یوحنا موکاشیفَه 4:10 - کتاب مقدس به زبان تالشي - گویش مرکزی

¹⁰ اَ بیستو چار گله پیر اَ تختی سَر اَنِشی ناریکا خاکی سَر اَگِنینن و اَ کن تا ابد تا ابد زندَیه پرستش اَکَرین و اِشتَن تاجی چَی تختی نَکا اَنَرین و اَواجین:

کتاب مقدس به زبان تالشی شمالی

¹⁰ اَ بیست و چار گِله پیر اَ تخت‌نشینی ناری کا بلَکِن و اَئی که تا اَبَد و تا اَبَد زِندَه یَه پرستش بَکَردین و اِشتَن تاجی چَیی تختی ناری کا فِرآدَن و بَواتین:

یوحنا موکاشیفَه 4:10 Iomraidhean Croise

مَتّی 2:11

وقتی اَیِن کهَ دِله دَرمین و خِردَنی و چَی نَنَه مریمی ویندشون، زَمینی سَردِرِ برگنستین و بَی پرستِش کَردَشون. چَی بَه دوملَه اِشتَن صِندوخَه اون آج آکَردشون وخَلا اِنی کن طِله و کندُر و عَرینَه روعَن به، بَی تقدیم کَردشون.

انجیل لوقا 24:52

اَیِن عیساشون پرستش کَردَ و یاله خَشیینه اورشلیمرا ویگردِستین.

اوّلین نامَه قورَنتیانیرا 15:10

ولی اِمی کن ایسَه هِستیم خدا فِیضی خونه اَ، و چَی فیض مِرا بی بَرَ نِبَه. بر عَسک، اَز گِردِ اَوونکا چَتین تَر کارِم کردَ، ولی نِه اِشتَن، بَسکم خدا فیضی خونه، کن بَمِنه دَرِ.

یوحنا موکاشیفَه 10:6

و اَیرا کن تا ابد تا ابد زندَیَه و آستامون و گِردِ چیی اِنی کن چَی دلَکارَ و زمین و هر چیی ایی کن چَی سَریکارَ و دَیرا و هر چیی ایی کن چَی دلَکارَ، خَلقِش کردَیه، چَیرا قَسمِش هَردَ واتِش: «دِ بیمیکا ویشتَر عَری دَنییَگِنِست.

یوحنا موکاشیفَه 11:16

و اَ بیستو چار گلَه پیر کن خداوندی حِضوریکا تختی سَر اَنِشین، اِشتَن صَفتی خاکی سَردِرِ آناشونَه و خداشون پرستِش کردَ،

یوحنا موکاشیفَه 15:4

اَی خداوند، کییَه کن بَتِکا متَرسِه، و اِشتِه نومی شکوه و جلال آنِدَرِ؟ اِمی خونه کن تِه، تاکَه تِه قدّوسیشَه. میلَّتن گِرد بومَنه و اِشتِه حِضوریکا بَتِه پرستش بَکَن اِمی خونه کن اِشتِه عادیلانَه کارِن دیار آبَه اینَه.»

یوحنا موکاشیفَه 15:7

و ایلَه اَ چار گلَه زندَ مخلوقیکا، هف گلَه طلِه اینَه قَدرَش، کن خدا غَضَّبیکا کوکورو بَه اَ هف گلَه فرشتَش دوعَه، خدایی کن تا ابد و تا ابد زندَیه.

یوحنا موکاشیفَه 19:4

واَ بیستو چار گلَه پیر و اَ چار گلَه زندَ مخلوق صَفتینه برگِنِستین و خدا کن تختی سَر نِشت بَه، پرستِش کردِشونه و لَسَّه آداشون: «آمین. هَلِلویا!»

یوحنا موکاشیفَه 4:2

جَخت خدا روح بَمِنش پتلمه آکردَ و آستامونیکا ایلَه تخت ویندمَه کن ایی نفر چَی سَریکا نشت بَه.

یوحنا موکاشیفَه 4:4

تختی دووریکا، بیستو چار گلَه دییَرَ تخت بَه کن چَوون سَردِرِ بیستو چار گلَه پیر نشت بین. اَیِن ایسبیَه شِندِرشون دَکردَ بَه و طِلِه اینه تاجی کَلَکا دارین.

یوحنا موکاشیفَه 4:9

هر موقه کن اَ زندَ مخلوقِن، اَ تختی سَر اَنِشیرا، اَکَن تا ابد و تا ابد زندَیَه، شکوه و جلال و حورمت و شکر تقدیم اَکَرین،

یوحنا موکاشیفَه 5:14

و اَ، چارزندَ مخلوق واتِشون: «آمین»، و اَ پیرِن صفَتینه زَمینی سَردِرِ ویگنِستین و بَی پرستش کردِشون.

یوحنا موکاشیفَه 5:8

طوماری ویگَتِه بَه دوملَه، اَ چار گلَه زندَ مخلوق و بیستو چار گلَه پیر، اَ وَرَ پا بنیکا، خاکی سَر بَرگنستین. اَیِن هر کِرَم اِشتَن بالیکا ایلَه سازچنگ و طلِه اینَه گولَه اِنی دارین، کن بوخوریکا کن هه موقدسَه آدَمون دِوا بَه، پَتلمَه به.

یوحنا موکاشیفَه 7:11

و فرشتَه اِن گِرد، تختی دوور و پیرون و چار گلَه زندَ مَخلوقی دوور پا مَند بین؛ و گرد تختی ناریکا اِشتَن صَفَتی زَمینی سَر آناشون و خِداشون پرستش کردَ،