یوحنا موکاشیفَه 18:2 - کتاب مقدس به زبان تالشي - گویش مرکزی

² اَ تَتَه لَسَّنه جِکَّلَه آداشَه کن: «ویریستَه، یالَه بابل ویریستَه! اَ، پَریانون کَه جِگا آبَه یه، و هر نا پاکَه روحون مندَ جِگا اَ، و هر نا پاکَه پرَندَایی خومَه و هر نا پاکَه اَشیایی لونه یَه کن نا پاک و نیفرَت اَنگیز.

کتاب مقدس به زبان تالشی شمالی

² ایلَه خَرا خِلِع ژَندِشَه که: «ویگَردِستَه، یالَ بابِل ویگَردِستَه! اَ، دیوون جِگا بییَه! و هَر ناپاکَ ارواحی مَقَر، و هَر ناپاکَ پرنده ای خومَه و هَر وحشی یَه حَیوونی لونَه که ناپاک و نفرت انگیزَه.

یوحنا موکاشیفَه 18:2 Iomraidhean Croise

یوحنا موکاشیفَه 1:15

چَی لِنگِن هنته برنجی شیوار بین کن کورَکا خالیص آبَیه و شَپَق بَژَی و چَی سَس هنته برکَه یالَه سَیلاوون سَسی شیوار اَمونیَه.

یوحنا موکاشیفَه 10:3

و اَنه برکَه لَسَّه ایی ژِشه کن شیری نَعرَ اَمونیَه و چَی لَسَّنه اَ هَف گلَه گِرّ سَس دَرمین و گَف آرمین.

یوحنا موکاشیفَه 11:8

و چَوون مَییتِن اَ یالَه شهری دِلَه جَدَ اونکا، کن کَنایَه ژِ خونه سَدوم و مصر باتین، زَمینی سَریکا بَمندییَه؛ هه شَهری کن چَوون خداوند نی هَه جِگاکا مصلوب آبَه.

یوحنا موکاشیفَه 14:15

اَموقه دییرَ فرشتَه ایی معبدیکا بَرمَه بِرِن و خِری سَردِرِ اَنِشیش لَسَّه نَه واتَه: «اِشتَن اورَقی پِگِه و بودورن، اِمی خونه کن دورنوستِه ساعت آرَستَه یه و زَمینی اَکین، کامیل رستَه یه.»

یوحنا موکاشیفَه 14:8

و ایله دییَرَ فرشتَه یعنی دوومین فرشتَه، اَوَّلنَه فرشتَه بَه دوملَه آمَه و واتش: «ویریستَه، اَ یالَه بابل ویریستَه، اَ کن اِشتَن زیناکاری شَراویکا گِردِ میلَتِنِش هِنجامونیشَه.»

یوحنا موکاشیفَه 16:13

چَی بَه دوملَه ویندِمه، اَژدِخا گَویکا و اَشیاگَویکا و دروعَه پَیغمبری گَویکا، سِه گلَه پلیدَ روح کن هنته ورزَکی اَمونینَه بِرِن آمَه.

یوحنا موکاشیفَه 16:19

یالَه شهر سه پِسَه آبَه و میلَّتون شهرِن ویریستین. و خدا، اَ یالَه بابِلی یاد آرَفندِش و ایله شراوَ گولَه اینه کن اِشتَن غَضَّبی آرانَه کوکورو بَه بَی هِنجامونیشَه.

یوحنا موکاشیفَه 17:18

و اَ ژِن کن ویندِرَ، هَه یالَه شَهرَ کن زَمینی پادیشا اون سَردِرِ حِکومت بَکَی.»

یوحنا موکاشیفَه 17:5

و ام مرموزَ نوم چَی پوشنوکا نوشته بَه: «یاله بابل، زَمینی سَری زِشتییِن و فاحیشه اون نَنَه.»

یوحنا موکاشیفَه 18:10

اَ عذابی کن اَ کا کَشتِه تَرسیرا، دور بَمندین و باتین کن: «برامِه، برامِه، اَی یالَه شهر، اَی قودورَ شَهر، اَی بابل! اِمی خونه کن ایی ساعَتَیکا اِشتِه دیوون کردِ آمَه!»

یوحنا موکاشیفَه 18:21

چَی به دوملَه ایلَه قودورَ فرشتَه ایی، ایلَه یالَه سِه ایی کن آستاوَ سِه شیوار بَه، پِگَتِشَه و دَیراکا ویرَفندِش و واتِش: «اَ یالَه شهر، بابل، اِنتَرَ بکش بکشینه ویرَریستَه، ودِ هرگز هیچ نشونَه ایی اَیکا پَیدا آنییَب.

یوحنا موکاشیفَه 5:2

و قودورَ فرشتَه ایی ویندمَه کن تَتَّه لَسَّنه ایلام اَکَریَه: «کییَه کن موهرون چاکنستِه و طوماری آکَردِ لَیاقتی بدارِ؟»