یوحنا موکاشیفَه 22:19 - کتاب مقدس به زبان تالشي - گویش مرکزی

¹⁹ و اَگَم کَسی اِم کیتاوی پیشگویی کلامیکا چیی ایی کم آکَرِ، خدا بَی زندَگی داریکا و موقدسَه شهریکا، کن چَوون خونه، اِم کیتاویکاشون نوشتَه یَه، بی نَصیب بَکَیَه.

کتاب مقدس به زبان تالشی شمالی

¹⁹ و اَگم کسی اِم کیتابی نبوّتی کلامی کا چیی کم آکَرِه، خِدا اَئی زندگی بَخشَ داری کا و مقدّسَ شهری کا، که اِم کتابی دیلَه کا نیویشتَه بییَه، بی‌نصیب بَکَردی.

یوحنا موکاشیفَه 22:19 Iomraidhean Croise

انجیل لوقا 11:52

بِرامِه شِمَه حالیرا اَی شَریعَتی قاضییِن! اِمی خاطِر کن شِمَه اَ بَرَنگا ایی کن خدا آزنِستِه را آج آرَب چَی اَچَری ویگَتَرونَه. نِه اِشتَن دِلَه بَشیرون و نِه بَشتیرون اَیِنی کن بَپیشونَه دِلَه دَشون، دِلَرا بِشون.»

یوحنا موکاشیفَه 1:3

خَشی اَ کَسی حالیرا کن اِم پیشگویی کلَامی بَخندی و خَشی اَیِنی حالیرا کن اَی دَنَّرست و هر چیی ایی کن چَی دلَکا نوشتَه آبَیه، اَنجوم درِن؛ اِمی خونه کن اَ وقت نِزِکَه.

یوحنا موکاشیفَه 11:2

ولی بِرنی سِرا نَه کاریر مَبو و اَی اندازَ مَژَن، اِمی خونه کن اَ جِگاشون میلتون دست آدوعَشونه و اَیِن موقدسَه شهری چِلو دِ ماه پا پِکو بَکنَه.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.

یوحنا موکاشیفَه 14:13

اَموقه سَسی آستامونیکا درَستِم کن اَواجیَه، «اِمی بنوس: خَشی اَیِنی حالیرا کن چیمی بَه دوملَه خداوندی دلَکا بَمَردین.» و خدا روح واتش: «واقیین اَیِن اِشتَن زَمَتونکا آلاوین، اِمی خونه کن چَوون اعمال چَوون دوملَه بومَیَه.»

یوحنا موکاشیفَه 2:11

«اَ کن گوش دارِ درَسه کن خدا روح کلیسا اون چه باتیَه. هر کم پیروز آبو، دِوومین مرگی دلَکا، غَرّی چَی سَر نیام.

یوحنا موکاشیفَه 2:26

«هر کَم پیروز آبو و تا آخیر چمن کارون اَنجوم بدَرِ، بَی گردِ میلَّتون سَردِرِ حکم کردِ زاکینی آمَدا،

یوحنا موکاشیفَه 2:7

«اَ کن گوش دارِ درَسِه کن خدا روح، کلیسا اون چه باتیَه. هر کَم پیروز آبو، اِمی بَی بَبَخشِستیمه تا زندَگی، داری میوَکا کن خدا بهشتی دلَکارَ بَرِ.

یوحنا موکاشیفَه 21:2

و تازَ و موقدَسه شهر، یعنی تازَ اورشَلیمِم ویندَ کن خدا وَریکا آستامونیکا کایبَه ویرمِه، و هنته وَیو ایی کن اِشتَن شو را بَشتَنِش وَج آکَردیَه شیوار، خاص آبَیَه.

یوحنا موکاشیفَه 21:5

چَی بَه دوملَه اَ کن تختی سَر نشت بَه واتِش: «بوین اَز، گردِ چییون تازَ آمَکَرد.» و هَنی واتِشَه: «اِمون بنوِس اِمی خونه کن اِمِن راستَه گَفینَه و بَبی اَوون ایتماد کردِ.»

یوحنا موکاشیفَه 22:12

«بوین، اَزخَیلی زوو بومَمَه و اَ پاداشی کن پی بدَرِم بَشتنه بوعردیم تا هرکَمی چَی کردَ کارون طبق بَی عَوَض آدَرِم.

یوحنا موکاشیفَه 22:2

و شهری مَیدونی وسَطیکا دَرَیوَرییَه. رباری دِ طرَفیکا، زندَگیی، دار بَه کن دانزَ مودیل میوَ اَدَریَه، یعنی هر ماه ایی مودیل میوَ اَوَرییَه. و چَی لیوِن میلَّتونرا شفا بَه.

یوحنا موکاشیفَه 22:7

«و دَیِس، خَیلی زوو اَز بومَمَه. خَشی اَ کَسی حالیرا کن اِم پیشگویی کلامی کیتاوی غَم برِ.»

یوحنا موکاشیفَه 3:12

هر کم پیروز آبو، بَی ایلَه سِتون چمن خدا معبدیکا آمَکرد، و دِ هرگز اَ جِگا آنییَه هَشت. چَی سَریکا اِشتَن خدا نومی و اِشتَن خدا شَهری نومی بَنوشتیمَه، یعنی تازَ اورشَلیم کن خدا طَرَفیکا و آستامونیکا اَیر آرَب، و چمن تازَ نومی چَی سَردِرِ بَنوِشتیمه.

یوحنا موکاشیفَه 3:21

«هر کم پیروز آبو، اِمی بَی آمَدا تا بمِنه تختی سَریکا بنشِه، هته کن اَز پیروز آبیم و اِشتَن دَدَ نَه، چَی تختی سَردِرِ نِشتیم.