یوحنا موکاشیفَه 3:15 - کتاب مقدس به زبان تالشي - گویش مرکزی

¹⁵ اِشتِه کارون بَموستیمه؛ بَموستیم کن نِه سَرینیشَه و نِه تَتیش. اَی کاش کن سرین یا تَت بِبیش.

کتاب مقدس به زبان تالشی شمالی

¹⁵ اِشتِه کارون کا خَوَرداریمَه؛ که نِه سَردیش و نِه گرم. کَشکی یا سَرد بِبیش یا گرم.

یوحنا موکاشیفَه 3:15 Iomraidhean Croise

مَتّی 10:37

«هَر کم اِشتَن دَدَ یا نَنه بَمنکا ویشتَر رَی بدارِ چمن لایِق نییَه؛ و هر کم اِشتَن زوعَه یا کله بَمنکا ویشتَر رَی بدارِ چمن لایق نییَه.

مَتّی 24:12

اَنَه شَرارَت وِر بَبی کن، خَیلیِون موحبَت آرَسِریست.

مَتّی 6:24

«هیچ‌کس نیَشا دِ اَربابی خیدمَت کَردِ، اِمی خونه کن یا ایلَه کا نیفرِت بَداشتی و دیَری موحبت بَکی و یا ایلَه نَه وفادار بَبیه و دیَری گچ بَه حیساب بوعَردی. شِمَه نینَّشا هِم خدا خیدمَت بکَرَ و هِم پولی.

رومی کلیسارا نامه 12:11

هیچ موقِه شِمَه غَیرَتی خدا خونه ویمَکِشَه؛ روح دِلَکا کولوستار بِبَه و خداوندی خیدمَت بکَرَ.

اوّلین نامَه قورَنتیانیرا 16:22

لَنَت اَ کَسیرا کن خداوندی رَی نِدارِ. چَمه خداوند، بِه!

دوومین نامه قرنتیانیرا 12:20

چون اِمیکا بَتَرسِستیم کن شمه وَر بام و بَشِمَه اَته کن اینتظار بَداشتیم نِوینِم، و شمه نی اَته کن اینتظارِرون هِستَه بَمن مَوینَه. شاید شمه دِلَکا جنگِستِه، زِرَ بردِ، غَضَّب، عَدابَت، ایفترا، غَیبَت، یالَه نار بِه، و هرکی هرکی دَرِ ببو.

نامَه فیلیپی کلیسا را 1:9

چمن دِوا اِمَه کن شِمَه موحبَت ویشتَر و وِرتَر آبو و کامیلَه اَلمند گیری و فَهمینَه دَرِ ببو،

دوّمین نامَه تَسالونیکی کلیسا را 1:3

اَی برا اِن، اَمه پی اوزون شمَه وِجودی خونه خدا شکر بکَرم، دِرِست نی هِمَه، اِمی خونه کن شمه ایمان هِنترَکِه کا پِرَرا و شمَه هر کِرَمی موحبَت یَندِ سَر وِر آبو.

یعقوبی نامَه 1:8

چون اَ دو دِلَه آدَمیَه کن هیچ کِرم اِشتَن راهونکا ثوباتِش نییَه.

پطروسی اوّلین نامَه 1:22

ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

یوحنا موکاشیفَه 2:2

اِشتِه کارون بَموستیم و اِشتِه عذابونکا و آمبست بِه کا باخَبَریمَه. بَموستیم کن نیشَشا آوَشرون تاو وَردِ و اَیِنی کن بشتن رسول بَموستین ولی نینَّه، ورداورد کردَرَ و سَر آگِنَه ایشَه دِروو اَواجین.

یوحنا موکاشیفَه 2:4

«ولی بَتِکا اِم شَکایَتی دارِم کن اِشتَن اوّلنَه موحبت کن داریشَه، آهَشتَرَ.

یوحنا موکاشیفَه 3:1

«ساردِسی کلیسا فرشتَرا بنوِس: «اَ کن خدا هف گلَه روح و هف گلَه اِسترَ دارِ، انترَ باتی: اِشتِه کارونکا باخبَریمه. تِه اِشتِه زندَ بِه خونه سَرشناسیشَه، ولی مَردَایش.

یوحنا موکاشیفَه 3:16

ولی اِمی خونه کن نِه سَرینیشَه و نِه تَت، بَلکَم ولَرمیش، ایله توو شیوار بَتِه اِشتَن گَویکا فِر آمَدا.