یوحنا موکاشیفَه 20:13 - کتاب مقدس به زبان تالشي - گویش مرکزی

¹³ و دَیرا مردَاِنی کن اِشتَن دلَکا داری پس آداشَه؛ مرگ و مردَاون دِنیا نی اِشتَن مردَاِنِشون پس دوعَه، و هَر کَم اوونکا اِشتَن کردَ کارون خونه، دیوون آبَه.

کتاب مقدس به زبان تالشی شمالی

¹³ و دریا اَ مَردَه اونی که اِشتَن دیلَه کا داری، پَس آدوشَه؛ مرگ و مَردَه اون دنیا اَ مَردَه اون که چَوون دیلَه کا بَه پَس آدوشونَه، و هَر کس طبق کارونی که انجام دوعَش بَه، داوری بَه.

یوحنا موکاشیفَه 20:13 Iomraidhean Croise

مَتّی 11:23

و شمَه اَی کَفَرناحومی آدَمِن، شمَه اَپیرون بَه تا آستامون اِشتَن کلَّه دَرَورازَ؟ هرگز، بَسکم شِمَه تا جَندَمی جیر نیفیت بَبیرون، اِمی خاطر کن اَگَم موعجیزَاِنی کن شِمَه شَهرونکا اَنجوم بَه شَهر سُدومیکا اَنجوم بِبیستِه، اَ شَهر تا اومروج باغی اَمونیَه.

مَتّی 16:27

«اِمی خونه کن اِینسانی زوعَه اِشتَن آستامونیَه دَدَ جَلالیکا واِشتن فرشتَه اونَّه بومَیَه و اَ زَمانیکا هَر کَسی چَی کَردَ کارون شیوار عَوض دَرِ.

اوّلین نامَه قورَنتیانیرا 15:26

آخِرین غَنیم کن پی نیفیت آبو، مرگَه.

یوحنا موکاشیفَه 1:18

اَز، کن زندَایمَه. مَردَ بیم، ولی ایسَه دیَس زیرون زندَایمه و مَردِ و مردَ اون دِنیا اَچَرِن بَمِنکارَ.

یوحنا موکاشیفَه 2:23

و چَی خِردَنون نیفلَه آمَکرد. اموقه کلیسا اِن گرد بموستینه کن اَز فکرون ودِلون بگَردِستیم و هرکِرَم شمَکا چَی کردَ کارون طبق، عوَض آمَدا.

یوحنا موکاشیفَه 20:12

مردَ اون، چِه یال و چِه گِچ، ویندِمَه کن اَ تختی نَکا پا مَندبین. و دفتَرِن آج آبین. چَی به دومله ایلَه دییَرَ دفتَری نی آج آبَه کن زندَگی دفتَر بَه. مَردَاِن اَ چیینی کن دفتَرونکا نوشته بَه، اِشتَن کردَ کارون طبق دیوون آبین.

یوحنا موکاشیفَه 20:14

و چَی به دوملَه مرگ و مردَاون دِنیاشون آرا گته دَیراچَه دلَکا ویرَفندِشون. آرا گته دَیراچَه، اِم دِوومین مرگَه.

یوحنا موکاشیفَه 21:4

اَ چَوون چَمیکا هر اَسِرگی پاکیَه آرَکَرد. و دِ مرگ نییَه؛ و دِ هیچ عازیَه و برامِّه و داجی نینَّه، اِمی خونه کن اَوَّلنَه چییِن نیفیت آبَه این.»

یوحنا موکاشیفَه 6:8

و اَز دیشتِم و بوین، ایلَه اسب کن چَی رنگ پَرَ بَه چمن نَکا اَیر آبَه و چَی سَریکا اَنِشی نوم مرگ بَه و مردَاون دِنیا، کایبَه چَی دوملَه آمِه. و اَیِنِشون زاکین آدوعَه تا زَمینی یَک چارومی سَردِرِ، شمشیرینه و قحطینه و اَکِشه آزارینه و زَمینی سری اَشیانَه، آدَمون بکشن.