یوحنا موکاشیفَه 2:3 - کتاب مقدس به زبان تالشي - گویش مرکزی

³ بَموستیم کن صبرینَه، چمن نومی خونه تاو وردَرَ و تحمل بَکش و ویختَه نیشَه.

کتاب مقدس به زبان تالشی شمالی

³ بَزنیم که چِمِن نومی واسی صَبری نَه تاو وَردَرَه و تحمّل کَردرَه و خسته آبَه نیشَه.

یوحنا موکاشیفَه 2:3 Iomraidhean Croise

مَرقُس 15:21

اَسربازن راه دِلکا ایی نفرِشون ویندَ کن چَی نوم شمعون بَه. شَمعون قیرَوانی آدَمونکا و اِسکندَر و روفوسی دَدَ بَه و زَمینی سَردِرِ کَشتو کاریکا کایبَه آمِه. سربازن اَشون دیم پِنوعَه تا عیسی صَلیبی بوعَرِ.

انجیل لوقا 14:27

و هر کم اِشتَن صَلیبی دوشی سَر مَدَراکِنه وچمن دومله نا، چمن شاگرد نیَشا بِه.

انجیل لوقا 18:1

عیسی اِشتَن شاگردونرا مَثَلی وَردِشه تا اَوون آمونِه کن پی اوزون دِوا بکَرن و هرگز دلسرد آمَبون.

انجیل لوقا 21:19

شمه اِشتَن صبر و تهمولینه اِشتَن جانی نیجات بدَرَ.

انجیل لوقا 5:5

شَمعون جواب داشَه: «اِستا، اَمهَ شَودِرازَ بَرکَه زَحمَتِمون کَشتَه یَه و چی ایی نِگَتمون. ولی اِشتِه گَفی خونِه، دومون ویمَفَند.»

انجیل لوقا 8:15

ولی اَ دونَه اِنی کن زورمَه زَمینی سَردِرِ بَرگنِستین کسِنی هِستینه کن خدا کلامی دَنَرَست وصافو صادِقو و چاکَه دِلینَه اَی آمبَست غَم بَردین، وصَبرینَه بَرَ بَدان.

یوحنا 15:21

ولی اِمون گردی چمن نومی خونِه شمَنَه بَکَنه، اِمی خونِه کن چمن روَنه آکری آنینَزنی.

رومی کلیسارا نامه 12:12

اومیدیکا خَش، و غَرَّ روجونکا صَبور ببَه و اوزون دِوا بکَرَ.

رومی کلیسارا نامه 16:12

تْریفینا و تْریفوسا، اَ پاسَرییِنی کن خداوندی خیدمتی دِلَکا زَمَت بکَشتین سلام بدرَ، و چمن اَیلَه خاجَتیَه رَفِق پِرسیسی، کن خداوندیکا بَرک زَمت بَکَشتی، سلام بدَرَ.

رومی کلیسارا نامه 2:7

خدا، زَیرونَه زندَگی اَیِنی آرَدا کن، چاکَه کارون اَنجوم دوعه کا صَبرینَه، شکوه و جلال و حورمت و زَیرونَه زندَگی دوملَه این؛

رومی کلیسارا نامه 8:25

اَمّا اَگَم چیی ایی اومیدی دارَم کن هَنوزَنی ویندَمون نی، صَبرینَه چَی اینتیظاری بَکَشتیمون.

اوّلین نامَه قورَنتیانیرا 13:7

موحبت گِردِ چییون تحمل بَکَی، موحبت گِردِ چییون باور بَکَی، اوزون اومید بَداشتی و گِردِ چییون تاو بوعَردییَه.

اوّلین نامَه قورَنتیانیرا 16:16

اِنتَرَ کَسونکا ایطاعَت بکَرَ و هِنتَرَکه هَر کَمی کن اِم خیدمتیکا همکاری بَکیَه و زَمَت بکَشتی، چَی فِرمون ببَه.

دوومین نامه قرنتیانیرا 10:15

اَمه چَمَه حدی بَموستیمون و خلکی زَمَت کَشتَه سَر ایفتخار نِمونَکَرد. ولی اَمه امیدِمون هِستَه کن هر چَنَه شمَه ایمان ویشتَر ترقی بَکیَه، چَمَه خیدمتی حَد نی شمَه دلَکا ویشتَر آبَو،

دوومین نامه قرنتیانیرا 11:23

اَیِن مسیح پاسری اینه؟ اَز اَوونکا ویشتَر هستیم-هِنتَه تورَ آدَمون شیوار گَف بَژَم - گِردیکا چَتین تر کارم کَردیَه، ویشتَر زیندان دَگنستَه ایمه، گِردیکا ویشتَر لِسِم هردیَه، مَردِ مزَ خَیلی چَشتَمَه.

دوومین نامه قرنتیانیرا 4:1

پس چون اَ رحمتی کن اَمشون دوعَیَه خونه اِنتَرَ خِیدمتی بَکَمون، نا اومید آنی مونَب.

دوومین نامه قرنتیانیرا 4:16

پس نا اومید آنی مونَب. هَر چَنَه چَمَه ظاهیر کا نیفیت آبِه، چَمَه باطن روج بِه‌ روج تازَ تر آرَبن.

دوومین نامه قرنتیانیرا 5:9

پس چِه تَنیکا زندگی بِکَرَم چه بَیکا رَت آبَم، چَمَه نییَت اِمَه کن بَی راضی دَروَرَم.

دوومین نامه قرنتیانیرا 6:5

لِس هَردِ موقه کا، زیندانون دِلَکا، خَرا خِلِه دلَکا، سخته کاریکا، شَوونکا بی‌خواوی دلَکا، اَنشتا بِه کا آمونَم کن خدا وَزییَریمون؛

نامه غلاطیَه کلیسارا 6:2

یَندِ بارون دوش آگِرَ کن اِنتَرَکِه مَسیح شَریعَتی اَنجوم بَدارون.

نامه غلاطیَه کلیسارا 6:9

پس چاکَه کاریکا ویمَخِسَم، اِمی خونِه کن اَگَم کاریکا دَست مَپِگِرَم، موناسیبَه فصلیکا بَدورنِستیمونَه.

نامَه فیلیپی کلیسا را 2:16

زندَگی کلامی آمبَست غَم بَرَ تا مسیح ویگَردِسته روجیکا ایفتخار بکَرم کن دَدار نَوریجیمَه و دَدارِم زَمَت کشتَه نی.

نامَه فیلیپی کلیسا را 4:3

ها بَتِکا نی اَی وَفادارَ هَمکار، بَپیمَه کن اِم دِ گِلَه خَنِمی کاریَری بَدَری. اِمی خونِه کن اَکلیمِنتُس و چمن دییرَ هَمکارونَّه کن چَوون نومی زندَگی دَفتَرییکا نِوِشتَه آبَه یَه، اَیِن بَمِنَه دوشادوش اِنجیلی کاریرا زَمَتِشون کَشتیَه.

نامَه کُولُسی کلیسا را 1:11

و گِردِ زبقینَه کن چَی پور جَللالَه خِنَریکا آ، قودور ببَه تا خَشینَه، برکَه صبر تحمل بدارَ؛

اوّلین نامَه تَسالونیکی کلیسا را 1:3

شمه کارون کن ایمانیکا اَ و زمَتی کن موحبتی دلَکا کَشتَرون و شمه آمبَست بِه اومیدیکا، کن چَمَه خداوند عیسی مسیح کا اَ، خدا و چَمه آستامونیَه دَدَ ناریکا یاد آمونَفَند.

اوّلین نامَه تَسالونیکی کلیسا را 2:9

چون شمَه اَی برا اِن شمَه، حَییقتا چَمَه زَمت و عذابی یادیکا هِستِرون، کن شَو و روج کار اَکَریمونه تا اَموقه کن خدا اِنجیلی شمَرا موعیظَه بکَمون، کَسیرا سربار نِبَم.

اوّلین نامَه تَسالونیکی کلیسا را 5:12

اَی برا اِن ایسَه، شمَکا خاشتو خازِمه اَیِنی کن شمَه دلَکا زَمَت بَکشتین و خداوندیکا شمه رهبرینه و بشمَه اَندَرز بَکن، ایحترام بنَرَ،

دوّمین نامَه تَسالونیکی کلیسا را 3:13

ولی اَی برا اِن شِمَه، چاکی کردِکا ویمَخِسَه.

دوّمین نامَه تَسالونیکی کلیسا را 3:5

خداوند شمه دلون خدا موحبتینه و مسیح پایدارینه هیدایت بکَرِ.

دوّمین نامَه تَسالونیکی کلیسا را 3:8

و مفته، کَسی نونی نَردِمون، بَسکم زَمَت و سختینَه شَو روج کارِمون کردَ تا هیچ کِرَمی شِمَکا، سربار نِبَم.

اوّلین نامَه تیموتائوسیرا 4:10

چون اَمه اِمی خاطر زَمَت بَکَشتیمون و تقلا بَکَمون، چون اَمه چَمه اومیدی زندَ خدا سردِر نوعَمونَه کن آدَمون گِردی نیجات اَدَرَ، بَخصوص اَیِنی کن ایمان بَداشتین.

اوّلین نامَه تیموتائوسیرا 5:17

ایسبیَه ریشِنی کن چاک رهبری کردَشون ببو، دِ برابر حورمت نوعه لَیاقَتی دارِن، بَخِصوص اَیِنی کن موعیظَه کردِکا و آموج دوعِه کا زَمَت بَکشتین.

نامَه، عِبرانیه نَتاجَه مسیحیونرا 10:36

چون تا اَموقه کن خدا ایرادَ اَنجوم بدَرَ، لازِمه شمه تاو بوعَرَ، و اَ چیی ایی کن وَعدَشون دوعَیه بَدَست بوعَرَ.

نامَه، عِبرانیه نَتاجَه مسیحیونرا 12:1

پس اِمی خونه کن اِنتَرَ شاهیدِنی هنته برکَه یالَه خِری شیوار اَمَشون دوور کردیَه، بِرَ اَمه نی هر ایضافَه بار و هر گناخی کن چَمَه بالو لِنگی درَپِشکیست، بَشتنکا رَت آکَرم و موسقابَه ایکا کن چَمه نَکارَ، اَوریجَم.

نامَه، عِبرانیه نَتاجَه مسیحیونرا 13:13

پس بِرَ اَمه نی اِم اوردوگا کا چَی وَریرا برِن برشَم و چَی ننگیکا و گِچ گیریگا شریک ببَم.

نامَه، عِبرانیه نَتاجَه مسیحیونرا 6:10

اِمی خونه کن خدا بی اینصاف نییَه و شمه کار و موحبت کن شمه چَی نومی خاطر، موقدسَه آدَمون خیدمتیکا آمونِستَرون یاد بَرکَرِ، هته کن هنوزنی کاینه اَنجوم دوعه.

نامَه، عِبرانیه نَتاجَه مسیحیونرا 6:12

تا تنبل آنِبَه، بَسکم شمه سرمشق اَیِنی ببون کن ایمانو صَبرینه وعدَ اون وارِث آنَّب.

نامَه، عِبرانیه نَتاجَه مسیحیونرا 6:15

و اِنتَرَ، صبرینَه مونتَظیر مندِ به دوملَه ابراهیم، وعدَش بَدَست وردَ.

پطروسی دومین نامه 1:6

و آزنستِه نَه، نفسی ناری گتِه، و نفسی ناری گته نه، موقاومت، و موقاومتینه، دینداری،

یوحنا موکاشیفَه 1:9

اَز شمَه برا یوحنا، کن عَذابونکا و پادیشاهیکا و آمبَست بِه کا کن عیسی دلَکارَ، شمَنه شَریکیم، و خدا کلام و عیسی شاهیدی خونه، ایله جزیرَکا بیم کن بَی پاتموس اَواجین.

یوحنا موکاشیفَه 3:10

اِمی خونه کن تِه چمن کلام کن آمبَست گیری خونِه اَ، غَمِر هردَیَه، اَز نی وَرداورد بِه ساعَتیکا، اَ ساعت کن گردِ دِنیا کا بومیَه تا زَمینی سَردِرِ آدَمون وَرداورد بکرِ، بَتِه غَم بَردیمه.