یوحنا موکاشیفَه 3:10 - کتاب مقدس به زبان تالشي - گویش مرکزی

¹⁰ اِمی خونه کن تِه چمن کلام کن آمبَست گیری خونِه اَ، غَمِر هردَیَه، اَز نی وَرداورد بِه ساعَتیکا، اَ ساعت کن گردِ دِنیا کا بومیَه تا زَمینی سَردِرِ آدَمون وَرداورد بکرِ، بَتِه غَم بَردیمه.

کتاب مقدس به زبان تالشی شمالی

¹⁰ حِسَه که تِه چِمِن کلامی که مقاومتی دربارَه یَه، غَم هَردِرَه، از نی تِه اَ آزمایشی ساعتی کا غَم بَردیم، اَ ساعتی که تمون دنیا سَر بومَی تا زمینی مردمی، آزمایش بِکَرِه.

یوحنا موکاشیفَه 3:10 Iomraidhean Croise

مَتّی 24:14

و خدا پادیشاهی خَشَه خَبَر، دِنیا گِرد آدَمونرا اییلام بَبی تا شهادتی گردِ قامونرا ببو. چَی به دوملَه دِنیا بَه آخیر آرَرَست.

مَتّی 26:41

بیدار بومونَه و دِوا بکَرَ تا وَرداوَردیکا دَنِگِنَه. حَییقتا کن روح اِشتیاق دارِ، اَمّا جَندَکیرا تاو نیَه.»

مَتّی 6:13

و اَمه وَرداوَردیکا مَوَ، بَلکَم اَ آوشَریکا اَمه اَراخمون. [اِمی خونه کن، پادیشاهی، قودرَت و شکوه وجلال، تا ابد اِشتِنَه. آمین.]

مَرقُس 14:9

حَییقتا بَه شمَه باتیمَه، گِرد دِنیا،هر جِگایی کن خدا پادیشاهی خَشَه خَبَر اییلام ببو، اِم ژِنی کاری نی چَی یادیرا جیگیر بَکَنَه.»

انجیل لوقا 2:1

اَ روجون دِلَکا، فِرمونی رومی اِمپراطور، آگوستوسِیکا آمَه کن گردِ آدَمِنی کن رومی اِمپراطوریکا زندَگی اَکَرینَه پی سَر شُماری بِبون.

یوحنا 17:6

«اَز اِشتِه نومی اَیِنی سَردِرِ کن دِنیا آدَمونکا بَمن بَخشسترَ، دیار آکَردِمَه. اَیِن اِشتِه شِن بینَه و تِه اَیِنِر بَمن آدارَ، و اَیِن نی اِشتِه گَفون اَنجوم بَدانَه.

رومی کلیسارا نامه 1:8

اَوَلیکا، اِشتَن خدا، عیسای مَسیح واسیطَنَه، شِمَه گِردی خونِه شِکر بکَمَه، اِمی خونه کن شِمَه ایمانی تَریف دِنیا گردِ جگا اونکا گَه بَه گَه بَیه.

اوّلین نامَه قورَنتیانیرا 10:13

هیچ وَرداوردی کن دییَرَ اینسانون سَر آمَه مَبو شمَه سَردِرِ نا. خدا وفادارَ؛ اَ ایجازَ نییَدا شمَه اینجاریکا ویشتَر وَرداورد ببَه، بَسکَم وَرداوردی موقه، بروَزَ بَرَ ایی شِمَرا آمادَ آرَکَرد تا اَیکا تاو بوعَرَ.

نامَه اَفسوسی کلیسارا 6:13

پس خدا اسلحَه کامیل دکَرَ، تا آوشَرَ روجیکا بشوعَه آمبست مندِ، وبشوعَه گردِ چییون اَنجوم بِه بَه دوملَه، پا برجا بومونَه.

دِوُّمین نامَه تیموتائوسیرا 2:12

اَگَم تاو بوعَرم، بَینَه پادیشاهی نی بَکَمون. اَگَم بَی حاشا بکرَم، اَ نی بَمَه حاشا بکَیه.

یعقوبی نامَه 3:12

چمن بِرااِن، مَگَم بَبیه اِنجیلَه دار، زَیتون بدَرِ؟ یا اَنگِر رَز اِنجیل بدَرِ؟ هِنتَرَکِه نی سورَ خونی نیَشا شیرَ آو بدَرِ.

پطروسی اوّلین نامَه 4:12

اَی خاجَتیِن، آرا ایکا کن شمَه وَرداوَرد کردِ خونه شمه دِلَکا دَرَگِنست، حَیرون آنِبَه، هنتَه کن عجیبه چیی ایی شمَه سَر آمه یَه.

