یوحنا موکاشیفَه 3:8 - کتاب مقدس به زبان تالشي - گویش مرکزی

⁸ اِشتِه کارون بَموستیم. بوین، ایله آج آبه بَرنگایی اِشتِه نَکا آنوعَمه کن هیچ کَم نییَشا اَی دَبَستِه. بَموستیم کن عِجِزیش، ولی چمن کلامی کاش غَم هردِ و چمن نومی حاشار کردَر نیی.

کتاب مقدس به زبان تالشی شمالی

⁸ از اِشتِه کارون کا خَوَرداریمَه. دَیِس، ایلَه آواجَه بَری اِشتِه ناری کا نوعَمَه که هیچ‌کس نیمَشا اَیی دَوِندِه. بَزنیم که اِشتِه قُوّت کَمَه، امّا چِمِن کلامی غَم هَردِرَه و چِمِن نومی حاشا نِکَردِرَه.

یوحنا موکاشیفَه 3:8 Iomraidhean Croise

انجیل لوقا 12:9

ولی هر کم مَردومی وَر بَمن حاشا بکَرِ، خدا فرشتَه اون وَر حاشا بَبیَه.

یوحنا 15:20

گفی کن اَز بَه شمَه واتمَه، یادیکا غَم بَرَ: ”وَزیَر اِشتَن اَربابیکا یال تَر نیه.“ اَگَم بَمن اَیذَت آزار کَردِشونَه، بَشمَنه نی اَیذَت و آزار بَکَنَه؛ اَگَم چمن گفی اَنجوم آداشون شِمَه گفی نی اَنجوم آنَّدا.

یوحنا 17:6

«اَز اِشتِه نومی اَیِنی سَردِرِ کن دِنیا آدَمونکا بَمن بَخشسترَ، دیار آکَردِمَه. اَیِن اِشتِه شِن بینَه و تِه اَیِنِر بَمن آدارَ، و اَیِن نی اِشتِه گَفون اَنجوم بَدانَه.

رَسولون اَعمال 14:27

وقتی پولوس و بَرنابا اَجِگارا آرَستین، کِلیسا آدَمِنِشون جَم آکردَ، و هَنی واتِشون کن خدا چَوون واسیطَنَه چِه کارِنی کَردَشَه و چِنتَه، ایمانی بَرَنگا غَیرِ یَهودیونرا آج آکَردَشَه.

اوّلین نامَه قورَنتیانیرا 16:9

اِمی خونه کن یالَه بَرَنگایی خیدمت کردِ را مِرا آج آبَه یَه کن چاکَه بَرَ ایی بَداشتیَه، و غَنیمِن وِرین.

دوومین نامه قرنتیانیرا 2:12

وقتی مَسیح اِنجیلی موعیظَه کردِ خونه شهر تروآسیرا شیم، اِم حالیکا کن خداوند یالَه بَرنگایی اَ جِگاکا چمن ناریکا آج آکَردَشه،

نامَه فیلیپی کلیسا را 4:13

چَی واسیطنَه کن بَمن زبق دَرِ، هَر کاری اَشامَه کردِ.

نامَه کُولُسی کلیسا را 4:3

و چَمَرا نی دِوا بکرَ، تا خدا کَلامیرا بَرَنگایی آکَرِ تا بشاعَم مَسیح رازی اییلام بکرَم، اَ رازی کن چَی خونه زیندانیکام.

اوّلین نامَه تیموتائوسیرا 5:8

اَگَم کَسی اِشتَن خیشون بَخِصوص اِشتَن که آدَمون نیازی دوملَه مبو، اِشتَن ایمانی حاشا بَژَی و ایلَه بی ایمانیکا بد تَرَ.

دِوُّمین نامَه تیموتائوسیرا 4:7

اَز چاکَه جنگیکا جَنگِسته ایمَه، چمن موساقبَه تَمونِم آکردیَه و چمن ایمانِم غَم هردیَه.

یهودا نامه 1:4

چون آدَمِنی کن گِذَشتَکا چَوون مَحکومیَت تَیین آبَه یه، نونَکِه شمه دلَکا نِفوذ کردَشونَه. اِمِن بی دینِنی هِستینه کن چَمَه خدا فیضی عَیّاشی تبدیل بَکَنَه، و چَمَه تاکَه سرور و خداوند، عیسی مسیح حاشا بَکَن.

یوحنا موکاشیفَه 2:13

بَموستیم کِرَم جگاکاشَه، اَ جِگا ایکا کن شَیطونی پادشایی تختَه. اِم حالینَه بَرک چمن نومی دَچِیکه ایشَه، حتی چمن اَمینَه شاهید، آنتیپاسی کِشته روجیکا کن اَشون شمَه دلَکا کن شَیطونی مندَ جگا اَ کِشتِشون، ایمانی کن بَمن داریشَه حاشا نِژِرَ.

یوحنا موکاشیفَه 2:2

اِشتِه کارون بَموستیم و اِشتِه عذابونکا و آمبست بِه کا باخَبَریمَه. بَموستیم کن نیشَشا آوَشرون تاو وَردِ و اَیِنی کن بشتن رسول بَموستین ولی نینَّه، ورداورد کردَرَ و سَر آگِنَه ایشَه دِروو اَواجین.

یوحنا موکاشیفَه 22:7

«و دَیِس، خَیلی زوو اَز بومَمَه. خَشی اَ کَسی حالیرا کن اِم پیشگویی کلامی کیتاوی غَم برِ.»

یوحنا موکاشیفَه 3:1

«ساردِسی کلیسا فرشتَرا بنوِس: «اَ کن خدا هف گلَه روح و هف گلَه اِسترَ دارِ، انترَ باتی: اِشتِه کارونکا باخبَریمه. تِه اِشتِه زندَ بِه خونه سَرشناسیشَه، ولی مَردَایش.

یوحنا موکاشیفَه 3:10

اِمی خونه کن تِه چمن کلام کن آمبَست گیری خونِه اَ، غَمِر هردَیَه، اَز نی وَرداورد بِه ساعَتیکا، اَ ساعت کن گردِ دِنیا کا بومیَه تا زَمینی سَردِرِ آدَمون وَرداورد بکرِ، بَتِه غَم بَردیمه.

یوحنا موکاشیفَه 3:15

اِشتِه کارون بَموستیمه؛ بَموستیم کن نِه سَرینیشَه و نِه تَتیش. اَی کاش کن سرین یا تَت بِبیش.

یوحنا موکاشیفَه 3:7

«فیلادِلفیَه کلیسا فرشتَرا بِنوِس: «اَ کن حَقَّه و اَ کن قودّوسَه، اَ کن داوودی کلیدی بَداشتی، اَ کن آج آرَکَرد و دِ هیچ کَم نییَشا دبَستِه، و اَ کن درَبَست و هیچ کَم نییَشا آج آکَرِ، اِنتَرَ باتی: