یوحنا موکاشیفَه 15:2 - کتاب مقدس به زبان تالشي - گویش مرکزی

² و چیی ایی ویندِم کن هنته شیشَه اینَه دَیرا اَمونیَه کن آرانَه یَندِ گنِستَه ببو، و کَسِنی شیشَه اینه دَیرا وَریکا پامَندَکَر ویندِم کن اَ اَشیا و چَی موجسمَه سَر و چَی نومی شومارَ سَردِرِ پیروز آبَه بینَه. اَیِن اِشتَنَه چَنگَه سازِنی دارین کن خدا اَیِنِش دوعَه بَه.

کتاب مقدس به زبان تالشی شمالی

² و ایی چیی ویندِمَه که شیشَه ای یَه دریا شیوار بَه که آتشی نَه قاطی آبَه بَه، و هَم کسونی ویندِمَه که شیشَه ای یَه دریا وَری کا مَند بینَه و اَ وحشی یَه حَیوون و چَیی مجسمه و چَیی نومی شماره سَر پیروز بَه بینَه و خِدا چَنگَه سازِن چَوون دَسی کا بَه.

یوحنا موکاشیفَه 15:2 Iomraidhean Croise

مَتّی 3:11

«اَز بَشمَه توبَه کَردِرا، آوینَه تعمید دَرِم؛ اَمّا اَ کن چمن دوملَه بومَیَه بَمنکا قودور تَرَ، اَز چَی پاغَبون پِگَته لَیاقتی نِدارِم، اَ بَشمَه خدا موقَدَسه روح و آرا نَه تعمید آرَدا.

پطروسی اوّلین نامَه 1:7

تا شمَه ایمانی ایصالَت وَرداوَردیکا ثابیت ببو و عیسی مَسیح ظهور کَردِ روجیرا، ستایش و شکوه جلال و ایحترامی باعیث ببو، هَه ایمان کن طِلِه کا برک با ارزشتَرَ، هر چَنه کن نیفیت آرَبن، ولی آرا نَه وَرداوَرد بَبی.

پطروسی اوّلین نامَه 4:12

اَی خاجَتیِن، آرا ایکا کن شمَه وَرداوَرد کردِ خونه شمه دِلَکا دَرَگِنست، حَیرون آنِبَه، هنتَه کن عجیبه چیی ایی شمَه سَر آمه یَه.

یوحنا موکاشیفَه 12:11

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

یوحنا موکاشیفَه 13:1

چِی بَه دومله ویندِمَه کن ایلَه اَشیا دَیراکا، کا بِرن آمِه. اَ، دَ گله شاخ و هَف گله کلَّه داری، دَ گِله تاج چَی شاخونکاشون نوعَه بَه؛ و چَی هر کَلّه سَریکا کِفرَ نومیشون نوشتَه بَه.

یوحنا موکاشیفَه 13:14

اَ نشونَه اِن و موعجیزَ اِنی کن اَ اَوّلنَه اَشیا نومینَه ایجازَ داری اَیر آکَردِ خونه، زَمینی آدَمون گول ژِشَه و اَیِنِش واته تا اَ اَشیا کا موجسمَه سِی آکَرِن کن شمشیرینه یَرَ آبَه بَه، ولی اِم حالینه زِندَ مَندَ بَه.

یوحنا موکاشیفَه 13:17

تا هیچ کَم مَشا بی اَ نشونَه کاسبی بکرِ غَیر ازاَ کن اَ نشونه، یعنی اَ اَشیا نومی یا چَی نومی شومارَ بدارِ.

یوحنا موکاشیفَه 21:18

شهری دیوار یشمیکا سی آبَه بَه، و شهر خالیصَه طِلِکا سی آبَه بَه و هنته شیشَه شیوار شفاف بَه.

یوحنا موکاشیفَه 4:6

و تختی نَکا، چیی ایی به کن هنته شیشَه اینَه دَیرا اَمونیَه، بلوری شیوار. اَ مینَکا، تختی چار گوشه و دووریکا، چار گلَه زندَ مَخلوق بینَه کن چَوون تن هر طَرَفیکا، چَوون نار و پِشت چَمینَه پتلمَه بَه.

یوحنا موکاشیفَه 5:8

طوماری ویگَتِه بَه دوملَه، اَ چار گلَه زندَ مخلوق و بیستو چار گلَه پیر، اَ وَرَ پا بنیکا، خاکی سَر بَرگنستین. اَیِن هر کِرَم اِشتَن بالیکا ایلَه سازچنگ و طلِه اینَه گولَه اِنی دارین، کن بوخوریکا کن هه موقدسَه آدَمون دِوا بَه، پَتلمَه به.