یوحنا موکاشیفَه 21:21 - کتاب مقدس به زبان تالشي - گویش مرکزی

²¹ شهری دانزَ گلَه دروازَ، دانزَ گلَه مروارید بینَه، هر کِرَم دروازَاونکا ایلَه مرواریدیکا سی آبه بَه. و شهری جَدَ اِن خالیصَه طِلِه کا سی آبه بَه و هنتَه شیشَه شیوار شفاف بَه.

کتاب مقدس به زبان تالشی شمالی

²¹ و شهری دونزَه گِله دروازه، دونزَه گِله مِرواری بینَه، هَر کمیله دروازه اون کا ایلَه مِرواری کا وَج آبَه بَه. شهری خیابون خالِصَه طلا کا و شیشه شیوار شفاف بَه.

یوحنا موکاشیفَه 21:21 Iomraidhean Croise

یوحنا موکاشیفَه 17:4

و اَ ژِن سِرَ اَرغوانییَه شندِریش دَکردَ بَه و طِلِه و جواهیر و مِرواریدینه خاص آبَه به، و ایلَه طِلِه اینَه قدرَ ایی کن چَی زینا ناپاکیونکا و زشتیونکا پتلَمه بَه اِشتَنَه پِرِش بَه.

یوحنا موکاشیفَه 18:16

باتینه کن: «برامِه، برامه، اَی یالَه شهر، کن سِرَ اَرغوانی و نازِکه پارچَه اون دَرَکَریشه، طِلِه و جواهیر و مِرواریدینه خاص آرَبیشه!

یوحنا موکاشیفَه 21:15

و اَ فرشتَه ایی کن مِنَه گَفِش ژَ، ایلَه میتراکَرَ چوو شیوا، طِلِه کا اِشتَنَه پِرِش بَه تا شهر و چَی دروازَاِن و دیواری اندازَبژنِه.

یوحنا موکاشیفَه 21:18

شهری دیوار یشمیکا سی آبَه بَه، و شهر خالیصَه طِلِکا سی آبَه بَه و هنته شیشَه شیوار شفاف بَه.

یوحنا موکاشیفَه 22:2

و شهری مَیدونی وسَطیکا دَرَیوَرییَه. رباری دِ طرَفیکا، زندَگیی، دار بَه کن دانزَ مودیل میوَ اَدَریَه، یعنی هر ماه ایی مودیل میوَ اَوَرییَه. و چَی لیوِن میلَّتونرا شفا بَه.

یوحنا موکاشیفَه 4:6

و تختی نَکا، چیی ایی به کن هنته شیشَه اینَه دَیرا اَمونیَه، بلوری شیوار. اَ مینَکا، تختی چار گوشه و دووریکا، چار گلَه زندَ مَخلوق بینَه کن چَوون تن هر طَرَفیکا، چَوون نار و پِشت چَمینَه پتلمَه بَه.