یوحنا موکاشیفَه 3:5 - کتاب مقدس به زبان تالشي - گویش مرکزی

⁵ هر کَم پیروز آبو، هنتَرَ، ایسبیَه شندِر دَرَکرد و اَز هرگز چَوون نومی زندَگی دَفتریکا پاکییَه آنِمَکرد، و چمن دَدَ و چَی فرشتَه اون حِضوریکا چَی نومی خِلِه بَکَم.

کتاب مقدس به زبان تالشی شمالی

⁵ هَر کسی که پیروز بِبو، اِنتَه رَه ایسبی یَه خَلا دَکَرِه و از چَیی نومی هرگز دفتر حیاتی کا پاک آنِکَرَم، و چِمِن دَده و چَیی ملائیکه اون وَری کا چَیی نومی بَواتیم.

یوحنا موکاشیفَه 3:5 Iomraidhean Croise

مَتّی 10:32

«هَر کم مردومی وَر اِشتَن گَوینَه بواجه کن چمن شِنَه، اَز نی اِشتَن گَوینه چمن آستامونیَه دَدَ وَریکا، باتیمَه کن اَ چمن شِنَه.

انجیل لوقا 10:20

امّااِمیکا خَش مَبَ کن روحِن شمه کا ایطاعت بَکَن، بَلکَم شمهَ خشی اِمیکا ببو کن شمهَ نومی آستامونیکا نوشتشونَه.»

انجیل لوقا 12:8

«بَه شمه باتیمَه، هر کم مردومی وَر اِشتَن گَوینَه بواجه کن چمن شِنَه، اینسانی زوعَه نی خدا فِرِشتَه اون وَر اِشتَن زونی نَه باتیَه کن اَ آدَم چَی شِنَه.

نامَه فیلیپی کلیسا را 4:3

ها بَتِکا نی اَی وَفادارَ هَمکار، بَپیمَه کن اِم دِ گِلَه خَنِمی کاریَری بَدَری. اِمی خونِه کن اَکلیمِنتُس و چمن دییرَ هَمکارونَّه کن چَوون نومی زندَگی دَفتَرییکا نِوِشتَه آبَه یَه، اَیِن بَمِنَه دوشادوش اِنجیلی کاریرا زَمَتِشون کَشتیَه.

یهودا نامه 1:24

ایسَه اَیرا کن قادِرَ بشمَه لِسکیستِه کا غَم برِ و بی عَیب و پتلمه یالَه خَشینه اِشتَن شکوه و جلالَه حِضوریکا حاضیر آکَرِ،

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.

یوحنا موکاشیفَه 17:8

اَ اَشیا ویندِر کن مَند بَه، ایسَه دِ نییَه، خَیلی زوو هاویه چالیکا بِرِن آ و نیفلَه آبِرا بَشی. زَمینی سَردِرِ اَمونونکا، اَیِنی کن دِنیا خلق بِه بَه دوملَه چَوون نومی زندَگی دفتَریکاشون نوشتَه نییَه، اَ اَشیا ویندِکا حَیرون آنَّب، اِمی خونه کن اَ مَند بَه، ایسَه دِ نییَه، و بومَیَه.

یوحنا موکاشیفَه 19:8

ایله نازِکه شندِر کتانه پارچَه کا کن شپَق اَژَنیَه و پا جا اَ بَشون دوعه یه تا دَکرِ.» اِمی خونه کن اَ نازِکه کتان، موقدسَه آدَمون صالِحَه اَعمالَه.

یوحنا موکاشیفَه 2:11

«اَ کن گوش دارِ درَسه کن خدا روح کلیسا اون چه باتیَه. هر کم پیروز آبو، دِوومین مرگی دلَکا، غَرّی چَی سَر نیام.

یوحنا موکاشیفَه 2:7

«اَ کن گوش دارِ درَسِه کن خدا روح، کلیسا اون چه باتیَه. هر کَم پیروز آبو، اِمی بَی بَبَخشِستیمه تا زندَگی، داری میوَکا کن خدا بهشتی دلَکارَ بَرِ.

یوحنا موکاشیفَه 20:12

مردَ اون، چِه یال و چِه گِچ، ویندِمَه کن اَ تختی نَکا پا مَندبین. و دفتَرِن آج آبین. چَی به دومله ایلَه دییَرَ دفتَری نی آج آبَه کن زندَگی دفتَر بَه. مَردَاِن اَ چیینی کن دفتَرونکا نوشته بَه، اِشتَن کردَ کارون طبق دیوون آبین.

یوحنا موکاشیفَه 20:15

و هر کَمی کن چَی نوم زندَگی دَفتَریکاشون نوشتَه نِبَه، آرا گته دَیراچَه کاشون ویرَفندَ.

یوحنا موکاشیفَه 21:27

ولی هیچ جیفینینَه چیی ایی و هیچ کَسی کن چَی کارِن و نیفرت انگیز و دِروو کا ببو، هرگز چَی دلَرا نییَش، بسکم تاکَه اَیِنی کن چَوون نوم وَرَ زندگی دفتریکا نوشتَه بَیَه، چَی دلَرا بَشینَه.

یوحنا موکاشیفَه 22:19

و اَگَم کَسی اِم کیتاوی پیشگویی کلامیکا چیی ایی کم آکَرِ، خدا بَی زندَگی داریکا و موقدسَه شهریکا، کن چَوون خونه، اِم کیتاویکاشون نوشتَه یَه، بی نَصیب بَکَیَه.

یوحنا موکاشیفَه 3:12

هر کم پیروز آبو، بَی ایلَه سِتون چمن خدا معبدیکا آمَکرد، و دِ هرگز اَ جِگا آنییَه هَشت. چَی سَریکا اِشتَن خدا نومی و اِشتَن خدا شَهری نومی بَنوشتیمَه، یعنی تازَ اورشَلیم کن خدا طَرَفیکا و آستامونیکا اَیر آرَب، و چمن تازَ نومی چَی سَردِرِ بَنوِشتیمه.

یوحنا موکاشیفَه 3:4

«اِم حالینَه، هنوزَنی بعضیون سارِدسیکار هِستَه کن اِشتَن شندرِشون کثیف آکردَ نی و اَیِن ایسبیَه شندرینَه بَمِنه گَل بژَن، اِمی خونه کن لَیاقَتِشون هِسته.

یوحنا موکاشیفَه 6:11

و ایسبیَه رَدایی هر کِرَمی اَوونکا آداشون و اَیِنِشون واتَه کن تلَکَه ایی ویشتَر آلاوین تا چَوون هَمخیدمتِن و برااِن تیعداد کن پی اَوون نی چَوون شیوار بکشن، کامیل آبو.