یوحنا موکاشیفَه 15:1 - کتاب مقدس به زبان تالشي - گویش مرکزی

¹ اَموقه ایلَه بَرکَه یالَه عَجیبَه دییَرَ نشونَه ایی آستامونیکام ویندَ، هف گلَه فرشتَه بَه کن اَوونَّه هف گلَه غَر دَرِ بَه، اَیِن آخِرین غَرِّن بینَه، اِمی خاطر کن اَوونَّه خدا غَضَّب تَمون آرَبیَه.

کتاب مقدس به زبان تالشی شمالی

¹ اَ موقع ایلَه دییَر یال و عجیبَ علامتی آسمونی کا ویندِمَه، هفت گِله ملائیکه که هفت گِله بَلا چَوون همراه بَه، اَوِن آخِرین بَلاان اینَه، چوم که اَوون نَه خِدا غَضب تمون آبو.

یوحنا موکاشیفَه 15:1 Iomraidhean Croise

یوحنا موکاشیفَه 10:3

و اَنه برکَه لَسَّه ایی ژِشه کن شیری نَعرَ اَمونیَه و چَی لَسَّنه اَ هَف گلَه گِرّ سَس دَرمین و گَف آرمین.

یوحنا موکاشیفَه 11:14

دِوومین «بِرامِه» گذَشته. بوین، سوومین «بِرامِه» خَیلی زو پی با.

یوحنا موکاشیفَه 14:10

اَ آدَم نی خدا آسرَنگِستِه شَراویکا کن ایسَه پور مایَه و خالیصه و چَی غَضَّبی قَدرَکاشون ویکردَیه، بِنتییَه. اَ، موقدسَه فرشتَه اون وریکا و وَرَ حِضوریکا، آرا گتَه گوگِردینَه عذاب بَکشتیَه.

یوحنا موکاشیفَه 14:19

پس اَ فرشتَه اِشتَن اورَقی زَمینی سَردِرِ گاردانِستِش و زَمینی اَنگِرون گِرد آکَردِشَه وشراوی یاله حووضیکا کن خدا غضَّب بَه ویکردِش.

یوحنا موکاشیفَه 16:1

چِی بَه دوملَه تَتَه لَسَّه ایی معبدیکا دَرَستِم کن اَ هف گلَه فرشتَه اَواجیَه: «بشَه و خدا غَضَبی هف گلَه قدَرَ، زَمینی سَردِرِ ویکرَ.»

یوحنا موکاشیفَه 17:1

چَی بَه دوملَه ایلَه اَ هف گلَه فرشتَکا کن اَ هف گلَه قدرَ دارین، نَه آمَه و بَمِنِش واتَه: «بِه تا اَ یالَه فاحیشَه سَر دیوون کردِ کن وِرَ آوون سَردِرِ نشتَیَه بَتِه آمونم.

یوحنا موکاشیفَه 19:15

و تیرینجَه شمشیری چَی گَویکا بِرِن آی، تا بَینه میلّتون بژنه. «آسونَه چَلیکینَه چَوون سَر حِکومت بَکَیه.» اَ، موطلقَه قادِرَ خدا قَضَّب و غرَصی اَنگِری، شراوَ حووضیکا پا پِکو بَکی.

یوحنا موکاشیفَه 21:9

چَی بَه دوملَه ایلَه اَ هَف گلَه فرشتَکا کن هَف گلَه پَتلَمه قَدرَ، هف گلَه آخِرَ غَرّیکا دارینَه، آمه و بَمِنش واته: «بِه! اَز وَیو، یعنی وَرَ ژِنی بَتِه آمونِم.»

یوحنا موکاشیفَه 8:13

چَی به دومله دیَشتِم، و درَستِم ایلَه عوقاب هَته کن آستامونیکا کایبَه پَر گَتِه، لَسَّنه سَس آداشَه: «بِرامِه، بِرامِه، بِرامِه زَمینی سری آدَمون حالیرا، اِمی خونه کن دِ چی ایی نِمندَیه اَ سه گلَه فرشتَه اون زِرنا سَس، راست آبو.»

یوحنا موکاشیفَه 8:2

اَموقه، اَ هَف گلَه فرشتَم ویندَ کن خدا حِضوریکا پا مندین، و اَوون هف گلَه زِرناشون دوعَه.

یوحنا موکاشیفَه 8:6

اَموقه اَ هَف گلَه فرشتَه کن اَ هف گلَه زرنا دارینَه، حاضیر آبین تا اَوون سس دَروَرِن.

یوحنا موکاشیفَه 9:20

اَیِنی کن اِم سِه گله غَرّونکا نیفلَه آبَه نِبین، نِه اِشتَن بالی کردَ کارونکاشون توبَه کردَ. نِه پَریانون پرستش کردِکا دست پِگَتِشون و نِه طِلِه این و نِقرَ این و برنجیی و سِه و چوو اَ بوتون پرستش کردِکا کن نِه بَویندین و نِه بَشان دَرَستِه و نِه پیردِ بَشان.