یوحنا موکاشیفَه 2:2 - کتاب مقدس به زبان تالشي - گویش مرکزی

² اِشتِه کارون بَموستیم و اِشتِه عذابونکا و آمبست بِه کا باخَبَریمَه. بَموستیم کن نیشَشا آوَشرون تاو وَردِ و اَیِنی کن بشتن رسول بَموستین ولی نینَّه، ورداورد کردَرَ و سَر آگِنَه ایشَه دِروو اَواجین.

کتاب مقدس به زبان تالشی شمالی

² اِشتِه کارون بَزنیم و اِشتِه مقاومت و عذابون کا خَوَر داریمَه و بَزنیم که نیمَشای شَرورَه آدَمون تاو بواَری بَلکَم کسونی که اِشتَن رسول بَزنین ولی نینَه، اَوون اِمتحان کردَرَه و فَهمِستَرَه دروعَه واجی نَه.

یوحنا موکاشیفَه 2:2 Iomraidhean Croise

مَتّی 7:23

اَموقه اَز آشکارا اَوون باتیمَه: ”هَرگز شمه آزنِستَم نیَه. اَی بَدکارن، چمن چَمی نَ کا رَت آبه!“

یوحنا 6:6

اِمی واتِش تا اَی وردا وَرد بکَرِ، اِمی خونه کن عیسی اِشتَن بَموستیَه بَپیشَه چِبکَرِ.

نامه غلاطیَه کلیسارا 1:7

اَلبَت دیَرَ اِنجیلی وِجود نِدارِ، ولی کَسِنی هِستینَه کن بَشِمَه تَفشیش دَنَّفَند و اَپیشونَه کن مَسیح اِنجیلیکا دَست بِبَن.

نامَه اَفسوسی کلیسارا 4:14

پس دِ هنته خِردَنون شیوار آنیمونَب، کن موجون نَّه اَمه هر طَرَفیرا ویدارِن و موختلیفَه آموجن و آدَمون مکر و حیلَه وا، اَ نقشَه اونیکا کن چَمَه گومرا کردِرا بَکشتین، اَمه اِم وَر اَ وَریرا ببَرِ.

اوّلین نامَه تَسالونیکی کلیسا را 1:3

شمه کارون کن ایمانیکا اَ و زمَتی کن موحبتی دلَکا کَشتَرون و شمه آمبَست بِه اومیدیکا، کن چَمَه خداوند عیسی مسیح کا اَ، خدا و چَمه آستامونیَه دَدَ ناریکا یاد آمونَفَند.

اوّلین نامَه تَسالونیکی کلیسا را 5:21

بَسکم گِردِ چییون وَرداوَرد بکَرَ؛ اَ چیی ایی کن چاکَه کا، آچیکَه.

دِوُّمین نامَه تیموتائوسیرا 2:19

اِم حالیکا، سختَه هیمی کن خدا نوعَشه، آمبسته و اِم گفینه موهر بیَه کن: «خداوند اِشتَن آدَمون آرَزنِست،» و «هر کَم خداوندی نومی ایقرار بکرِ، پی نادِرستیکا رَت آبو.»

نامَه، عِبرانیه نَتاجَه مسیحیونرا 6:10

اِمی خونه کن خدا بی اینصاف نییَه و شمه کار و موحبت کن شمه چَی نومی خاطر، موقدسَه آدَمون خیدمتیکا آمونِستَرون یاد بَرکَرِ، هته کن هنوزنی کاینه اَنجوم دوعه.

یوحنا اوّلین نامَه 4:1

اَی خاجَتیِن، هر روحی باوَر نِکَرَ، بَسکَم اَوون وَرداوَرد بکَرَ کن خدا شِنینَه یا نِه. اِمی خونه کن وِرَ دِروعَه پَیغمبَرِن دِنیاکا هِستین.

یوحنا موکاشیفَه 2:5

یاد آرَفَن کن کرَم جِگاکا ویگِنِسته ایشَه. توبَه بکَه و کارِنی اَنجوم بدَ کن اَوَّلنَکا اَنجوم اَدَریشَه. اِمی خونه کن اَگَم توبَه نِکَری، اِشتَن بومَمَه و اِشتِه چراغدانی چَی نوعه جِگاکا پِمَگَت، مَگَم اِم کن توبه بکری.

یوحنا موکاشیفَه 2:6

ولی اِمیلَه چاکیر هِستَه، هَتَه کن اَز نیکولاییون کاولَکا بیزاریمَه، تِه نی اَوونکا بیزاریشَه.

یوحنا موکاشیفَه 2:9

اِشتِه عذابونکا و دَس دَریسیکا باخَبریمَه، ولی تِه دولتمندیشَه. و اَ آدَمون ایفترا گَتِکا باخبَریمه، کن باتین یهودی اینَه ولی نینَّه، بَسکم شیطونی عیبادتگا اینَه.

یوحنا موکاشیفَه 3:1

«ساردِسی کلیسا فرشتَرا بنوِس: «اَ کن خدا هف گلَه روح و هف گلَه اِسترَ دارِ، انترَ باتی: اِشتِه کارونکا باخبَریمه. تِه اِشتِه زندَ بِه خونه سَرشناسیشَه، ولی مَردَایش.

یوحنا موکاشیفَه 3:15

اِشتِه کارون بَموستیمه؛ بَموستیم کن نِه سَرینیشَه و نِه تَتیش. اَی کاش کن سرین یا تَت بِبیش.

یوحنا موکاشیفَه 3:8

اِشتِه کارون بَموستیم. بوین، ایله آج آبه بَرنگایی اِشتِه نَکا آنوعَمه کن هیچ کَم نییَشا اَی دَبَستِه. بَموستیم کن عِجِزیش، ولی چمن کلامی کاش غَم هردِ و چمن نومی حاشار کردَر نیی.