یوحنا موکاشیفَه 14:5 - کتاب مقدس به زبان تالشي - گویش مرکزی

⁵ چَوون گَویکا هیچ دِرویی پَیدا آنیَبِن. اِمی خونه کن اَیِن بی عَیبینَه.

کتاب مقدس به زبان تالشی شمالی

⁵ و هیچ دروعی چَوون گَ کا پیدا نِبَه چوم که اَوِن بی عیبی نَه.

یوحنا موکاشیفَه 14:5 Iomraidhean Croise

مَتّی 12:34

ای آوشَرِن، شمه کن آوشَریرون، چِنتَر بَشارون چاکَه گَف بِواجَه؟ اِمی خونه کن زون اَچیی ایکا گَف بَژَیَه کن دل اَیکا پَتلَمَیَه.

انجیل لوقا 23:4

چَی به دوملَه پیلاتُس سران کاهینِن کن معبدی عالِم بینه و جَماعَتیش واتَه: «اَز هیچ خَطایی اِم مِردی مَحکوم کَردِرا نِمَویند.»

یوحنا 1:47

وَقتی کن عیسی ویندِشَه نَتَنائیل چَی طَرَف کا آمِه، چَی خونه واتش: «دَیسَه اِم ایله شخصی خدا قامیکا کن حَییقتا بَیکا هیچ حیلَه ایی نییَه!»

نامَه اَفسوسی کلیسارا 5:27

تا اَ شکوهینَه کن کلیسا بَداشتی، بیدونه هیچ لَک و چین و نقصی ، بَسکم موقدَّس و بی عَیب ببو، اِشتَن وَریکا حاضیر آکرِ.

نامَه کُولُسی کلیسا را 1:22

ولی ایسَه اَ بَشِمَه اِشتَن مَردِ واسیطنَه، اِشتَن جیسمانییَه تنیکا آشتیش دوعَیه، تا بَشِمَه موقدَّس و بی عَیب و بی هیچ چَمایی خدا حِضوریرا بوعرِ،

نامَه، عِبرانیه نَتاجَه مسیحیونرا 9:14

چَنَه ویشتَر، مسیح خون کن اَ زَیرونَه روح واسیطنَه، بَشتَنِش بی عَیب، خدارا تقدیمِش کردَ، چَمَه ووژدانی دَدارَ کارونکا پاجا بَکَی تا بشوعَم زندَ خدا خیدمت بکرم.

پطروسی اوّلین نامَه 1:19

بَلکَم مسیح با اَرزِشَه خونینَه، اَ وَرَ کن بی عَیب و بی لَکَّه یَه، خِرییَشونَه.

پطروسی اوّلین نامَه 2:22

«اَ هیچ گِناخیش نِکردَ، و چَی گَویکا هیچ حیله ایی بِرِن نامَه.»

پطروسی اوّلین نامَه 3:10

اِمی خونه کن، «هَر‌ کم که پَپیشه زندگی رَی بدارِ و چاکه روجون بِوینِه، پی بدیکا اِشتَن زونی غم بَرِ و اِشتَن لِوون گول ژِرا دَبسته.

یهودا نامه 1:24

ایسَه اَیرا کن قادِرَ بشمَه لِسکیستِه کا غَم برِ و بی عَیب و پتلمه یالَه خَشینه اِشتَن شکوه و جلالَه حِضوریکا حاضیر آکَرِ،