یوحنا موکاشیفَه 2:1 - کتاب مقدس به زبان تالشي - گویش مرکزی

¹ «اَفِسوسی کلیسا فرشتَرا بِنوِس: «اَ کن هَف گلَه اِسترَ اِشتَن راستَه بالیکا دارِ و هف گلَه چراغدانی وسَطیکا گَل بژَی، اِنتَرَ باتی:

کتاب مقدس به زبان تالشی شمالی

¹ «اَفِسُسی کلیسا ملائیکه را بینیویس: «اَ که هفت گِله ستاره اِشتَن راستَه دَسی کا هِستِشَه و هفت گِله طِلا چِراپوعَه میانَه کا قدم ژَنِه، اِنتَه بَواتی:

یوحنا موکاشیفَه 2:1 Iomraidhean Croise

مَتّی 18:20

اِمی خاطِر کن جگایی کا کن دِ یا سه نفر چمن نومینه جَم آبون، اَز نی اَجگا کا چَوون دلَکا هِستیمه.»

مَتّی 28:20

و اَوون آموج بِدَر کن، گِردِ چییونی کن بَشمَه فرمون آدوعَمَه اَنجوم بِدَرِن. دَیسه اَز، اوزون تا اِم دِنیا آخیر شمَنه دَرِایمَه!»

یوحنا 5:35

یحیی هِنتَه ایلَه رِشونَه چِرایی شیوار بَه کن شَپَق اَژَنیَه و شمه اَپیرون بَه ایی تیکَلی زَمانی چَی شَپَقیکا خَش ببَه.

رَسولون اَعمال 18:19

وَقتی شهر اَفِسُسیرا آرَستین، اِشتَن هَم سَفَرون آهَشتِش و عیبادَتگارا شَه، و یَهودیونَّه گَف ژِنَه کردِش.

رَسولون اَعمال 18:21

ولی اَوونَّه خدا حافیظی کَردِ موقه، واتِش: «اَگَم خدا بِخا هَنی شِمَه وَر بومَمَه.» چَی بَه دوملَه کَشتیکا دَنِشتَه و اَفِسُسیکا شَه.

رَسولون اَعمال 19:1

ولی هَنگومی کن آپولوس شهر قُرنتُسیکا بَه، پولوس اَ ولَتی راه نَه، کن خِشکی بَه، گِذَشَتِه بَه دوملَه، اَفِسُسیرا آرَستَه. اَجِگاکا چَن گِلَه شاگردِش پَیدا کردَ.

دوومین نامه قرنتیانیرا 6:16

خدا معبد و بُتونرا چِه سلوکتی هِستَه؟ اِمی خونه کن اَمه زندَ خدا مَعبَدیمون. هَتَه کن خدا تورات و پیغمبرون کیتاویکا باتی: «اَز چَوون دِلکا زندَگی بَکمَه و چَوون مینَکا گَل بژَمَه، و اَز چَوون خدا بَبیمَه و اَیِن چِمِن قام بَبینَه.»

یوحنا موکاشیفَه 1:16

و اِشتَن راستَه بالیکا هف گلَه اِسترَ داری و چَی گَویکا تیرینجَه دِ دَمه شمشیری بِرِن آمَه بَه، و چَی صَفَت هنته آختاوی شَپقی شیوار بَه کن گردِ اِشتَن زبقینه دَتاوییَه.

یوحنا موکاشیفَه 1:20

اَ هف گله اِسترَ کن چمن راسته بالیکا ویندِرَ و اَ هف گلَه طِلِه اینَه چراغدانی راز اِمَه: اَ هف گلَه اِسترَ، هف گلَه کیلیسا فرشتَه اینَه، و اَ هف گلَه چراغدان نی هه هف گله کیلیسا اینه.

یوحنا موکاشیفَه 12:1

اَموقه ایلَه بَرکَه نشونَه ایی آستامونیکا اَیر آبَه: ایلَه ژِن کن آختاوِش دَکردَ بَه و اِشتَن لِنگی بنیکا مانگی داری و ایلَه تاج دانزَ گِلَه اِسترَکا اِشتَن کَلَکا داری.

یوحنا موکاشیفَه 2:12

«پِرگامومی کلیسا فرشتَرا بنوِس: «اَ کن دِ دَمو تیرینجَه شمشیر دارِ، انترَ باتی:

یوحنا موکاشیفَه 2:18

تیاتیرا کلیسا فرشتَرا بنوِس: «خدا زوعَه کن چَمِن هنتَه کولوستارَ آرا شیوار بمَندی و چی لنگِن هنته شَپَق اَژَنه برنجی شیوارین، انترَ باتی:

یوحنا موکاشیفَه 2:8

«اِسمیرنا کلیسا فرشتَرا بِنوِس: «اَ کن اوّلَه و اَ کن آخیرَ، اَ کن مَردَ و زندَ آبَه، انترَ باتی:

یوحنا موکاشیفَه 3:1

«ساردِسی کلیسا فرشتَرا بنوِس: «اَ کن خدا هف گلَه روح و هف گلَه اِسترَ دارِ، انترَ باتی: اِشتِه کارونکا باخبَریمه. تِه اِشتِه زندَ بِه خونه سَرشناسیشَه، ولی مَردَایش.

یوحنا موکاشیفَه 3:14

«لائودیکیَه کلیسا فرشتَرا بِنوِس: «اَ کن آمین هِستَه، اَ اَمینو و حییقیَه شاهید، اَ کن خدا خیلقتی سرچشمَه یه، انترَ باتی:

یوحنا موکاشیفَه 3:7

«فیلادِلفیَه کلیسا فرشتَرا بِنوِس: «اَ کن حَقَّه و اَ کن قودّوسَه، اَ کن داوودی کلیدی بَداشتی، اَ کن آج آرَکَرد و دِ هیچ کَم نییَشا دبَستِه، و اَ کن درَبَست و هیچ کَم نییَشا آج آکَرِ، اِنتَرَ باتی: