یوحنا موکاشیفَه 17:3 - کتاب مقدس به زبان تالشي - گویش مرکزی

³ اَ فرشتَه بَمِنِش خداروح نَه ایلَه وَیاوونیرا بردِش. اَ جِگاکا ایلَه ژِن کن ایلَه سِرَ اَشیا سَریکا نشت بَه و اَ اَشیا تَنیکا کِفرَ نومینَه پَتلمَه بَه و هف گلَه کَلَّه و دَ گِلَه شاخ دارییَه، ویندِمَه.

کتاب مقدس به زبان تالشی شمالی

³ اَ ملائیکه مِن خِدا روح کا بَردِشَه ایلَه ویاوونی را. اوآ کا ایلَه ژِنی ویندِمَه که ایلَه سِرَه وحشی یَه حَیوونی کولی سَری کا نِشت بَه، اَ حَیوونی بَدَن کُفر آمیزَه نومون نَه پوشوندَه بییَه بَه، و هفت گِله سَر و دَه گِله شاخ داری.

یوحنا موکاشیفَه 17:3 Iomraidhean Croise

مَتّی 27:28

اَیِن عیساشون لوت آکَردَ و اَرغَوانیَه ردایی بَی پوشام نیشون.

رَسولون اَعمال 8:39

وَقتی آویکا بِرِن بَرمین، ایکَرَ ایی خداوندی روح فیلیپوسیش پِگَتَه و بَردِش و خواجَه دِ اَی نِویندِشَه، ولی خَشینَه اِشتَن راه را شَه.

دوّمین نامَه تَسالونیکی کلیسا را 2:4

اَ هر چیی اینه کن بَی خدا خلِه بکَنه و بَی پرستش بکَن، زِرَبَرا را راست آرَب و بَشتن کَفاتَر بَموستی، تا اَجِگایی کن خدا معبدیکا بنِشتی و اییلام بَکَی کن اِشتَن خدا اَ.

یوحنا موکاشیفَه 1:10

خداوندی روجیکا، خدا روحکا پتلمه آبیم، و تَتَّه لسَه ایی کن هنته زِرنا سَسی شیوار بَه، پِشت آکَریکا درَستِم

یوحنا موکاشیفَه 12:14

ولی اَ یالَه عوقابی دِ گِلَه بالی اَ ژِنِشون دوعَه تا اَ جگا ایرا کن وَیاوونیکا چَیرا آمادَ اَکَردشون بَه پر بیگِرِ و اَ جِگاکا اَ نلَتیکا دوور ببو، و ایی زمانی و زَمانِنی و نیمَه زمانی بَی غَم بَرِن.

یوحنا موکاشیفَه 12:3

چَی بَه دوملَه ایلَه دییَرَ نشونَه ایی آستامونیکا اَیر آبَه: بوین، ایلَه بَرکَه سِرَ یالَه اَژدِخا کن هَف گِلَه کلَّه و دَ گلَه شاخ دارییَه و هَف گلَه تاج چَی کلَه اونکا بَه.

یوحنا موکاشیفَه 12:6

و اَ ژِن وَیاوونیرا، اَ جِگا ایرا کن خدا چَیرا آمادَ آکَردَش بَه ویریتَه، تا اَجِگا دلَکا هَزارو دِویستو شِصت روج، بَی غَم بَرِن.

یوحنا موکاشیفَه 17:18

و اَ ژِن کن ویندِرَ، هَه یالَه شَهرَ کن زَمینی پادیشا اون سَردِرِ حِکومت بَکَی.»

یوحنا موکاشیفَه 17:4

و اَ ژِن سِرَ اَرغوانییَه شندِریش دَکردَ بَه و طِلِه و جواهیر و مِرواریدینه خاص آبَه به، و ایلَه طِلِه اینَه قدرَ ایی کن چَی زینا ناپاکیونکا و زشتیونکا پتلَمه بَه اِشتَنَه پِرِش بَه.

یوحنا موکاشیفَه 18:12

یعنی چَوون طِلِه و نِقرَ و جواهیرات و مِرواریدون بار؛ چَوون سِرَ اَرغوانیَه ابریشَم و گِرونَه پارچَه اون بار؛ موختلیفه عَطرینَه چوو اِن و موختلیفه غَبون بار، و موختلیفه عاجِن و موختلیفَه گِرونَه چو اَ غَبِن و چَوون مِس و آسون و مَرمَرینَه بار؛

یوحنا موکاشیفَه 18:16

باتینه کن: «برامِه، برامه، اَی یالَه شهر، کن سِرَ اَرغوانی و نازِکه پارچَه اون دَرَکَریشه، طِلِه و جواهیر و مِرواریدینه خاص آرَبیشه!

یوحنا موکاشیفَه 21:10

و اَ، بَمِنِش خدا روح دلَکا یالَه برزَ کوهی تِکیرا بردِشه و موقدسَه شهر اورشَلیمیش بَمن آمونِستِش کن خدا وَریکا آستامونیکا کایبَه ویرمِه.

یوحنا موکاشیفَه 4:2

جَخت خدا روح بَمِنش پتلمه آکردَ و آستامونیکا ایلَه تخت ویندمَه کن ایی نفر چَی سَریکا نشت بَه.