یوحنا موکاشیفَه 18:9 - کتاب مقدس به زبان تالشي - گویش مرکزی

⁹ و زَمینی پادیشا اِن کن اَینَه زینا کردِشون و بَینَه تَجمّولاتیکا زندَگی کردِشون، چَی سیجیستِه دوو بِوینن، چَیرا بَبِرَمِستینه و بِرامِه و عازیَه بَکَن.

کتاب مقدس به زبان تالشی شمالی

⁹ و زمینی پاُتشااِن که اَیی نَه زِنا کَردِشونَه و اَیی نَه تجمّلاتی کا زندگی کَردِشونَه، وختی چَیی سیستِه دو بِوینِن، اَیی را شیوَن و زاری بَکَردین و چَیی عزا سَری کا نِشِن.

یوحنا موکاشیفَه 18:9 Iomraidhean Croise

اوّلین نامَه تیموتائوسیرا 5:11

ولی جوانَه ویوَژِنون نومی مَنوِس، چون هَتَه کن چَوون هَوا هَوَس اَوون مَسیح کا رَت آرَکَرد، بَپیشونَه شو بشون.

یوحنا موکاشیفَه 14:11

و چَوون عذابی دو تا اَبد تا ابد کفارا بَشییَه. اَیِنیرا کن اَ اَشیا و اَ موجسمَه بَپَرستین و اَیِنیرا کن چَی نومی نشونَه قبول بَکن، نِه شَویکا و نِه روجیکا نه آلاوین.»

یوحنا موکاشیفَه 17:2

اَ کن زَمینی پادیشا اِن بَینَشون زینا کردَ و زَمینی سَردِرِ اَمونِن چَی زینا شراویکا مست آبین.»

یوحنا موکاشیفَه 18:18

و وقتی آرایی کن بَی بَسوتیَه دوو بَویندین، جِکَّله بَژَن کن: «کِرَم شهر، اِم یاله شهری شیوار بَه؟

یوحنا موکاشیفَه 18:20

اَی آستامون چَیرا خَشی بکَه، اَی موقدسَه آدَمِن و رسولِن و پَیغمبَرِن، چَیرا خَشی بکرَ، اِمی خونه کن خدا شمَه قیصاصی اَیکا گتَشَه.»

یوحنا موکاشیفَه 18:3

اِمی خونه کن میلَّتِن گِرد اَ هرزَگی و هوا و هَوَسی شَراویکا هِنتِشون. و زَمینی سَردِرِ شاهِن بَینَه زینا کردِشون، و زَمینی سری تاجیرِن چَی وِرَ تجَمّولاتیکا ثیروتمند آبینَه.»

یوحنا موکاشیفَه 18:7

هه اندازَ کن بَشتَنِش شکوه و جلال دوعَشه و تجَمولاتیکا زندگی کردَشَه، هه اندازَ عذاب و عازییَه بَی بدَرَ. اِمی خونه کن اَ اِشتَن دلیکا باتیَه کن: اَز هنته ایلَه مَلَکه شیوار بَنشتیم. ”اَز ویوَ نیمَه و هرگز عازیَه نِمَکرد.“

یوحنا موکاشیفَه 19:3

و اَیِن هنی لَسَّه آداشون: «هَلِلویا! اَ یالَه شَهریکا تا ابد و تا ابد دوو راست آرَب.»

یوحنا موکاشیفَه 2:22

بوین، اَز بَی آزاری آمَکَرد و لِفو جیگاکا دمَفَند و اَیِنی کن بَینه زینا اَکَرینَه برکَه یالَه غَریکا ویلاخنِم، مَگَم اِمکن اِشتَن کردَ کارونکا توبَه بکَن.