یوحنا موکاشیفَه 5:6 - کتاب مقدس به زبان تالشي - گویش مرکزی

⁶ و تختی وسطیکا و اَ چار گلَه زندَ مخلوق و اَ پیرون دلَکا، ایلَه وَرَ ویندِمه کن هنته ایله قربونی شیوار بَه و هف گلَه شاخ و هف گلَه چَم داری کن خدا هف گلَه روح بینه، کن زَمینی گردِ جگا اونرا رونَه آبین.

کتاب مقدس به زبان تالشی شمالی

⁶ و تختی وسطی کا اَ چار گِله مخلوق زِنده و پیرون دیلَه کا ایلَه وَرَه ویندِمَه مَندَه بَه که ایلَه قِربونی شیوار بَه، هفت گِله شاخ و هفت گِله چِم داری، که خِدا هفت گِله روحی نَه که گِردِ زمینی سَری را ویسا آبَینه.

یوحنا موکاشیفَه 5:6 Iomraidhean Croise

انجیل لوقا 1:69

اَ اِشتَن پاسَری داوود پادیشا اودومیکا ایلَه قودورَ نیجات اَدَری، چَمَرا رَونَه آکَردَشَه،

یوحنا 1:29

اَ روجی سَوسَه، یحیی، عیسی کن کایبَه چَی طَرَف آمَه ویندِشَه و واتِش: «دَیَسَه اِمَه خدا وَرَ، کن دِنیاگِناخی پِرَگَت!

یوحنا 1:36

یحیی عیسی کن کایبَه دَیوردِ دَیشتشَه و واتِش: «دَیسَه، اِمَه خدا قربونیَه وَرَ!»

رَسولون اَعمال 8:32

اَ قسمَتی کن خواجَه موقدسَه کیتاوی اَخونیَه، اِم بَه کن: «دِرِست هِنتَه پَسی شیوار کن بَی سَر آبیردِرا بَبَنَه، و هِنتَه وَرَ ایی شیوار کن اِشتَن رَمَبِرون وَر ساکیتَه، اَ هَتَرکِه اِشتَن گَویی آنِکَردِش.

یوحنا موکاشیفَه 1:4

یوحنا طَرفیکا، هَف گلَه کلیسارا کن ولَتِه آسیا کا هِستین: فیض و صلح و سلامتی اَ کَسی طرَفیکا کن، هِستَه و بَه و بومَیَه، شِمَرا ببو، و هف گلَه روح طَرَفیکا کن چَی پادیشاهی تختی ناریکاینَه،

یوحنا موکاشیفَه 12:11

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.

یوحنا موکاشیفَه 14:1

چَی بَه دومله دَیشتِمه و بوین، اَ وَرَ صَهیونی کو سَریکا پامند بَه و اَینَه صَد و چِل و چار هَزار نفر کن چَی نومی و آستامونیَه دَدَ نومی اِشتَن پوشنو کا نوشتَشون بَه، دَرِ بین.

یوحنا موکاشیفَه 17:14

گردِ اَیِن اَ وَرَ نَه جنگِستِه خونه راست آنَّب، ولی وَرَ چَوون سَردِرِ پیروز آرَب، اِمی خونه کن اَ خداوندون خدا و پادیشا اون پادیشا اَ و اَیِنی کن بَینه دَرِ این، اَیِنین کن صَلا ژَشه و اَوون اینتخابِش کردیَه و چَی وفادارَ پیرووِنین.»

یوحنا موکاشیفَه 21:22

شهری دلَکا معبَدی نِویندِمَه، اِمی خونه کن موطلقَه قادِرَ خدا خداوند و وَرَ، چَی معبَد هِستینَه.

یوحنا موکاشیفَه 21:23

اَ شهر آختاو و مانگ نَپیش بَه تا بَی رِشون آکرَ اِمی خونه کن خدا شکوه و جلال اَی نور آرَدا و وَرَ چَی چِرا اَ.

یوحنا موکاشیفَه 22:1

چَی بَه دوملَه اَ فرشتَه، زندَگی آوی رباری بَمن آمونِستِشَه کن هنته بلوری شیوار شفاف بَه و خدا و وَرَ تختیکا شِرشِر دَرَرای

یوحنا موکاشیفَه 22:3

و دِ هیچ لَنَتی اَ جِگاکا نِبَه. بسکم خدا تخت و وَرَ تخت اَ جگا کا بَمندی و چَی پاسَرییِن بَی بَپَرَستینَه.

یوحنا موکاشیفَه 4:8

هر کِرَم اَ چار گِله زند مخلوق شَش گلَه پَر دارین و چَوون دوور و حتی چَوون دلَکا چَمینَه پتلمَه بَه و شوانَه روج و یَژَن اَواجینه: «قدّوس، قدّوس، قدّوسَه خداوند، موطلَقه قادِرَ خدا، اَ کن بَه و هِستَه و بومیَه.»

یوحنا موکاشیفَه 5:11

چَی بَه دوملَه دَیَسیم کردَ و برکَه فرشتَه اون سَسِم درَسته کن اَ تخت و اَ زندَ مخلوقِن و اَ پیرون دوورِشون کردَ به. چَوون تیعدا کاولَه کاولَه و هَزاران هَزار گِلَه بینه.

یوحنا موکاشیفَه 5:12

و اَیِن لَسَّنه اِنتَرَ اَواجین: «اَ قربونی آبَه وَرَ خِنَر و ثیروت و حیکمت و اینجار، و حورمت و شکوه و جلال و برَکتی تقدیم بِه لَیاقتی بَداشتی.»

یوحنا موکاشیفَه 5:13

چَی به دوملَه درَستِم هر مخلوقی کن آستامونیکا و زَمینی سَردِرِ و زَمینی بنیکا و دَیرا کارَ، و هر چیی ایی کن چَوون دلَکارَ، اَواجینَه کن: «اَ تختی سَر اَنِشیرا و اَ وَرَ را، ستایش و حورمت و شکوه و جلال و زبق تا ابد و تا ابد چَوونرا با.»

یوحنا موکاشیفَه 5:14

و اَ، چارزندَ مخلوق واتِشون: «آمین»، و اَ پیرِن صفَتینه زَمینی سَردِرِ ویگنِستین و بَی پرستش کردِشون.

یوحنا موکاشیفَه 6:16

اَیِن کومون و کازَ مَغارِنِشون واتَه: «چَمَه سَر ویگنَه و اَ تختی سَر اَنِشی چَمیکا و اَ وَرَ غَضَّبیکا، اَمه نون آکرَ.