یوحنا موکاشیفَه 22:6 - کتاب مقدس به زبان تالشي - گویش مرکزی

⁶ فرشتَه بَمِنِش واتَه: «اِم گفِن راستینَه و بَبی بَی ایتماد کردِ. خداوند، پَیغَمبرون روحون خدا، اِشتَن فرشتَه عندِشه تا اَ چیی ایی کن پی زوو ایتفاق دگنِه، اِشتَن پاسَرییون آمونِه.»

کتاب مقدس به زبان تالشی شمالی

⁶ ملائیکه مِنَه واتِشه: «اِم گَفِن راستی نَه و بَبی اَوون اِعتماد کَردِه. خِداوند، پیغمبرون روحون خِدا، اِشتَن ملائیکه ویسا آکَردِشَه تا اَ چیی که بَسی هِم زودیون اِتفاق دَلَکِه، اِشتَن خادِمون نیشون بِدَه.»

یوحنا موکاشیفَه 22:6 Iomraidhean Croise

مَتّی 13:41

اِینسانی زوعَه اِشتَن فرشتَه اون رَونَه آرَکَرد و اَیِن، هر کَسی کن گناخ کردِ باعیث بَبی و گرد اَیِنی کن خدا قانونون پا بن بَنان، خدا پادشاهیکا تاک آنَّکَرد.

انجیل لوقا 1:70

هَتَه کن گِذَشتَکا اِشتَن موقَدَسَه پَیغَمبَرون زونینَه وَعدَ آدوعَش بَه کن،

انجیل لوقا 16:16

«تا یَحیی دوورَ، تورات و پَیغمبَرون نِوِشتَه اِن شِمَه راهنما بینَه. چَی بَه دوملَه، خدا پادیشاهی خَشَه خَبَر اییلام بَبی و گرد اَپیشونَه زورینَه چَی دِلَه دَشون.

رَسولون اَعمال 12:11

اَموقه پِطروس هوش آرمَه و واتِش: «ایسَه دِ یَقین بَموستیم کن خداوند اِشتَن فرشتَه عَندَشَه و بَمن هیرودیسی چینگیکا و اَ اَیذَت آزاری کن قام یَهود چَی اینتظاریکا بینَه تا چمن سَردِرِ با، اَراخِمونیَشَه.»

رَسولون اَعمال 3:18

ولی خدا هِم کارینَه اَ چیی ایی کن گِردِ پَیغمبَرون زونینَه پیش گویی کَردَش بَه، کن چَی مَسیح عذاب بَکَشتیَه، اَنجوم داشَه.

رومی کلیسارا نامه 1:2

هَه انجیل کن خدا نارتَر، اِشتَن پَیغَمبَرون واسیطَنَه، چَی وَعدَ، مُوقدَسَه نوِشتَه اون دلَکا آدوعَش بَه،

اوّلین نامَه قورَنتیانیرا 14:32

نبی اون روح، نبی اونکا فِرمون بَبَیَه.

اوّلین نامَه قورَنتیانیرا 7:29

برا اِن، چمن منظور اِمه کن وقتی مندَ نی. چیمی به دومله، حتی اَیَن کن ژِنوِشون بردَ اِنتَرَ رفتار بِکَن کن اینگار ژِنشون نیَه؛

دوّمین نامَه تَسالونیکی کلیسا را 1:7

و شمَه کن عذاب بَبَردیرون اَمَنَه آلاوِنِه. اَ زمانی کن خداوند عیسی اِشتَن قودورَ فرشتَه اونَّه، آستامونیکا اَیر آبو.

نامَه، عِبرانیه نَتاجَه مسیحیونرا 12:9

غَیراَز اِم، اَمه زمینیَه دَدَ اِنی داشتَمونه کن اَمَشون تربیَتَه کردَ، و اَمه اَوون ایحترام بکَمون. یعنی نِباید خیلی ویشتَر، چَمه روحون دَدَ فِرمون ببَم تا زندَگی بکرَم؟

پطروسی دومین نامه 1:21

اِمی خونه کن هیچ پیشگویی اینسانی ایرادَنَه آمَه نیه، بَسکم آدَمِن خدا موقدسَه روح واسیطنَه خدا طَرَفیکا گَف ژَشونه.

پطروسی دومین نامه 3:2

تا اَ کلامی کن موقدَسه پَیغمبَرن چیمی بَه نَه واتَشون بَه، و چَمه خداوند و چَمه نیجات اَدری حِکم کن رسولون واسیطنه شِمَشون دوعَیَه، یاد آرَفنَه.

یوحنا موکاشیفَه 1:1

عیسی مسیح موکاشیفَه، کن خدا بَی آداشَه تا اَ چییِ اِنی کن پی زو ایتفاق دگِنِه، اِشتَن وَزییَرون آمونِه. و اَش، اِشتَن فرشتَه، اِشتَن پاسَری یوحَنا وَر عَندِنَه، دیار آکردِش.

یوحنا موکاشیفَه 18:20

اَی آستامون چَیرا خَشی بکَه، اَی موقدسَه آدَمِن و رسولِن و پَیغمبَرِن، چَیرا خَشی بکرَ، اِمی خونه کن خدا شمَه قیصاصی اَیکا گتَشَه.»

یوحنا موکاشیفَه 19:9

واَ فرشتَه بَمِنِش واتَه: «اِمی بنوِس، خَشی اَیِنی حالیرا کن اَ وَرَ وَیوو اَوَری سوریراشون صَلا ژَیَه.» و واتشه: «اِمِن خدا حَییقیَه کلامینَه.»

یوحنا موکاشیفَه 21:5

چَی بَه دوملَه اَ کن تختی سَر نشت بَه واتِش: «بوین اَز، گردِ چییون تازَ آمَکَرد.» و هَنی واتِشَه: «اِمون بنوِس اِمی خونه کن اِمِن راستَه گَفینَه و بَبی اَوون ایتماد کردِ.»

یوحنا موکاشیفَه 21:9

چَی بَه دوملَه ایلَه اَ هَف گلَه فرشتَکا کن هَف گلَه پَتلَمه قَدرَ، هف گلَه آخِرَ غَرّیکا دارینَه، آمه و بَمِنش واته: «بِه! اَز وَیو، یعنی وَرَ ژِنی بَتِه آمونِم.»

یوحنا موکاشیفَه 22:1

چَی بَه دوملَه اَ فرشتَه، زندَگی آوی رباری بَمن آمونِستِشَه کن هنته بلوری شیوار شفاف بَه و خدا و وَرَ تختیکا شِرشِر دَرَرای

یوحنا موکاشیفَه 22:16

«اَز، عیسی، اِشتَن فرشتَه شِمَه وَر عندِمه تا اِم چییون کلیسا اونرا شاهیدی بدَرِ. اَز داوودی رگو و ریشَه و صِبَه اِسترَ ایمَه کن دتاوِستییَه.»

یوحنا موکاشیفَه 22:7

«و دَیِس، خَیلی زوو اَز بومَمَه. خَشی اَ کَسی حالیرا کن اِم پیشگویی کلامی کیتاوی غَم برِ.»

یوحنا موکاشیفَه 4:1

چَی بَه دوملَه دَیشتِمه و ایله آج آبه بَرنگا آستامونیکام ویندَ، و هه سس کن هنتَه زِرنا سَسی شیوار بَه و بَمنَه گفِش ژَ بَه، هنی واتش: «ام جگارا کفا بِه، و اَز اَ چیی ایی کن چیمی بَه دومله پی ایتفاق دگنِه، بَتِه آمَموست.»