یوحنا موکاشیفَه 17:8 - کتاب مقدس به زبان تالشي - گویش مرکزی

⁸ اَ اَشیا ویندِر کن مَند بَه، ایسَه دِ نییَه، خَیلی زوو هاویه چالیکا بِرِن آ و نیفلَه آبِرا بَشی. زَمینی سَردِرِ اَمونونکا، اَیِنی کن دِنیا خلق بِه بَه دوملَه چَوون نومی زندَگی دفتَریکاشون نوشتَه نییَه، اَ اَشیا ویندِکا حَیرون آنَّب، اِمی خونه کن اَ مَند بَه، ایسَه دِ نییَه، و بومَیَه.

کتاب مقدس به زبان تالشی شمالی

⁸ اَ وحشی یَه حَیوون که ویندِرَه اِستبَه، حِسَه دِ نییَه، هِم زودیون هاویَه چاه کا بِرون بومَی و بَشی هلاکتی طرفی را. و کسونی که زمینی سَری کا اینَه و چَوون نوم دنیا خَلق بییِه نَه دفتر حَیاتی دیلَه کا نیویشته بییَه نییَه، اَ وحشی یَه حَیوونی ویندِه کا مات بَبین، چوم که اَ اِستبَه، حِسَه نییَه، و بومَی.

یوحنا موکاشیفَه 17:8 Iomraidhean Croise

مَتّی 25:34

چی بَه دوملَه پادیشا اَیِنی کن چَی راستَ وَریکا هستنینه باتیِه: اَی کَسِنی کن چمن دَدَ شِمَش بَرَکت آدوعَشَه، بِرَ و پادیشاهی‌ایی بَه میراث بِبَرَ کن دِنیا شِرو بِه کا، شمَرا آماده آبَه بَه.

انجیل لوقا 10:20

امّااِمیکا خَش مَبَ کن روحِن شمه کا ایطاعت بَکَن، بَلکَم شمهَ خشی اِمیکا ببو کن شمهَ نومی آستامونیکا نوشتشونَه.»

انجیل لوقا 8:31

اَ پَریانِن عیساکا خاشتو خاز کَردِشونه تا دَستور مَدَ اَیِن جَندَمیرا بِشون.

یوحنا 17:24

اَی دَدَ، بَپیمه اَیِنی کن تِه بَمن بَخشستَرَ بَمنَه ببون، هَه جگاایکا کن اَز هِستیم، تا چمن جلالی دَیَسن جلالی کن تِه بَمن دوعَرَ، اِمی خونِه کن تِه دِنیا شروو بِه بَه نَ، بَمن رَی داریشَه.

رَسولون اَعمال 15:18

اِم چیی اِنِش گِذَشَتَکا دیار آکَردَشه.“

نامَه اَفسوسی کلیسارا 1:4

اِمی خونه کن دِنیا خلق بِه بَه نَه، اَمَش چَی دلَکا اینتخاب کردِش تا چَی حِضوریکا بی عَیب و موقدَّس ببَم، و موحبَتیکا

نامَه تیتوسیرا 1:2

اِم حَییقت زَیرونه زندَگی اومیدینه یَه کن خدایی کن هرگز دِرو نیَدا، اَولیکا اَش اَمه وَعدَ دوعَیه

پطروسی اوّلین نامَه 1:20

اَ کن دِنیا خَلق بِه، بَه نَه تَیین آبَه بَه، ولی اِم آخیرَ زمانونکا شِمَرا اَیر آبه.

یوحنا موکاشیفَه 11:7

هنته کن اَیِن اِشتَن شاهیدی تَمون آکَن، اَ اَشیا کن هاویَه چالیکا بِرِن آ، اَوونَّه بَجنگِستی و چَوون سَردِرِ پیروز بَبی و اَوون بَکِشتیَه.

یوحنا موکاشیفَه 17:11

اَ اَشیا کن مند بَه و ایسَه دِ نییَه، هَشتومین پادیشا اَ. اَ، هَه هَف گله شِنَه و نیفلَه آبِه را بَشیَه.

یوحنا موکاشیفَه 17:2

اَ کن زَمینی پادیشا اِن بَینَشون زینا کردَ و زَمینی سَردِرِ اَمونِن چَی زینا شراویکا مست آبین.»

یوحنا موکاشیفَه 20:10

و اِبلیسِش، کن اَیِنِش گول ژَ به، هه جِگا ایرا کن اَ اَشیا و دِروعَه پَیغَمبریشون ویرفندَ به، دَیراچَه ایکا کن آرا گوگِردینَه پَتلمَه به ویرَفندِشون، اَیِن تا ابد تا ابد عذاب بَکشتینه.

یوحنا موکاشیفَه 20:12

مردَ اون، چِه یال و چِه گِچ، ویندِمَه کن اَ تختی نَکا پا مَندبین. و دفتَرِن آج آبین. چَی به دومله ایلَه دییَرَ دفتَری نی آج آبَه کن زندَگی دفتَر بَه. مَردَاِن اَ چیینی کن دفتَرونکا نوشته بَه، اِشتَن کردَ کارون طبق دیوون آبین.

یوحنا موکاشیفَه 20:15

و هر کَمی کن چَی نوم زندَگی دَفتَریکاشون نوشتَه نِبَه، آرا گته دَیراچَه کاشون ویرَفندَ.

یوحنا موکاشیفَه 3:10

اِمی خونه کن تِه چمن کلام کن آمبَست گیری خونِه اَ، غَمِر هردَیَه، اَز نی وَرداورد بِه ساعَتیکا، اَ ساعت کن گردِ دِنیا کا بومیَه تا زَمینی سَردِرِ آدَمون وَرداورد بکرِ، بَتِه غَم بَردیمه.

یوحنا موکاشیفَه 3:5

هر کَم پیروز آبو، هنتَرَ، ایسبیَه شندِر دَرَکرد و اَز هرگز چَوون نومی زندَگی دَفتریکا پاکییَه آنِمَکرد، و چمن دَدَ و چَی فرشتَه اون حِضوریکا چَی نومی خِلِه بَکَم.