یوحنا موکاشیفَه 18:23 - کتاب مقدس به زبان تالشي - گویش مرکزی

²³ دِ هیچ سو اَ چِرایی بَتِکا دَنییَه تاوِست، دِ هرگز بَتکا هیچ وَیو و بَگی سَس بِرِن نیام. اِمی خونه کن اِشتِه تاجیرِن زَمینی سَریکا یالَه آدَمِنی بینَه، و اِشتِه جاودو خونه قامِن گِرد گمراه آبین.

کتاب مقدس به زبان تالشی شمالی

²³ دِ هیچ چرایی نور نی بَه تِه کا دَتاوِستَه نییَب؛ دِ هیچ وَیو و زِمایی سَس بَه تِه کا دَرَسَه نییَب. چوم که اِشتِه تاجِرِن زمینی یالَ آدَمِن بینَه، و گِردِ قومِن اِشتِه جادو نَه گمراه بینَه.

یوحنا موکاشیفَه 18:23 Iomraidhean Croise

رَسولون اَعمال 8:11

آدَمِن چَی گفون گوش اَدَرین، اِمی خونِه کن خَیلی وَقت بَه اِشتَن جاودو گَرینَه، اَوون حَیرون اَکَریَه.

یوحنا موکاشیفَه 12:9

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

یوحنا موکاشیفَه 17:2

اَ کن زَمینی پادیشا اِن بَینَشون زینا کردَ و زَمینی سَردِرِ اَمونِن چَی زینا شراویکا مست آبین.»

یوحنا موکاشیفَه 17:5

و ام مرموزَ نوم چَی پوشنوکا نوشته بَه: «یاله بابل، زَمینی سَری زِشتییِن و فاحیشه اون نَنَه.»

یوحنا موکاشیفَه 18:22

چیمی بَه دومله نِه موطرِبن و نِه چنگ نوازون سَس، و نِه لَلَه و زرنا اَژَنون سَس، بَتِکا دَنینَّرَست. دِ هیچ چیلینگر و هیچ چیلینگری اِشتِه دِلَه کا پیدا آنییَب. و دِ هیچ آستاوی سَس، بَه تِه کا دَنینَّرست

یوحنا موکاشیفَه 18:3

اِمی خونه کن میلَّتِن گِرد اَ هرزَگی و هوا و هَوَسی شَراویکا هِنتِشون. و زَمینی سَردِرِ شاهِن بَینَه زینا کردِشون، و زَمینی سری تاجیرِن چَی وِرَ تجَمّولاتیکا ثیروتمند آبینَه.»

یوحنا موکاشیفَه 18:9

و زَمینی پادیشا اِن کن اَینَه زینا کردِشون و بَینَه تَجمّولاتیکا زندَگی کردِشون، چَی سیجیستِه دوو بِوینن، چَیرا بَبِرَمِستینه و بِرامِه و عازیَه بَکَن.

یوحنا موکاشیفَه 21:8

ولی تَرسو اِن و بی ایمانِن و فاسیدِن و آدَمَه کِشِن و زینا کارِن و جاودوگرِن و بُت‌ پرستِن و گِردِ درواَواجون رَسَت، کولستارَ دَیراچَه و آرا و گوگرد، بَبیَه. اِم دوومین مَرگَه.»

یوحنا موکاشیفَه 22:15

عِسبَه اِن و جاودوگرِن و بی عیفتِن و آدَمَه کِشِن و بوت پرستِن و گردِ اَیِنی کن دِرو رَی بَداشتینَه و دِروو اَنجوم دَرِن، بِرن بمندینَه.

یوحنا موکاشیفَه 22:5

و دِ شَوی نییَه. اَیِن آختاو یا چِرا نوری نَپیشونَه، اِمی خونه کن خداوند خدا چَوون نور آرَب. و اَیِن تا ابد و تا ابد سلطنَت بکَنه.

یوحنا موکاشیفَه 6:15

چَی بَه دوملَه زَمینی پادیشا اِن و یالَه آدَمِن، و فرماندارِن و پولدارِن و قودورِن، و هر وَزییَر و هر آزادَ مِردی، غارون دلَکا و کومون کازَ مَغارونکا بَشتنِشون نون آکردَ.

یوحنا موکاشیفَه 9:21

هنته نی اِشتَن آدَم کِشتِه کا و جاوودو گریکا و بی عیفتیکا و پِتارِستِکا نی توبَشون نِکردَ.