یوحنا موکاشیفَه 2:10 - کتاب مقدس به زبان تالشي - گویش مرکزی

¹⁰ اَ عذابی کن هِم زودیون بَکَشتیشَه کا، مترس. بوین، ابلیس، شمَه دلَکا، بعضیوون ورداورد کردِ خونه بشِمه زیندان درَفندییَه و دَه روج عذاب بَبَرون. تِه تا مَردِ موقه وفادار بومون، کن اَز زندَگی تاجی بَتِه آمَدا.

کتاب مقدس به زبان تالشی شمالی

¹⁰ اَ عذابونی کا که هِم زودیون کَشی، مَتَرس. دَیِس، هِم زودیون اِبلیس شِمَه کا بعضیون زندانی کا دَرَفَنِه تا آزمایش بِبییَه و دَه روز عذاب بِکَشَه. تِه تا مرگ وفادار بومون،که از زِندگی تاجی آدَم بَه تِن.

یوحنا موکاشیفَه 2:10 Iomraidhean Croise

مَتّی 10:22

مردوم گِرد چمن نومی خونِه شِمَکا نیفرَت بَداشتین. اَمّا هَرکم تا آخیر تاو بوعَر، نیجات بَگتی‌‌.

مَتّی 10:28

اَیِنی کا کن فقط جَندَکی بَکشتینهَ و نینَّشا روحی کِشتِه کا مَترسه؛ خداکا بِترسه کن بَشای هِم روح و هِم شمه جَندَکی جَندمیکا نیفله آکَرَ.

مَتّی 24:13

اَمّا هَرکم تا آخیر آمبَست بومونِه، نیجات بَگَتی.

مَرقُس 13:13

گردِ آدَمِن چمن نومی خونِه شِمَکا نیفرَت بَداشتین؛ اَمّا هَرکم تا آخیر تاو بوعَر، نیجات بَگَتی.

مَرقُس 8:35

اِمی خونه کن هَر کَم بخا اِشتَن جانی نیجات بَدَرِ، بَی از دَست آرَدا؛ ولی هَر کَم چمن خونِه وخدا پادشاهی خَشَه خبری خونِه اِشتَن جانی از دَست بدَرِ، اَی نیجات آرَدا.

انجیل لوقا 21:12

«ولی گِردِ اِم ایتفاقون دَگِنِسته بَه نَه، شمَه ویلاخِنِن، واَیذت آزار بَکَنَه. بَشِمَه عیبادَتگا اون و زیندانون تَحویل بَدان. چمن نومی خونِه، شمَه پادیشاهِن و والیون وَر بَبَردینَه.

یوحنا 12:25

هَرکَم کن اِشتَن جانی رَی بِدارِ اَی اَز دَست آرَدا و هَر کَم کن اِم دِنیا دِلَکا اِشتَن جانیکا بِگذِرِ، اَی تا زَیرونَه زندَگی غَم بَردیَه.

یوحنا 13:2

سوری وَقت بَه. اِبلیس چیمی بَه نَ شمعونی زوعَه، یهودای اَسْخَریوطی دلیکا نوعَش بَه کن عیسی غَنیمی تَسلیم بکَرِ.

یوحنا 13:27

یهودا وَقتی لوقمَه ویبَردِش شیطون هَه لحظه کا چَی دِلیکا دَشَه. اموقه عیسی یَهوداش واتَه: «اَچیی کن بَپیرَ اَنجوم بِدَری، زو اَنجوم بدَ.»

رَسولون اَعمال 20:24

ولی اَز هِم جان و هِم زندَگی بَشتَنرا بی ارزش بَموستیم، و تاکَه اَگَم بِشام اِشتَن دووری تَمون آکَرم و خیدمَتی کن خَداوَند عیسی کا ویگَتِم کامیل اَنجوم بِدَرم، و خدا فِیضی خَشَه خَبَری شاهیدی بدَرِم.

رَسولون اَعمال 21:13

ولی پولوس جواب آداشَه: «اِم چه کاریَه بَکَرون؟ چیرا اِشتَن بِرَمِستِه نَه چمن دِلی بَچاکِنِستیرون؟ اَز حاضِریمه خداوند عیسی نومی خونِه، نِه تاکَه زیندانیرا بِشوم، بَسکَم اورشَلیمکا نی بِمِرِم.»

