یوحنا موکاشیفَه 19:12 - کتاب مقدس به زبان تالشي - گویش مرکزی

¹² چَی چَمِن کولوستارَ آرا اَمونیَه و چَی کلَّکا وِرَ تاج نابَه. و ایله نوشته آبه نوم داری کن غَیراَز اَ، کَسی نَزنییَه.

کتاب مقدس به زبان تالشی شمالی

¹² چَیی چِمِن وَش گِتَه آتشی شیواری نَه و چَیی سَری کا وِرَه تاجِن نوعی نَه. و ایلَه نیویشته نوم هِستِشَه که هیچ‌کس نیمَزنِه، چَیی اِشتَن غِیراز.

یوحنا موکاشیفَه 19:12 Iomraidhean Croise

مَتّی 11:27

چمن دَدَ گردِ چیون چمن اِختیاریکا آنوعَشَه. هیچ‌ کَم زوعَه، دَدَ شیوار آنیَموست و هیچ‌ کَم دَدَ، زوعَه شیوار آنیَموست، و اَیِنی کن زوعَه بَپیستیَه، دَدَ اَوونرا دیار آکَرِ.

مَتّی 21:5

«اورشلیمی و صحیونی کلَه بواجَه، ”ایسَه پادیشا اِشتِه وَر بومَی، سَر بَه جیرَ وخَری سَر دَنِشَته یَه و کا آمِه، خَرَ کِرَ سَردِرِ دَنِشتَه یَه و کا آمِه.»

مَتّی 28:18

اَموقه عیسی نِزِک آمَه و اَیِنِش واتَه: «گردِ زاکین، آستامونیکا و زَمینی سَردِرِ چمن دَست آدوعَه آبَیَه.

انجیل لوقا 10:22

چمن دَدَ گردِ چیون چمن اِختیاریکا آنوعَشَه. غَیراَز دَدَ کَسی زوعَه آنیَموست، و کَسی دَدَ آنیَموست، غَیر اَز زوعَه و اَ آدَمِنی کن زوعَه اینتخاب بکَرِتا دَدَ چَوونرا دیار آکَرِ.»

یوحنا 17:11

اِمیکا ویشتَر اِم دِنیا کا نیمَمَند و اِشتِه وَر کایمَه آمِه، ولی اَیِن هَنوزَنی دِنیا کانه؛ اَی قودوسَه دَدَ، اَوون اِشتِه نومی خنَرینَه کن بَمن بَخشستَرَ غَم بَه، تا اَیِن نی ایلَه ببون، هَتَه کن اَمه ایلَه هستیمون.

یوحنا 17:12

تا وقتی کن اوونَّه بیمَه اَوون اِشتِه نومی خِنَرینَه کن بَمن بَخشِستِرَ غَم هَردِمَه، اَز اَوونکا موحافیظَت کَردِمَه و هیچ‌ کم اَوونکا نیفلَه آنِه بینَه، غَیرَاز اَ زوعَه ای کن چَی لیاقَت نیفلَه آبِه بَه تا اِنتَرَکِه موقدسَه نیوشتَه اِن اَنجوم ببون.

نامَه اَفسوسی کلیسارا 1:21

کن هر ریاست و زاکین و زبق و فرمانروایی ایکا کفاترَ، و هر نومیکا، چِه اِم زمونَه کا و چه آیندَکا، کفاتَرَ.

نامَه، عِبرانیه نَتاجَه مسیحیونرا 2:9

ولی اَمه اَی بَویندیمون کن تلکه زمانی فرشتَه اونکا گِچ تَر به، یعنی عیسی، کن مرگی عذابی خونه، شکوه و جلال و حورمتی تاج چَی کلَّکاشون نوعَه، تا خدا فیضی واسیطنه، مرگی مزَ گِردی خونه آچَشِه.

یوحنا موکاشیفَه 1:14

چَی ذِلفِن هنته گوسندَ پَشمَه شیوار و وَری شیوار ایسبی بَه، و چَی چَمِن هنته کولوستارَ آرا شیوار بین.

یوحنا موکاشیفَه 12:3

چَی بَه دوملَه ایلَه دییَرَ نشونَه ایی آستامونیکا اَیر آبَه: بوین، ایلَه بَرکَه سِرَ یالَه اَژدِخا کن هَف گِلَه کلَّه و دَ گلَه شاخ دارییَه و هَف گلَه تاج چَی کلَه اونکا بَه.

یوحنا موکاشیفَه 13:1

چِی بَه دومله ویندِمَه کن ایلَه اَشیا دَیراکا، کا بِرن آمِه. اَ، دَ گله شاخ و هَف گله کلَّه داری، دَ گِله تاج چَی شاخونکاشون نوعَه بَه؛ و چَی هر کَلّه سَریکا کِفرَ نومیشون نوشتَه بَه.

یوحنا موکاشیفَه 19:16

و چَی ردا و رونَه کَشیکاشون ایله نوم نوشتَه یَه: «شاهون شاه و خداوندون خداوند.»

یوحنا موکاشیفَه 3:12

هر کم پیروز آبو، بَی ایلَه سِتون چمن خدا معبدیکا آمَکرد، و دِ هرگز اَ جِگا آنییَه هَشت. چَی سَریکا اِشتَن خدا نومی و اِشتَن خدا شَهری نومی بَنوشتیمَه، یعنی تازَ اورشَلیم کن خدا طَرَفیکا و آستامونیکا اَیر آرَب، و چمن تازَ نومی چَی سَردِرِ بَنوِشتیمه.

یوحنا موکاشیفَه 6:2

اَز دَیَشتِمَه و بوین، ایلَه ایسبیَه اسب بَه! اَسبی سَر اَنِش، اِشتَن بالیکا ایلَه کمان داری و تاجی بَشون دوعَه و اَ کن پیروزینَه بِرنیرا آمَه تا فتح بکرِ.