یوحنا موکاشیفَه 19:18 - کتاب مقدس به زبان تالشي - گویش مرکزی

¹⁸ تا پادیشا اِن و فرماندَ اِن و قودورون گوژدیکا بَرَ، و اَسبِن و چَوون سَریکا اِنِشون گوژدیکا، و اینسانون گِردی، چِه وزییَر ببو و یا آزاد، گِچ تا یال، چَوون گوژدیکا بَرَ.»

کتاب مقدس به زبان تالشی شمالی

¹⁸ تا شاهون و فرماندَه اون و زورمندون گوشتی بَرَه، و چَوون اَسبون و سِوار کارون گوشتی، و هَر آدَمی گوشتی، روکی نَه تا یال، نوکر و آزادی گوشتی بَرَه.»

یوحنا موکاشیفَه 19:18 Iomraidhean Croise

مَتّی 24:28

هر‌جگاکا، کن لاشه ایی ببو، لاشخورِن اَجگاکا جَم آنَّب.

انجیل لوقا 17:37

اَیِن عیسی کا دَپرسستین: «کِرَم جگارا بَبَنَه چَمَه سَروَر؟» جواب داشه: «هر‌جگاکا، کن لاشه ایی ببو، لاشخورِن اَجگاکا جَم آنَّب.»

یوحنا موکاشیفَه 11:18

میلّتِن آسرَنگَه بینَه، ولی اِشتِه غَضَّب آرَستَه، مردَ اون دیوون کردِ روج آرسته یه، واَ وقت آرسته یه کن اِشتِه پاسَرییِن، پَیغَمبَرِن، و موقدَسه آدَمِن و گردِ اَیِنی کن اِشتِه نومی حورمتی غَم هردَشونه، گِچ تا یال، پاداش آشَدا، و اَیِنی کن زَمینِشون نیفیت آکَردَ، نیفلَه آشکرد.»

یوحنا موکاشیفَه 13:16

هنتَرکِه، گِچ و یال، ثیروتمند و دَسدَریس، وزییَر و آزادَ آدَمون گِردی دیم پِناشه تا اِشتَن راستَه بالی سَریکا و یا اِشتَن پوشنو کا ایلَه نشونَه بنَن.

یوحنا موکاشیفَه 17:16

اَ اَشیا و اَ دَگلَه شاخ کن ویندِر، فاحیشَکا بیزار آنَّب. اَیِن بَی تاکَه آنَّهَشت و لوت وَر آنَدا. چَی گوژدی بَردینَه و بَی آرا دلَکا بَسوتینَه.

یوحنا موکاشیفَه 19:5

اَموقه تختیکا سَسی راست آبَه کن اَواجیَه: «چَمَه خدا ستایش بکَرَ، اَی گِردِ چَیی پاسَریی اِن، اِی کَسِنی کن بَیکا بتَرسِستیرون، گِچیکا تا یال.»

یوحنا موکاشیفَه 6:15

چَی بَه دوملَه زَمینی پادیشا اِن و یالَه آدَمِن، و فرماندارِن و پولدارِن و قودورِن، و هر وَزییَر و هر آزادَ مِردی، غارون دلَکا و کومون کازَ مَغارونکا بَشتنِشون نون آکردَ.