اوّلین نامَه قورَنتیانیرا 9:25

هَر کَم موساقبَرا بشیَه، هرچیکا، اِشتَن ناری بَگَتی. اَیِن فانیَه تاجی ویگَتِه خونه اِنتَرَ بَکن؛ ولی اَمه انتَرَ بَکمون تا زیرونَه تاجی ویگِرَم.

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

نامَه اَفسوسی کلیسارا 6:12

اِمی خونه کن چَمه جَنگِستِه جندَک و خونینَه یعنی اینسانینَه نیَه، بَسکم اَمه ریاسَتون زرَبَرا، زبقون زرَبرا، و اَ ظلَماتی اینجاری زرَبرا کن اِم دِنیا سَردِرِ حاکیمینَه، و آوشَری روحانیَه لَشکری زربَرا، کن آستامونییَه جگا اونکا ینَه، بَجَنگِستیمون.

یعقوبی نامَه 1:12

خَشی اَ آدَمی حالیرا کن وَرداوَردونکا صبر تحمولینه تاو بوعردی، اِمی خونه کن وَقتی وَرداوَردیکا سربلند بِرِن با، اَ تاجی کن زندَگی بَبخشِستی، و خدا اَیِنی کن بَی رَی بداشتین وَعَدَ آدوعَشَه، ویرَگت.

پطروسی اوّلین نامَه 5:4

زمانی کن شونه اون رئیس اَیر آبو، شکوه و جلالی تاج کن نیفیت آنیَب وینَّگَت.

پطروسی اوّلین نامَه 5:8

هواسِرون اِشتَنکا ببو و هوش ببَه، اِمی خونه کن شمه غَنیم ابلیس، هنتَه شیری شیوار غورش بَکی و هر طرفیرا کا گردِسته تا ایی نفری پیدا بکرِ بَی ویبَرِ.

یوحنا موکاشیفَه 13:14

اَ نشونَه اِن و موعجیزَ اِنی کن اَ اَوّلنَه اَشیا نومینَه ایجازَ داری اَیر آکَردِ خونه، زَمینی آدَمون گول ژِشَه و اَیِنِش واته تا اَ اَشیا کا موجسمَه سِی آکَرِن کن شمشیرینه یَرَ آبَه بَه، ولی اِم حالینه زِندَ مَندَ بَه.

یوحنا موکاشیفَه 13:2

اَ اَشیا کن مِن ویندَ، پلنگی اَمونیَه، خِرسی لِنگون داری و شیری گَوی. و اَژدِخا اِشتَن زبقی و اِشتَن تَخت، و برکَه یالَه زاکینی اَ اَشیا داشَه.

یوحنا موکاشیفَه 13:7

و اِمَنی بَشون ایجازَ دوعَه کن موقدسَه آدَمونَّه بجنگِه و چَوون سَردِرِ پیروز آبَه؛ و بَی هر طایفَه و میلَّت و زبان و قامی سَردِرِ زاکین آداشون تا حکم بکَرِ.

یوحنا موکاشیفَه 17:14

گردِ اَیِن اَ وَرَ نَه جنگِستِه خونه راست آنَّب، ولی وَرَ چَوون سَردِرِ پیروز آرَب، اِمی خونه کن اَ خداوندون خدا و پادیشا اون پادیشا اَ و اَیِنی کن بَینه دَرِ این، اَیِنین کن صَلا ژَشه و اَوون اینتخابِش کردیَه و چَی وفادارَ پیرووِنین.»

یوحنا موکاشیفَه 2:13

بَموستیم کِرَم جگاکاشَه، اَ جِگا ایکا کن شَیطونی پادشایی تختَه. اِم حالینَه بَرک چمن نومی دَچِیکه ایشَه، حتی چمن اَمینَه شاهید، آنتیپاسی کِشته روجیکا کن اَشون شمَه دلَکا کن شَیطونی مندَ جگا اَ کِشتِشون، ایمانی کن بَمن داریشَه حاشا نِژِرَ.

یوحنا موکاشیفَه 2:9

اِشتِه عذابونکا و دَس دَریسیکا باخَبریمَه، ولی تِه دولتمندیشَه. و اَ آدَمون ایفترا گَتِکا باخبَریمه، کن باتین یهودی اینَه ولی نینَّه، بَسکم شیطونی عیبادتگا اینَه.