یوحنا موکاشیفَه 15:7 - کتاب مقدس به زبان تالشي - گویش مرکزی

⁷ و ایلَه اَ چار گلَه زندَ مخلوقیکا، هف گلَه طلِه اینَه قَدرَش، کن خدا غَضَّبیکا کوکورو بَه اَ هف گلَه فرشتَش دوعَه، خدایی کن تا ابد و تا ابد زندَیه.

کتاب مقدس به زبان تالشی شمالی

⁷ و ایلَه اَ چار گِله مخلوق زِندَه کا، هفت گِله طِلایی یَه قَدَرَه که خِدا غَضبی کا پُور بَه، آدوشَه اَ هفت گِله ملائیکه، خِدایی که تا اَبَد و تا اَبَد زِندَه یَه.

یوحنا موکاشیفَه 15:7 Iomraidhean Croise

اوّلین نامَه تَسالونیکی کلیسا را 1:9

اِمی خونه کن اَیِن اِشتَن شمه چاکَه ایستقبال کن اَمَکا کردِرون گَف بژَن، و اِمکن چنترَ بوتون آهَشتِرون، خدا طرف آگَردِستِرون تا حَییقیو و زندَ خدا خیدمت بکرَ

یوحنا موکاشیفَه 1:18

اَز، کن زندَایمَه. مَردَ بیم، ولی ایسَه دیَس زیرون زندَایمه و مَردِ و مردَ اون دِنیا اَچَرِن بَمِنکارَ.

یوحنا موکاشیفَه 10:6

و اَیرا کن تا ابد تا ابد زندَیَه و آستامون و گِردِ چیی اِنی کن چَی دلَکارَ و زمین و هر چیی ایی کن چَی سَریکارَ و دَیرا و هر چیی ایی کن چَی دلَکارَ، خَلقِش کردَیه، چَیرا قَسمِش هَردَ واتِش: «دِ بیمیکا ویشتَر عَری دَنییَگِنِست.

یوحنا موکاشیفَه 14:10

اَ آدَم نی خدا آسرَنگِستِه شَراویکا کن ایسَه پور مایَه و خالیصه و چَی غَضَّبی قَدرَکاشون ویکردَیه، بِنتییَه. اَ، موقدسَه فرشتَه اون وریکا و وَرَ حِضوریکا، آرا گتَه گوگِردینَه عذاب بَکشتیَه.

یوحنا موکاشیفَه 15:1

اَموقه ایلَه بَرکَه یالَه عَجیبَه دییَرَ نشونَه ایی آستامونیکام ویندَ، هف گلَه فرشتَه بَه کن اَوونَّه هف گلَه غَر دَرِ بَه، اَیِن آخِرین غَرِّن بینَه، اِمی خاطر کن اَوونَّه خدا غَضَّب تَمون آرَبیَه.

یوحنا موکاشیفَه 16:2

پس اَولین فرشتَه شَه واِشتَن قدرَش زَمینی سَردِرِ ویکردِش، اَیِنی کن اَ اَشیا نشونَه اِشتَنکا دارین و چَی موجسمَه اَپَرستینَه جندَکیکا، برکَه زشت و داج اَدَرَ زَمِنی اَیر آبَه.

یوحنا موکاشیفَه 17:1

چَی بَه دوملَه ایلَه اَ هف گلَه فرشتَکا کن اَ هف گلَه قدرَ دارین، نَه آمَه و بَمِنِش واتَه: «بِه تا اَ یالَه فاحیشَه سَر دیوون کردِ کن وِرَ آوون سَردِرِ نشتَیَه بَتِه آمونم.

یوحنا موکاشیفَه 21:9

چَی بَه دوملَه ایلَه اَ هَف گلَه فرشتَکا کن هَف گلَه پَتلَمه قَدرَ، هف گلَه آخِرَ غَرّیکا دارینَه، آمه و بَمِنش واته: «بِه! اَز وَیو، یعنی وَرَ ژِنی بَتِه آمونِم.»

یوحنا موکاشیفَه 4:10

اَ بیستو چار گله پیر اَ تختی سَر اَنِشی ناریکا خاکی سَر اَگِنینن و اَ کن تا ابد تا ابد زندَیه پرستش اَکَرین و اِشتَن تاجی چَی تختی نَکا اَنَرین و اَواجین:

یوحنا موکاشیفَه 5:8

طوماری ویگَتِه بَه دوملَه، اَ چار گلَه زندَ مخلوق و بیستو چار گلَه پیر، اَ وَرَ پا بنیکا، خاکی سَر بَرگنستین. اَیِن هر کِرَم اِشتَن بالیکا ایلَه سازچنگ و طلِه اینَه گولَه اِنی دارین، کن بوخوریکا کن هه موقدسَه آدَمون دِوا بَه، پَتلمَه به.