَ ویندِمه کن هنته ایله قربونی شیوار بَه و هف گلَه شاخ و هف گلَه چَم داری کن خدا هف گلَه روح بینه، کن زَمینی گردِ جگا اونرا رونَه آبین.