یوحنا موکاشیفَه 19:6 - کتاب مقدس به زبان تالشي - گویش مرکزی

⁶ چَی به دوملَه سَسی کن هنته یالَه جماعَتی خَرا خِلِه سَسی شیوار، وِرَ آوون شِر شِر دَرمِه سَسی شیوار، و یالَه گِرَ خونَه سَسی شیوار بَه درَستِم، کن اَواجیَه: «هَلِلویا! اِمی خونه کن چَمه خدا، خداوند، اَ موطلقَه قادِرَخدا، سلطنت بَکَی.

کتاب مقدس به زبان تالشی شمالی

⁶ دومله ایلَه سَسی دَرَسِمَه که ایلَه یالَ جماعَتی غُلغُله سَسی شیوار بَه، و وِرَه آوون سَسی شیوار بَه، و بَرکَ گِرخونَه سَسی شیوار، که بَواتی: «هَلِلویا! چوم که خِداوند چَمَه خِدا، اَ قادر مُطلق سلطنت بَکَردی.

یوحنا موکاشیفَه 19:6 Iomraidhean Croise

مَتّی 6:13

و اَمه وَرداوَردیکا مَوَ، بَلکَم اَ آوشَریکا اَمه اَراخمون. [اِمی خونه کن، پادیشاهی، قودرَت و شکوه وجلال، تا ابد اِشتِنَه. آمین.]

یوحنا موکاشیفَه 1:15

چَی لِنگِن هنته برنجی شیوار بین کن کورَکا خالیص آبَیه و شَپَق بَژَی و چَی سَس هنته برکَه یالَه سَیلاوون سَسی شیوار اَمونیَه.

یوحنا موکاشیفَه 1:8

خداوند خدا باتی: «”الف“ و ”ی“ اَزیمَه؛ اَزیمَه اَ مطلَقه قادِر کن هِستَه و بَه و بومَیَه،

یوحنا موکاشیفَه 12:10

چِی بَه دومله برکَه لَسَّه ایی آستامونیکا درَستِمه کن اَواجیَه: «ایسَه چَمَه خدا نیجات و خِنَر و پادیشاهی، و چَی مسیح زاکینداری آرَستَیه. چون اَ کن چَمه بِراون سَردِرِ ایفترا بَژَی، کن چَمه خدا حِضوریکا شَو روج اَوون ایتهام اَژَنیَه، بِنِشون بَرَفندَ.

یوحنا موکاشیفَه 14:2

و اَز آستامونیکا سَسیم درَسته کن هنته لَیسی شِرشِری شیوار؛ و گِرَخونَه سسی شیوار بَه. اَ سَس کن اَز درَستِمه چنگ نوازون چنگ ژِ موقه سَسی اَمونییَه.

یوحنا موکاشیفَه 19:1

اِم چییون بَه دوملَه، سَسی درَستِمه کن هنته یالَه جماعَتی آستامونیکا جِکَّله اَکَرین؛ و لَسَّه اَدَرینَه: «هَلِلویا! نیجات و شکوه و جلال و زبق چَمَه خدا شِنه،

یوحنا موکاشیفَه 19:4

واَ بیستو چار گلَه پیر و اَ چار گلَه زندَ مخلوق صَفتینه برگِنِستین و خدا کن تختی سَر نِشت بَه، پرستِش کردِشونه و لَسَّه آداشون: «آمین. هَلِلویا!»

یوحنا موکاشیفَه 21:22

شهری دلَکا معبَدی نِویندِمَه، اِمی خونه کن موطلقَه قادِرَ خدا خداوند و وَرَ، چَی معبَد هِستینَه.

یوحنا موکاشیفَه 4:5

و تختی سَردِرِ گِرّی برق شَپق اَژَنی و برکَه سَسی اَدَریَه. تختی ناریکا، هف گلَه کولوستارَ مشعل بَه کن خدا هف گلَه روحینَه.

یوحنا موکاشیفَه 6:1

هَنگومی کن وَرَ، اَ هف گلَه موهری اولین موهرِش آکردَ، اَز اِشتَن ویندِمَه و درَستِم کن ایلَه اَ چار گلَه مخلوق هنته گِرّی سَسی شیوار سَس آداشَه و واتِش: «بِه»

یوحنا موکاشیفَه 8:5

چَی بَه دوملَه فرشتَه بوخوری مَنقالی پِگتشَه و و قربونَه جگا آرا کا پتلَمه آکَردِش و زَمینی سَردِرِ ویداشتِش. اَموقه گِرَ خونَه سَس بَه، و برقی کن آستامونیکا اَژَنیَه و بومَه لَرزَ آمه.