یوحنا موکاشیفَه 20:4 - کتاب مقدس به زبان تالشي - گویش مرکزی

⁴ چَی بَه دومله تختِنی ویندِمه کن دیوون کردِ زاکینی، چَوون سری اَنِشی دوعَشون بَه. و آدَمون جانی ویندِمه کن چَوون کلَّه عیسی مسیح را شاهیدی دوعِه خونه و خدا کلامی شاهیدی دوعِه را، چَوون تنیکا جدا آبَه بَه. و کَسِنی ویندمه کن اَ اَشیا و چی موجَسمَشون پرستش نِکردَ، و چَی نشونَه اِشتَن پوشنو و اِشتَن بالیکا قِبولشون نِکردَ. اِمِن هَنی زندَ آبینَه و مَسیح نَه هَزار سال سلطنشون کردَ.

کتاب مقدس به زبان تالشی شمالی

⁴ دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

یوحنا موکاشیفَه 20:4 Iomraidhean Croise

مَتّی 19:28

عیسی اَینِش واتَه: «حَییقتا بَه شمَه باتیمَه، تازَ دنیاکا اَموقه کن اِینسانی زوعَه اِشتَن باشکوهَه تَختی سَر بنشِه، شمَه نی کن بَمنکا پیروی کَردرونه دانزَ تختی سَر بَنشتیرون و اسرائیلی دانزَ اِلی سَردِرِ دیوون بَکَرون.

مَتّی 24:10

اَ روجونکا خَیلیِن اِشتَن ایمانیکا آگردِن، یَندِ خَیانت بَکَنَه و یَنده کا نیفرَت بَداشتینَه.

مَرقُس 6:16

ولی وَقتی هیرودیس اِمِش دَرَستَه، واتِش: «اِم هَه یَحیا یَه کن اَز چَی ملی آبیردِم و ایسَه زندَ آبَه یه!»

مَرقُس 6:27

پادیشا جَخت جَلادی عَندِشَه و دستورداشَه یَحیی کَلَّه بوعَرِ. اَ جلاد نی شَه و زیندانیکا یحیی کَلَّه چَی جَندَکیکا جِدا آکَردِش

مَرقُس 9:11

اَیِن عیسی کا دَپَرسِستین: «چیرا توراتی موعَلیمِن باتین اَولیکا پی ایلیاسِ پَیغمبَر با؟»

انجیل لوقا 1:17

یحیی ایلیاسِه پَیغَمبَری روح و زبقینه، خداوندی کا نارتَر بومَیَه تا دَدَ اون دِلی خِردَنون طَرَف آگاردِنِه و نافِرمونون آموج بدَرِ کن اِشتَن بابا اون شیوار خداوندی رَی بدارِن، تا ایلَه حاضیرآمادَ قامی خِداوَندیرا آمادَ بکَرِ.»

انجیل لوقا 14:14

کن بَرَکَت بَگَتیشَه؛ اِمی خونه کن اَیِن نینَّشا اِشتِه کاری عَوَضی بَتِه بِدَرن، وتِه اِشتِه کاری عَوَضی، روجیکا کن صالِحَه آدَمِن زِندَ آبون ویشَگَت.»

انجیل لوقا 22:30

تا شِمَه نی چمن پادیشاهیکا چمن سِفرَکا بَرَ، بِنجهَ و تَختون سَر بنشهَ وخِدا قامی دانزَ طایِفَه سَردِرِ حِکومت بکَرَ.

یوحنا 14:19

کَمه زَمانی کن دَیوَرِ دِنیا دِ بَمن نیویند اَمّا شمَه بَمن بَویندیرون، اِمی خونه کن اَز زِندَایمَه، شمَه نی زندَگی بَکَرون.

رومی کلیسارا نامه 11:15

اِمی خونه کن اَگَم چَوون رَد آبِه معنی، دِنیا آشتی دوعِه خدا نَه ببو، چَوون قِبول بِه معنی چِه بَبیَه، غَیراَز اِمکن مَردَاونکا زِندَ آبِه؟

رومی کلیسارا نامه 8:17

اَگَم خدا خِردَنِنیمون، پس وُرّاث نی هِستیمون، یعنی خدا واریثِن و مَسیح نَه ارثیکا شریکیمون. اِم شرطینَه کن اَمه نی عَذاب بوینَم، تا اَمه نی بَینه شکوه و جلال بیگِرَم.

دِوُّمین نامَه تیموتائوسیرا 2:12

اَگَم تاو بوعَرم، بَینَه پادیشاهی نی بَکَمون. اَگَم بَی حاشا بکرَم، اَ نی بَمَه حاشا بکَیه.

یوحنا موکاشیفَه 1:2

و اَ، هر چیی ایی کن ویندِشه، یعنی خدا کلام و عیسی مسیح شاهیدی سَردِرِ، شاهیدی داشَه.

یوحنا موکاشیفَه 1:9

اَز شمَه برا یوحنا، کن عَذابونکا و پادیشاهیکا و آمبَست بِه کا کن عیسی دلَکارَ، شمَنه شَریکیم، و خدا کلام و عیسی شاهیدی خونه، ایله جزیرَکا بیم کن بَی پاتموس اَواجین.

