یوحنا موکاشیفَه 20:15 - کتاب مقدس به زبان تالشي - گویش مرکزی

¹⁵ و هر کَمی کن چَی نوم زندَگی دَفتَریکاشون نوشتَه نِبَه، آرا گته دَیراچَه کاشون ویرَفندَ.

کتاب مقدس به زبان تالشی شمالی

¹⁵ و هَر کسی که چَیی نوم دفتر حیاتی دیلَه کا نیویشته بَه نِبَه، دَرَفَنده بَه آتشی دریاچه دیلَه کا.

یوحنا موکاشیفَه 20:15 Iomraidhean Croise

مَتّی 13:42

و اَوون آتَشَه کورَ کا دَنَّفَند، جگایی کن بِرَمِستِه و گاز گازی سَر فِرچین دوعه بَبیَه.

مَتّی 13:50

واَوون آتَشَه کورَ کا دَنَّفَند، جگایی کن بِرَمِستِه و گاز گازی سَر فرچین دوعِه بَبیَه.»

مَتّی 25:41

اَموقه اَیِنی کن چَی چَپَه طَرَفیکا هستبِین باتیَه: اَی ملعونِن، بَمنکا رَت آبه و اَ زَیرونَه آرا را بشَه کن ابلیس وچَی فرشتَه اونرا آمادَ آبَیَه،

مَرقُس 16:16

هرکَس ایمان بوعَرِ و غَسل تَعمید بیگِرِ، نیجات بَگتی. ولی هَر کَم ایمان مَوَرِ، مَحکوم بَبیَه.

انجیل لوقا 10:20

امّااِمیکا خَش مَبَ کن روحِن شمه کا ایطاعت بَکَن، بَلکَم شمهَ خشی اِمیکا ببو کن شمهَ نومی آستامونیکا نوشتشونَه.»

یوحنا 14:6

عیسی بَی واتِشَه: «اَز راه و حَییقت و زندَگی هِستیمَه. هیچ‌کَسی غَیراَز چمن واسیطۀ نَه دَدَ وَر نیام.

یوحنا 3:36

اَکَن بَه زوعَه ایمان دارِ، زَیرونَه زندَگی دارِ؛ اَ کن زوعَه کا فِرمون نیَبَرد، زندَگی نیَویند، بَلکَم خدا غَضَّب چَی سَردِرِ بَمَندیَه.»

رَسولون اَعمال 4:12

غَیراَز اِم، هِچ کَسی دِلَکا نیجات نیَه، اِمی خونِه کن آستامونی بنیکا دییَرَ نومی آدَمِنِشون آدوعَه نیَه تا بَینَه نیجاتی ویگِرَم.»

نامَه، عِبرانیه نَتاجَه مسیحیونرا 12:25

هَواسِرون ببو، گَف اَژَنی سَسیرا پشت آنِکرَ. اَیِنی کن، زَمینی سَر گَف اَژَنی گَفیرا پِشت آکَردِشون، نِشتِشونَه موجازاتیکا بَروَشتِه. پس اَگَم اَمه اَ کَسیرا کن آستامنیکا گَف بَژَی پِشت آکَرَم، چنترَ موجوازاتیکا بروَزَم؟

نامَه، عِبرانیه نَتاجَه مسیحیونرا 2:3

پس اَگَم اَمه انترَ یالَه نیجاتیکا غافل بِبَم، چِنترَ چَی جَزاکا بَروَزَم؟ اِم نیجات اَولیکا خداوندی واسیطنه اییلا آبه و چَی بَه دوملَه اَیِنی واسیطنه کن اَشون درَستَه چَمرا ثابیت بَه،

یوحنا موکاشیفَه 19:20

ولی اَ اَشیا ویلاخیسته و بَینَه اَ دِروَعه پیغمبَر کن اَشیا ناریکا نشونه اِن و موعجیزَ اون اَیر آرَکری تا اَیِنی گول بژنه کن اَ اَشیا نشونِشون قِبول کردَ و چَی موجسمَه اَپَرستینَه. اَیِن، هردِگِلَه زِند زندَ، دَیراچَه ایکا کن آرا کا کن گوگردینه کولوستار بَه ویرفندِشون.

یوحنا موکاشیفَه 20:10

و اِبلیسِش، کن اَیِنِش گول ژَ به، هه جِگا ایرا کن اَ اَشیا و دِروعَه پَیغَمبریشون ویرفندَ به، دَیراچَه ایکا کن آرا گوگِردینَه پَتلمَه به ویرَفندِشون، اَیِن تا ابد تا ابد عذاب بَکشتینه.

یوحنا موکاشیفَه 20:12

مردَ اون، چِه یال و چِه گِچ، ویندِمَه کن اَ تختی نَکا پا مَندبین. و دفتَرِن آج آبین. چَی به دومله ایلَه دییَرَ دفتَری نی آج آبَه کن زندَگی دفتَر بَه. مَردَاِن اَ چیینی کن دفتَرونکا نوشته بَه، اِشتَن کردَ کارون طبق دیوون آبین.

یوحنا موکاشیفَه 20:14

و چَی به دوملَه مرگ و مردَاون دِنیاشون آرا گته دَیراچَه دلَکا ویرَفندِشون. آرا گته دَیراچَه، اِم دِوومین مرگَه.

یوحنا موکاشیفَه 3:5

هر کَم پیروز آبو، هنتَرَ، ایسبیَه شندِر دَرَکرد و اَز هرگز چَوون نومی زندَگی دَفتریکا پاکییَه آنِمَکرد، و چمن دَدَ و چَی فرشتَه اون حِضوریکا چَی نومی خِلِه بَکَم.