یوحنا موکاشیفَه 14:4 - کتاب مقدس به زبان تالشي - گویش مرکزی

⁴ اِمِن هه کَسِنین کن بَشتن ژِنونَّه جیفینین آنِکَردِشون، اِمی خونه کن اِم مِردِن باکِرَ اینَه. اِمِن، هَر جِگارا کن وَرَ بشو، چَی دوملَه بَشینه. اِمِنِشون آدَمون دلَکا ایی کرَ دییَر، خِرییَشونَه تا خدارا و وَرَ را نوبَر ببون.

کتاب مقدس به زبان تالشی شمالی

⁴ اِمن هَ کسونی اِستینَه که اِشتَن، ژِنَکون نَه نِجس نِکَردِشونَه، چوم که اِم مِردَکِن باکِرَه اینَه. اِمِن هَ کسونی اِستینَه که وَرَه هَر طرفی را بِشو، چَیی دومله بَشین، اِمن آدَمون دیلَه کا هَنی خِریَه بَیینَه تا خِدا و وَرَه را نوبر بِبون.

یوحنا موکاشیفَه 14:4 Iomraidhean Croise

مَتّی 19:12

اِمی خونِه کن بعضی خاجَه‌ اینَه، اِمی خاطِر کن نَنه لَوَ کا اِنتَرَ دِنیا آمَه اینَه؛ بعضی دیَیر نی مردمی بالینه خاجَه آبه اینه؛ و بعضییِن نی آستامونی پادیشاهی خونِه ایزدواج نینَّکَرد. هر کم بَشایَه اِمی قبول بکَرِ بَرزِن اِنتَرَ بکَرِ.»

مَتّی 25:1

«آستامونی پادیشاهی هنتهَ دَ گِلَه باکرَکِله بَمندی کن وَیو رَفِقین و اِشتَن چِرا اون پِگَتِشونه وبَگی پیشوازیرا شین.

مَتّی 8:19

اَموقه توراتی ایلَه موعَلیمونکا عیسی وَر آمه و واتِش: «اِستا هر جگارا بِشی اِشتِه دوملَه بومَمَه.»

یوحنا 10:27

چمن پَسِن چمن سَسی گوش آنَّکَرد؛ اَز اَوون آمَموست و اَیِن چمن دوملَه بومَن.

یوحنا 12:26

اَگَم کَسی بَمن خیدمت بَکَی پی چمن دوملَه با؛ و اَجِگایی کن اَز ببوم، چمن پاسَری نی اَجگاکا بَبیَه. اَگَم کَسی بَمن خیدمت بَکَی چمن دَدَ بَی عیزَت بَبَخشستی.

یوحنا 13:37

پِطروس واتِش: «آقا، چیرا، ایسَه نِمَشا اِشتِه دوملَه آمِه؟ اَز چمن جانی تِرا آمَدا.»

یوحنا 8:12

عیسی هَنی مَردومینَه گَف ژِشَه و واتش: «اَز دِنیا نوریمَه. هر کم بَمنکا پیروی بکَرِ، ظِلَماتیکا گل نیَژِن، بَلکَم زندَگی نوری، بَداشتیَه.»

رَسولون اَعمال 20:28

شِمَه حواس بَشتَنکا ببو. و رَمَه اِنی کن خدا موقدسَه روح، بَشِمَه اینتخابِش کردیَه تا چَوون سَریکا بِبَه، حواسِرون اَوونکا ببو. خدا کلیسارا کن اَش اِشتَن خونینَه خِرییَه شَه، شونَه گیری بکرَ.

اوّلین نامَه قورَنتیانیرا 16:15

بَموستیرون کن اِستِفاناسی کَه آدَمِن اولین کَسِنی بینَه کن وِلَتِه اَخائیَه کا ایمان وردِشونه، و اَیِن بَشتَنِشون موقدَسون خیدمت کَردِرا وقف کردِشون. اَی برااِن، بَشِمکا خاشتو خازِمَه

اوّلین نامَه قورَنتیانیرا 6:20

اِمی خونه کن شمَه خِرییِه را بَهاشون دوعَیه، پس اِشتَن تَنیکا خدا شکوه وجلال بدَرَ.