یوحنا موکاشیفَه 11:11

ولی سه روج و نیمی بَه دوملَه، خدا طرَفیکا زندَگی نَفَس چَوون دِلَه دشَه و اَیِن راست آبین. و برکَه یالَه ترسی چَوون تَمشا اَکَرون گتِشه.

یوحنا موکاشیفَه 11:15

چَی بَه دومله هَفتومین فرشتَه اِشتَن زرناش فو دَکردَ؛ برکه لَسَّه ایی آستامونیکا دَخَنیستَه کن اَواجییَه: «دِنیا پادیشاهی، چَمه خداوند و چَی مسیح شِن آبَیَه. و اَ، تا ابد و تا ابد سلطنت بَکیَه.»

یوحنا موکاشیفَه 11:3

و اَز اِشتَن دِ گلَه شاهیدی زاکین دَرِم تا باشلاق دَکَن و هَزار ودِویست و شِصت روج پیشگویی بِکَن.»

یوحنا موکاشیفَه 11:7

هنته کن اَیِن اِشتَن شاهیدی تَمون آکَن، اَ اَشیا کن هاویَه چالیکا بِرِن آ، اَوونَّه بَجنگِستی و چَوون سَردِرِ پیروز بَبی و اَوون بَکِشتیَه.

یوحنا موکاشیفَه 12:11

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

یوحنا موکاشیفَه 14:11

و چَوون عذابی دو تا اَبد تا ابد کفارا بَشییَه. اَیِنیرا کن اَ اَشیا و اَ موجسمَه بَپَرستین و اَیِنیرا کن چَی نومی نشونَه قبول بَکن، نِه شَویکا و نِه روجیکا نه آلاوین.»

یوحنا موکاشیفَه 15:2

و چیی ایی ویندِم کن هنته شیشَه اینَه دَیرا اَمونیَه کن آرانَه یَندِ گنِستَه ببو، و کَسِنی شیشَه اینه دَیرا وَریکا پامَندَکَر ویندِم کن اَ اَشیا و چَی موجسمَه سَر و چَی نومی شومارَ سَردِرِ پیروز آبَه بینَه. اَیِن اِشتَنَه چَنگَه سازِنی دارین کن خدا اَیِنِش دوعَه بَه.

یوحنا موکاشیفَه 17:8

اَ اَشیا ویندِر کن مَند بَه، ایسَه دِ نییَه، خَیلی زوو هاویه چالیکا بِرِن آ و نیفلَه آبِرا بَشی. زَمینی سَردِرِ اَمونونکا، اَیِنی کن دِنیا خلق بِه بَه دوملَه چَوون نومی زندَگی دفتَریکاشون نوشتَه نییَه، اَ اَشیا ویندِکا حَیرون آنَّب، اِمی خونه کن اَ مَند بَه، ایسَه دِ نییَه، و بومَیَه.

یوحنا موکاشیفَه 2:26

«هر کَم پیروز آبو و تا آخیر چمن کارون اَنجوم بدَرِ، بَی گردِ میلَّتون سَردِرِ حکم کردِ زاکینی آمَدا،

یوحنا موکاشیفَه 20:6

اَ کن اَولین، زندَ آبِه کا رَست بَداشتی موبارک و موقدَسه. دِوومین مردِ، چَوون سَردِرِ هیچ خِنَری نِدارِ بَسکَم اَیِن خدا و مسیح کاهینِن آنَّب و هَزاران سال بَینَه سلطنت بَکنَه.

یوحنا موکاشیفَه 22:5

و دِ شَوی نییَه. اَیِن آختاو یا چِرا نوری نَپیشونَه، اِمی خونه کن خداوند خدا چَوون نور آرَب. و اَیِن تا ابد و تا ابد سلطنَت بکَنه.

یوحنا موکاشیفَه 3:21

«هر کم پیروز آبو، اِمی بَی آمَدا تا بمِنه تختی سَریکا بنشِه، هته کن اَز پیروز آبیم و اِشتَن دَدَ نَه، چَی تختی سَردِرِ نِشتیم.

یوحنا موکاشیفَه 4:4

تختی دووریکا، بیستو چار گلَه دییَرَ تخت بَه کن چَوون سَردِرِ بیستو چار گلَه پیر نشت بین. اَیِن ایسبیَه شِندِرشون دَکردَ بَه و طِلِه اینه تاجی کَلَکا دارین.

یوحنا موکاشیفَه 6:9

هَنگومی کن وَرَ پِنجومین موهرِش آکردَ، اَز قِربونگا بنیکا، اَ کَسونی جانِنِم ویندَ کن خدا کلامی خونه و شاهیدی ایی خونه کن دوعَشون بَه، اَیِنِشون کشتَه بَه.

یوحنا موکاشیفَه 7:3

و واتش: «چَمَه خدا وزییَرون پوشنو موهر ژِ بَه نَه، خِشکی و دَیرا و دارون ضرر مَژنَه.»