پطروسی دومین نامه 2:9

پس خداوند بَموستی کن صالحَه آدَمون چنتَرَ وَرداوردونکا نیجات بدرِ وآدَمی کن صالح نیه دیوون کردِ روجی مکافاتیرا غَم برِ،

یوحنا موکاشیفَه 1:9

اَز شمَه برا یوحنا، کن عَذابونکا و پادیشاهیکا و آمبَست بِه کا کن عیسی دلَکارَ، شمَنه شَریکیم، و خدا کلام و عیسی شاهیدی خونه، ایله جزیرَکا بیم کن بَی پاتموس اَواجین.

یوحنا موکاشیفَه 11:10

اَیِنی کن زَمینیکا بمَندین چَوون مَردِ خونه خَشی بَکنَه و جشن بگَتین و یندِرا خَلا رونَه بکَن؛ اِمی خونه کن اَ دِ گلَه پیغمبَر، زَمینی سری اَمونون عَذابِشون دوعَه به.

یوحنا موکاشیفَه 13:10

اَگَم کَسی قرارَ اَسیر ببو، اسیر بِه را بَشییَه. اَگَم کَسی پی شمشیرینه بِمِرِ، شمشیرینه بَمَردییَه. واِم، موقدَسه آدَمون آمبَست بِه و چَوون ایمانی بَپیشه.

یوحنا موکاشیفَه 13:14

اَ نشونَه اِن و موعجیزَ اِنی کن اَ اَوّلنَه اَشیا نومینَه ایجازَ داری اَیر آکَردِ خونه، زَمینی آدَمون گول ژِشَه و اَیِنِش واته تا اَ اَشیا کا موجسمَه سِی آکَرِن کن شمشیرینه یَرَ آبَه بَه، ولی اِم حالینه زِندَ مَندَ بَه.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.

یوحنا موکاشیفَه 14:12

و اِم موقدسون آمبست بِه بَپیشَه، اَیِن کن خدا حِکم و مسیح کا ایمان بَداشتین.

یوحنا موکاشیفَه 14:6

چَی بَه دوملَه دییَرَ فرشتَه ایی ویندِمه کن کایبَه آستامونی وَسَطیکا پَر گَتِه و اِشتَنَه زَیرونَه اِنجیلی پِرِش بَه، تا اَی زَمینی سری اَمونونرا، هر قام و طایفَه و زبان و میلَتیکا کن ببون اییلام بکرِ.

یوحنا موکاشیفَه 16:14

چون اِمِن پَریانون روحینَه کن نشونَه اِن و موعجیزَاِنی اَیر آنَّکرد و دِنیا گردِ پادیشاهون وَر بَشین تا موطلقَه قادِرَ خدا یالَه روجی جنگِستِرا، یَندِ وَر گِرد آکَن.

یوحنا موکاشیفَه 17:2

اَ کن زَمینی پادیشا اِن بَینَشون زینا کردَ و زَمینی سَردِرِ اَمونِن چَی زینا شراویکا مست آبین.»

یوحنا موکاشیفَه 17:8

اَ اَشیا ویندِر کن مَند بَه، ایسَه دِ نییَه، خَیلی زوو هاویه چالیکا بِرِن آ و نیفلَه آبِرا بَشی. زَمینی سَردِرِ اَمونونکا، اَیِنی کن دِنیا خلق بِه بَه دوملَه چَوون نومی زندَگی دفتَریکاشون نوشتَه نییَه، اَ اَشیا ویندِکا حَیرون آنَّب، اِمی خونه کن اَ مَند بَه، ایسَه دِ نییَه، و بومَیَه.

یوحنا موکاشیفَه 2:10

اَ عذابی کن هِم زودیون بَکَشتیشَه کا، مترس. بوین، ابلیس، شمَه دلَکا، بعضیوون ورداورد کردِ خونه بشِمه زیندان درَفندییَه و دَه روج عذاب بَبَرون. تِه تا مَردِ موقه وفادار بومون، کن اَز زندَگی تاجی بَتِه آمَدا.

یوحنا موکاشیفَه 3:8

اِشتِه کارون بَموستیم. بوین، ایله آج آبه بَرنگایی اِشتِه نَکا آنوعَمه کن هیچ کَم نییَشا اَی دَبَستِه. بَموستیم کن عِجِزیش، ولی چمن کلامی کاش غَم هردِ و چمن نومی حاشار کردَر نیی.

یوحنا موکاشیفَه 6:10

اَیِن تَتَّه لَسَّنه سس اَدَرینَه و اَواجینه: «اَی خداوندی کن قادر و قدوس و حَقّیشَه، تا کَینی دیوون نیشَکرد و زَمینی آدَمونکا چَمَه خونی تقاصی وینیشَگَت؟»

یوحنا موکاشیفَه 8:13

چَی به دومله دیَشتِم، و درَستِم ایلَه عوقاب هَته کن آستامونیکا کایبَه پَر گَتِه، لَسَّنه سَس آداشَه: «بِرامِه، بِرامِه، بِرامِه زَمینی سری آدَمون حالیرا، اِمی خونه کن دِ چی ایی نِمندَیه اَ سه گلَه فرشتَه اون زِرنا سَس، راست آبو.»