یوحنا موکاشیفَه 14:7 - کتاب مقدس به زبان تالشي - گویش مرکزی

⁷ اَ تَتَّه لَسَّنه واتِش: «خداکا بتَرسَه بَی شکوه و جَلال بدَرَ، اِمی خونه کن چَی دیوون کَردِ ساعت آرَستَیَه. اَ کن آستامونِن و زمین و دَیرا و خونییِنِش خَلق کردَیَه پرستش بکَرَ.»

کتاب مقدس به زبان تالشی شمالی

⁷ و اَ ایلَه بِلندَه خِلِع نَه واتِشه: «خِدا کا بِتَرسَه و اَئی جلال بِدییَه، چوم که چَیی داوری یَه ساعت آرَستَه. اَئی پرستش بِکَرَه، اَیی که آسمون و زمین و دریا و آوی خانیون خَلق کَردِشَه.»

یوحنا موکاشیفَه 14:7 Iomraidhean Croise

مَتّی 25:13

پس حواسِرون ببو، اِمی خونه کن اَ روج و ساعتیکا خبرِرون نیَه.

انجیل لوقا 17:18

غَیرِ اِم خَلک، هیچ کَسی پَیدا آنِبَه تا آگَردِ و خدا ستایش بکَرِ؟»

رَسولون اَعمال 14:15

«اَی مِردِن چیرا اِنتَرَ بَکَرون؟ اَمه نی شِمَه شیوار، اینسانیمون. اَمه بَشِمَه خَشَه خَبَری آدرَم کن اِنتَرَ دَدارَ چییونکا دَس پِگِرَ و زندَ خدا کا، کن آستامون و زمین و دَیرا و هَر چیی کن چَوون دِلَکارَ، خَلقِش کردَیَه، ایمان بوعرَ.

پطروسی اوّلین نامَه 4:7

گِردِ چییون آخیر نِزِکه؛ پس اِشتَن دِوا اون خونه هوش ببَه و اِشتَن نفسی ناری بیگِرَ.

یوحنا موکاشیفَه 11:13

جَخت هَه ساعَتیکا، بَرکه یالَه بومَه لَرزَ ایی آمَه و شَهری یَک دَهوم ویریستَه و هف هیزار نفر اَ بومَه لَرزَ کا مَردین و اَمونِن بَرک ترسِستین و آستامونون خِداشون شکوه جلال دوعَه.

یوحنا موکاشیفَه 11:18

میلّتِن آسرَنگَه بینَه، ولی اِشتِه غَضَّب آرَستَه، مردَ اون دیوون کردِ روج آرسته یه، واَ وقت آرسته یه کن اِشتِه پاسَرییِن، پَیغَمبَرِن، و موقدَسه آدَمِن و گردِ اَیِنی کن اِشتِه نومی حورمتی غَم هردَشونه، گِچ تا یال، پاداش آشَدا، و اَیِنی کن زَمینِشون نیفیت آکَردَ، نیفلَه آشکرد.»

یوحنا موکاشیفَه 15:4

اَی خداوند، کییَه کن بَتِکا متَرسِه، و اِشتِه نومی شکوه و جلال آنِدَرِ؟ اِمی خونه کن تِه، تاکَه تِه قدّوسیشَه. میلَّتن گِرد بومَنه و اِشتِه حِضوریکا بَتِه پرستش بَکَن اِمی خونه کن اِشتِه عادیلانَه کارِن دیار آبَه اینَه.»

یوحنا موکاشیفَه 16:9

و آدَمِن وِرَ گرما خونه سیجیستین و خدا نومِشون کن اِم غَرّون خِنَری داری، لَنَت کَردِشون. اَیِن توبَشون نِکردَ و اَشون شکوه جلال نِدوعَه.

یوحنا موکاشیفَه 18:10

اَ عذابی کن اَ کا کَشتِه تَرسیرا، دور بَمندین و باتین کن: «برامِه، برامِه، اَی یالَه شهر، اَی قودورَ شَهر، اَی بابل! اِمی خونه کن ایی ساعَتَیکا اِشتِه دیوون کردِ آمَه!»

یوحنا موکاشیفَه 18:17

اِمی خونه کن ایی ساعتیرا اِشتِه دارایی هیچ آبَه.» و ناخودا اِن و دیرا نوردِن و ملَوانِن و گِردِ اَیِنی کن چَوون کاسبی دَیرا کارینَه بَه، دوریکا پا بمندین.

یوحنا موکاشیفَه 18:19

و اِشتَن کَلَّکا خاک دنَّکرد و برامِه بَکَن و عازیه نَه جکَّلَه بَژَن کن: «برامِه، برامِه، اَ یالَه شهریرا، اَ شهر کن گردِ کَشتی دارِن، چَی ثیروتیکا پولدار آبین، اِمی خونه کن اَ، ایی ساعَتَه ویریستَه!

یوحنا موکاشیفَه 19:5

اَموقه تختیکا سَسی راست آبَه کن اَواجیَه: «چَمَه خدا ستایش بکَرَ، اَی گِردِ چَیی پاسَریی اِن، اِی کَسِنی کن بَیکا بتَرسِستیرون، گِچیکا تا یال.»

یوحنا موکاشیفَه 4:11

«اَی چَمَه خداوند، و چَمَه خدا، تِه شکوه و جلال و حورمت و خِنَری تقدیم بِه لایِقیشَه، اِمی خونه کن گردِ چییون خلق اَکَر تِه ایشَه و اِشتِه خواستنَه گردِ چییِن بوجود آمَه و خلق بین.»

یوحنا موکاشیفَه 4:9

هر موقه کن اَ زندَ مخلوقِن، اَ تختی سَر اَنِشیرا، اَکَن تا ابد و تا ابد زندَیَه، شکوه و جلال و حورمت و شکر تقدیم اَکَرین،

یوحنا موکاشیفَه 8:10

سوومین فرشتَه اِشتَن زرناش فو دَکَردَ، و یالَه اِسترَ ایی هنته کولوستارَ مشعلی شیوار آستامونیکا، یَک سِوومه رِباررِن و خونیون سَردِرِ ویگنِستَه.