یوحنا موکاشیفَه 16:10 - کتاب مقدس به زبان تالشي - گویش مرکزی

¹⁰ پِنجومین فرشتَه اِشتَن قدرَش اَ اَشیا تَختی سَردِرِ ویکردِش و ظلَمات چَی پادیشاهیی ولَتی گَتِشه. آدَمِن برکَه وِرَ داجی خونه اِشتَن زونو گاز اَگِرینَه.

کتاب مقدس به زبان تالشی شمالی

¹⁰ پنجمین ملائیکه اِشتَن قَدَرَه اَ وحشی یَه حَیوونی تختی سَری کا ویکَردِشَه و چَیی پاُتشایی مملیکتی ظُلمات گِتِشَه. آدَمِن هِندی داج دارین که، اِشتَن زَوونی گاز بَگتین.

یوحنا موکاشیفَه 16:10 Iomraidhean Croise

مَتّی 13:42

و اَوون آتَشَه کورَ کا دَنَّفَند، جگایی کن بِرَمِستِه و گاز گازی سَر فِرچین دوعه بَبیَه.

مَتّی 13:50

واَوون آتَشَه کورَ کا دَنَّفَند، جگایی کن بِرَمِستِه و گاز گازی سَر فرچین دوعِه بَبیَه.»

مَتّی 22:13

اَموقه پادیشا اِشتَن پاسَریِون واتِشَه: چَی بالی ولِنگون دَبسته و بَی بِرِنی ظِلَماتیکا بَرفنه، جگایی کن بِرَمستِه و گاز گازی سَر سونیستِه بَبیَه.“

مَتّی 24:51

و بَی وَصَطیکا پِرَزارنست، و دِ سَرَ کَرچَنگون جِگاکا آرَفند، جگایی کن بِرَمِستِه و گاز گازی سَرسونیستِه بَبیَه.

مَتّی 8:12

ولی اِم پادیشاهیِ خردَنون بِرِنی ظِلَماتیکا دَنَّفَند، جگایی کن بِرَمِه و گازون یَندِ سَر بَسونوستیرون.»

انجیل لوقا 13:28

اَموقه ای کن ابراهیم پَیغَمبَر، اسحاق، یعقوب و گِردِ پَیغَمبَرون، خدا پادیشاهی دِلَکا بِوینَه، ولی بوینَه کن شِمَشون اَ جِگاکا بِرون بَرفَندَیَه، بَبِرَمِستیرون و اِشتَن گازون یَندِ سَر بَسونوستیرون.

پطروسی اوّلین نامَه 2:17

گِردی حورمَتی غَم بَرَ، برا اون موحبت بکَرَ، خدا ترس ببَه. پادیشا ایحترام بنَرَ.

یوحنا موکاشیفَه 11:10

اَیِنی کن زَمینیکا بمَندین چَوون مَردِ خونه خَشی بَکنَه و جشن بگَتین و یندِرا خَلا رونَه بکَن؛ اِمی خونه کن اَ دِ گلَه پیغمبَر، زَمینی سری اَمونون عَذابِشون دوعَه به.

یوحنا موکاشیفَه 11:2

ولی بِرنی سِرا نَه کاریر مَبو و اَی اندازَ مَژَن، اِمی خونه کن اَ جِگاشون میلتون دست آدوعَشونه و اَیِن موقدسَه شهری چِلو دِ ماه پا پِکو بَکنَه.

یوحنا موکاشیفَه 11:8

و چَوون مَییتِن اَ یالَه شهری دِلَه جَدَ اونکا، کن کَنایَه ژِ خونه سَدوم و مصر باتین، زَمینی سَریکا بَمندییَه؛ هه شَهری کن چَوون خداوند نی هَه جِگاکا مصلوب آبَه.

یوحنا موکاشیفَه 17:17

اِمی خونه کن خدا چَوون دِلیکاش نوعَیَه کن چَی خواستَه اَنجوم بدَرِن و هم فکر ببون، و تا اِشتَن پادیشا ایی قودرتی اَ اَشیا دَست آدَرن، تا خدا کلام اَنجوم ببو.

یوحنا موکاشیفَه 17:9

«اِم اَلمندَ عقلی بَپیشَه. اَ هف گِلَه کلَّه، هف گلَه کوهینَه کن اَ ژِن چَوون سَریکا نِشته.

یوحنا موکاشیفَه 18:2

اَ تَتَه لَسَّنه جِکَّلَه آداشَه کن: «ویریستَه، یالَه بابل ویریستَه! اَ، پَریانون کَه جِگا آبَه یه، و هر نا پاکَه روحون مندَ جِگا اَ، و هر نا پاکَه پرَندَایی خومَه و هر نا پاکَه اَشیایی لونه یَه کن نا پاک و نیفرَت اَنگیز.

یوحنا موکاشیفَه 18:21

چَی به دوملَه ایلَه قودورَ فرشتَه ایی، ایلَه یالَه سِه ایی کن آستاوَ سِه شیوار بَه، پِگَتِشَه و دَیراکا ویرَفندِش و واتِش: «اَ یالَه شهر، بابل، اِنتَرَ بکش بکشینه ویرَریستَه، ودِ هرگز هیچ نشونَه ایی اَیکا پَیدا آنییَب.

یوحنا موکاشیفَه 18:23

دِ هیچ سو اَ چِرایی بَتِکا دَنییَه تاوِست، دِ هرگز بَتکا هیچ وَیو و بَگی سَس بِرِن نیام. اِمی خونه کن اِشتِه تاجیرِن زَمینی سَریکا یالَه آدَمِنی بینَه، و اِشتِه جاودو خونه قامِن گِرد گمراه آبین.

یوحنا موکاشیفَه 8:12

چارومین فرشتَه اِشتَن زرناش فو دَکَردَ، و آختاوی یَک سووم، و مانگی یَک سووم و اِسترَ اون یَک سووم، ضربَه گنِستینَه، اَنَه کن چَوون نوری یَک سووم تاریک آبَه. و روجی یَک سووم بی نور مندَ و شَوی یَک سووم نی هَتَه آبَه.

یوحنا موکاشیفَه 9:2

اَ فرشتَه هاویَه چالی بَرَنگاش آج آکَردَ. اَ چالیکا چیی ایی هنته یالَه کوورَ دوو شیوار راست آبه، و آختاو و هوا، اَ چالی دوکا سیا ویبین.