اوّلین نامَه قورَنتیانیرا 7:28

ولی اَگَم ژِن بیگِری، گِناخ کَردَ نیرَ؛ و اَگَم باکِر کِلَه ایی شو بشو، گِناخ کَردَش نییَه، اَمّا اَیِن کن ایزدواج بَکن، اِم زَندَگیکا سختی بَکَشتینَه و اَز نَپیمَه شِمَه سختی بکَشَه.

دوومین نامه قرنتیانیرا 11:2

اِمی خونه کن اَز شمَه سَر غَیرَت بَداشتیمَه و اِم غَیرَت خدا طَرَفیکا اَ، اِمی خونه کن اَز بَشِمَه ایلَه مِردینَه، یعنی مسیح نَه، پَیوندی آکَردمَه تا بَشمَه هنتَه ایلَه پاجا اَ باکِرَ ایی شیوار چَی دَست آدَرِم.

نامَه اَفسوسی کلیسارا 1:14

کن چَمَه میراثی بَیعانَه یَه تا وقتی کن اَی کامیل ویگِرَم، تا خدا شکوه و جلال ستایش ببو.

نامَه اَفسوسی کلیسارا 5:27

تا اَ شکوهینَه کن کلیسا بَداشتی، بیدونه هیچ لَک و چین و نقصی ، بَسکم موقدَّس و بی عَیب ببو، اِشتَن وَریکا حاضیر آکرِ.

اوّلین نامَه تیموتائوسیرا 4:3

اَیِن ایزدواج کردِ منع بَکنه و دستور درِن هردَچییونی که خدا اَوون خلق کردشَه نَرِن، تا اَیِنی کن واقییَن ایمان بَداشتین و اَی آزنِن، شکر کردِ نَه اَ هَردَ چییون بَرِن.

نامَه، عِبرانیه نَتاجَه مسیحیونرا 12:23

و اولین دِنیا آمَه خِردَنون مَجلِسیکا کن چَوون نومِنِشون آستامونیکا نوشتَیَه، و خدایی کن گردی داوَرَ و صالحون روحِن کن کامیل آبَه اینَه،

یعقوبی نامَه 1:18

اَ اِشتَن ایرادَنه کلامی حَییقتینه، اَمَش خَلق کردَ تا چَی مخلوقاتی نوبَر ببَم.

پطروسی اوّلین نامَه 2:9

ولی شمَه اینتخاب بَه اودوم و کاهینِنی هِستیرون کن شاهانَه کَهانَت بَکرون. شمه موقدَسه میلَّت و مردومی هِستیرون کن خدا مِلکیرون، تا چَی چاکه صِفتون اییلام بکَرَ، کن بَشِمَه ظِلَماتیکا اِشتَن عجیبَه نوری طَرَف خِلِه کردشَه.

یوحنا موکاشیفَه 17:14

گردِ اَیِن اَ وَرَ نَه جنگِستِه خونه راست آنَّب، ولی وَرَ چَوون سَردِرِ پیروز آرَب، اِمی خونه کن اَ خداوندون خدا و پادیشا اون پادیشا اَ و اَیِنی کن بَینه دَرِ این، اَیِنین کن صَلا ژَشه و اَوون اینتخابِش کردیَه و چَی وفادارَ پیرووِنین.»

یوحنا موکاشیفَه 21:22

شهری دلَکا معبَدی نِویندِمَه، اِمی خونه کن موطلقَه قادِرَ خدا خداوند و وَرَ، چَی معبَد هِستینَه.

یوحنا موکاشیفَه 21:23

اَ شهر آختاو و مانگ نَپیش بَه تا بَی رِشون آکرَ اِمی خونه کن خدا شکوه و جلال اَی نور آرَدا و وَرَ چَی چِرا اَ.

یوحنا موکاشیفَه 3:4

«اِم حالینَه، هنوزَنی بعضیون سارِدسیکار هِستَه کن اِشتَن شندرِشون کثیف آکردَ نی و اَیِن ایسبیَه شندرینَه بَمِنه گَل بژَن، اِمی خونه کن لَیاقَتِشون هِسته.

یوحنا موکاشیفَه 5:9

و اَیِن تازَ سِرودی اَخونینَه کن اَواجیَه: «تِه اَ طوماری ویگَتِه و اَ موهرون چاکنسِه لَیاقتی داری، اِمی خونه کن تِه قربونی آبیشَه، و اِشتِه خونینَه آدَمون، هر طایفه و زبان و مردوم و میلَّتیکا، خِدارا خِریرَ؛