یوحنا موکاشیفَه 3:17 - کتاب مقدس به زبان تالشي - گویش مرکزی

¹⁷ اِمی خونه کن باتیشَه: ”دولت مَندیمه؛ مالو اموال گِرد آکَردمه و چیی ایرا دَس دَریس نیمَه.“ ولی سَر آگنه نیشه کن، بدبخت، گیدلی، ذلیل، کور و سِلَندَ ایش.

کتاب مقدس به زبان تالشی شمالی

¹⁷ چوم بَواتیش: دولتمندیمَه، مال و مَنال هِستِمَه و هچیی مُحتاج نیمَه.“ ولی نیمَزنیش که بدبخت، ذلیل، نَدار و کور و لُخت و سُختیش.

یوحنا موکاشیفَه 3:17 Iomraidhean Croise

مَتّی 5:3

«خَشی اَیِنی حالیرا کن روح دِلَکا گیدَلی اینَه، اِمی خونه کن آستامونی پادیشاهی، چَوون شِنَه.

مَتّی 9:12

ولی وقتی عیسی اِمی دَرستشَه، واتِش: «اَیِنی کن آزاری اینَه دوختورِشون بَپیستیَه نِه اَیِنی کن سَقینَه.

انجیل لوقا 1:53

اَنِشتا اون چاکَ چیونَّه سیر آکَردَشَه ولی ثیروَتمَندون تَیهَ‌ بال عَندَشَه.

انجیل لوقا 6:24

«ولی بِرامِّه شمَه حالیرا کن ثیروَتمَندیرون، اِمی خونه کن شِمَه اِشتَن دِلی خَشی ویگَتَرونَه.

رومی کلیسارا نامه 11:20

راست باتیش. ولی اَیِنِشون بی ایمانی خونِه آبیردَشونَه و تِه تاکَه ایمانینَه آمبَستیشَه. پس یالَه نار مَب، بَلکَم بِتَرس.

رومی کلیسارا نامه 11:25

برا اِن، نَپیمَه اِم رازیکا بی خَبَر بِبَه، نِکَرِ بَشتَن اَلمند بِزنَه، کن دِل سختی، اسرائیلی بَعضییون سَریکا حاکیم بَه یَه، تا اَیِنی کن قَرارَ غَیر یَهودیون دلَکا، مسیح کا ایمان بَوعن، چَوون تیعداد کامیل آبو.

رومی کلیسارا نامه 12:3

چون فِیضی خونِه کن بَمن عَطا بَه یَه، هَر کِرَمی شِمَکا باتیمَه کن بَشتَن ویشتَر از اَچییی کن هِستیرون، مَزنَه، بَلکَم هَر کَس اَ ایمانی اَندازَ کن خدا بَشِمَه بَخشِستَشَه، دِرِست قیضاوَت بکَرَ.

رومی کلیسارا نامه 7:24

اَخ کن چَنَه بَد بَختَه آدَمی هِستیمَه! کیَه کن بَمن اِم مَردَ جَندَکیکا اَراخِمونِه؟

پطروسی دومین نامه 1:9

چون هر کَم کن اِمنِش نییَه، اَنَه کورَ کن اِشتَن پا بِنی نی نییَویند، و یاد برکَردشَه کن اِشتَن گذَشتَه گِناخونکا پاجا بیَه.

یوحنا موکاشیفَه 16:15

دَیَس، اَز هنته پِتارچی شیوار آم! خَشی اَ کَسی حالیرا کن اِشتَن شندِری دَکردَشه و بیدار بَمندی، نِکرِ لوت رونَه آبو و گِرد چَی رسوایی بوینن.»

یوحنا موکاشیفَه 2:9

اِشتِه عذابونکا و دَس دَریسیکا باخَبریمَه، ولی تِه دولتمندیشَه. و اَ آدَمون ایفترا گَتِکا باخبَریمه، کن باتین یهودی اینَه ولی نینَّه، بَسکم شیطونی عیبادتگا اینَه.

یوحنا موکاشیفَه 3:16

ولی اِمی خونه کن نِه سَرینیشَه و نِه تَت، بَلکَم ولَرمیش، ایله توو شیوار بَتِه اِشتَن گَویکا فِر آمَدا.