یوحنا موکاشیفَه 22:2 - کتاب مقدس به زبان تالشي - گویش مرکزی

² و شهری مَیدونی وسَطیکا دَرَیوَرییَه. رباری دِ طرَفیکا، زندَگیی، دار بَه کن دانزَ مودیل میوَ اَدَریَه، یعنی هر ماه ایی مودیل میوَ اَوَرییَه. و چَی لیوِن میلَّتونرا شفا بَه.

کتاب مقدس به زبان تالشی شمالی

² و شهری مَیدونی وسطی نَه دَوییَری. رِواری دِ طرفی کا زندگی بَخشَ دار بَه که دونزَه مُدل میوه بَدای، یعنی هَر مانگ ایی مُدل. و چَیی لیوِن میلّتون را شفا بَه.

یوحنا موکاشیفَه 22:2 Iomraidhean Croise

انجیل لوقا 4:18

«خداوندی روح چمن سَریکارَ، اِمی خونه کن اَ مِنِش اینتخاب کَردَیَه تا گیدَلیونرا خَشَه خَبَری اییلام بِکَم. بَمن رَونَه آکَردَشَه تا اَسیرون رَخِستِه و ناوینا اون چَمی آج آبِه اییلام بکَم، و ظِلم اَوینون آزاد آکَم،

پطروسی اوّلین نامَه 2:24

مَسیح اِشتَن، چَمه گِناخون، اِشتَن تَنینه صَلیبی سَردِرِ دوشی سَر گَتِش، تا اَمه گِناخونرا بِمِرَم وصالِح بِه خونه زندَگی بَکرم. چَی زمونَّه شفا گَتِرون.

یوحنا موکاشیفَه 2:7

«اَ کن گوش دارِ درَسِه کن خدا روح، کلیسا اون چه باتیَه. هر کَم پیروز آبو، اِمی بَی بَبَخشِستیمه تا زندَگی، داری میوَکا کن خدا بهشتی دلَکارَ بَرِ.

یوحنا موکاشیفَه 21:21

شهری دانزَ گلَه دروازَ، دانزَ گلَه مروارید بینَه، هر کِرَم دروازَاونکا ایلَه مرواریدیکا سی آبه بَه. و شهری جَدَ اِن خالیصَه طِلِه کا سی آبه بَه و هنتَه شیشَه شیوار شفاف بَه.

یوحنا موکاشیفَه 21:24

و چَی نوریکا میلَّتِن گَل بَژَن و زَمینی سَردِرِ پادیشاهِن، اِشتَن جلالی اَ جِگارا بوعَردینَه.

یوحنا موکاشیفَه 22:1

چَی بَه دوملَه اَ فرشتَه، زندَگی آوی رباری بَمن آمونِستِشَه کن هنته بلوری شیوار شفاف بَه و خدا و وَرَ تختیکا شِرشِر دَرَرای

یوحنا موکاشیفَه 22:14

خَشی اَیِنی حالیرا کن اِشتَن رَدا بَشوشتین تا اِم حقّی بدارن کن زندَگی داریکا بَرِن و بشان شهری دروازَاونکا شهری دِلَه دَشِه.

یوحنا موکاشیفَه 22:19

و اَگَم کَسی اِم کیتاوی پیشگویی کلامیکا چیی ایی کم آکَرِ، خدا بَی زندَگی داریکا و موقدسَه شهریکا، کن چَوون خونه، اِم کیتاویکاشون نوشتَه یَه، بی نَصیب بَکَیَه.