یوحنا موکاشیفَه 14:10 - کتاب مقدس به زبان تالشي - گویش مرکزی

¹⁰ اَ آدَم نی خدا آسرَنگِستِه شَراویکا کن ایسَه پور مایَه و خالیصه و چَی غَضَّبی قَدرَکاشون ویکردَیه، بِنتییَه. اَ، موقدسَه فرشتَه اون وریکا و وَرَ حِضوریکا، آرا گتَه گوگِردینَه عذاب بَکشتیَه.

کتاب مقدس به زبان تالشی شمالی

¹⁰ اَ نی خِدا غَضبی شَراوی کا بِنتی، اَ شَراوی که پُور مَلات و خالصَه، خِدا غَضبی قَدَرَه کا دَکَردَه بَه، و اَ، مقدّسَ ملائیکه اون پیشی کا و وَرَه پیشی کا آتش و گوگِردی نَه عذاب کَشِه.

یوحنا موکاشیفَه 14:10 Iomraidhean Croise

مَتّی 20:22

عیسی جَوابیکا واتِش: «شِمَه نینَّموست کن چِه چیی بَپیرون. بَشارون گولَه ایکا کن اَز، هِم اوری صَبا اَیکا بِنتیم، بِنجَه؟» اَیِن جواب آداشونَه: «ها، بَشامون.»

مَتّی 25:41

اَموقه اَیِنی کن چَی چَپَه طَرَفیکا هستبِین باتیَه: اَی ملعونِن، بَمنکا رَت آبه و اَ زَیرونَه آرا را بشَه کن ابلیس وچَی فرشتَه اونرا آمادَ آبَیَه،

مَتّی 26:39

چَی بَه دوملَه عیسی تیکَلیی نَرا شَه و صَفتینَه خاکی سَر گنستَه و دوا کَردِشَه واتش: «چمن دَدَ اَگَم ایمکان بَداشتی اِم عَذابَه گولَه بَمنکا رَت آکَه، ولی نه چمن خواستَنَه بَلکَم اِشتِه ایرادَ نَه.»

مَرقُس 8:38

اِمی خونه کن هر کم اِم زیناکار و گِناخکارَ اودومی دِلَکا، بَمنکا و چمن گَفونکا عار بِدارِ، اینسانی زوعَه نی اَموقه کن اِشتَن آستامونیه دَدَ شکوه جَلالیکا، موقدسَه فرشتَه اونَّه با، اَیکا عار بَداشتیَه.»

مَرقُس 9:44

جِگَا ایرا کن چَوون بولبورزَ نییَمَردِن و چَی آرا دَنییَمَردِن.

رَسولون اَعمال 10:22

اَیِن واتِشون: «رومیَه افسَر کُرنِلیوس اَمَش عَندَیَه. اَ درستکار و خدا تَرسَه مِردیَه و یَهودیِن نی گِرد بَیکا چاکه تَریفی دَرِن. اَ ایلَه موقدسَه فرشتَکا فِرمون گَتِشه کن اِشتِه دوملَه بَینِه و بَتِه اِشتَن کَه را صَلا بِژَنِه و اِشتِه گَفون دَرَسِه.»

دوّمین نامَه تَسالونیکی کلیسا را 1:7

و شمَه کن عذاب بَبَردیرون اَمَنَه آلاوِنِه. اَ زمانی کن خداوند عیسی اِشتَن قودورَ فرشتَه اونَّه، آستامونیکا اَیر آبو.

یهودا نامه 1:7

هنترَکه، سُدوم و عَمورَه و چَوون اَطرافی شهرِن، کن هنتَه چَوون شیوار بی عیفتیشون کردَ و هرزَگی ایی کن تنیرا غَیر طبیعی بَه دومله شین، زیرونه آرا کا موجازات بَبین، تا گِردیرا درس عیبرَت ببون.

یوحنا موکاشیفَه 15:7

و ایلَه اَ چار گلَه زندَ مخلوقیکا، هف گلَه طلِه اینَه قَدرَش، کن خدا غَضَّبیکا کوکورو بَه اَ هف گلَه فرشتَش دوعَه، خدایی کن تا ابد و تا ابد زندَیه.

یوحنا موکاشیفَه 16:19

یالَه شهر سه پِسَه آبَه و میلَّتون شهرِن ویریستین. و خدا، اَ یالَه بابِلی یاد آرَفندِش و ایله شراوَ گولَه اینه کن اِشتَن غَضَّبی آرانَه کوکورو بَه بَی هِنجامونیشَه.

یوحنا موکاشیفَه 18:3

اِمی خونه کن میلَّتِن گِرد اَ هرزَگی و هوا و هَوَسی شَراویکا هِنتِشون. و زَمینی سَردِرِ شاهِن بَینَه زینا کردِشون، و زَمینی سری تاجیرِن چَی وِرَ تجَمّولاتیکا ثیروتمند آبینَه.»

یوحنا موکاشیفَه 18:6

هَته کن اَ دییَرَ کسونَّه رفتارِش کردَیه، بَینه رفتار بکرَ. دِ برابرِ چَی کَردَ کارون عَوَض، بَی بدَرَ. چَی سِی آکردَ شراوَ قَدرَ دلَکا، دِ برابر بَی بدَرَ.

یوحنا موکاشیفَه 19:15

و تیرینجَه شمشیری چَی گَویکا بِرِن آی، تا بَینه میلّتون بژنه. «آسونَه چَلیکینَه چَوون سَر حِکومت بَکَیه.» اَ، موطلقَه قادِرَ خدا قَضَّب و غرَصی اَنگِری، شراوَ حووضیکا پا پِکو بَکی.

یوحنا موکاشیفَه 19:20

ولی اَ اَشیا ویلاخیسته و بَینَه اَ دِروَعه پیغمبَر کن اَشیا ناریکا نشونه اِن و موعجیزَ اون اَیر آرَکری تا اَیِنی گول بژنه کن اَ اَشیا نشونِشون قِبول کردَ و چَی موجسمَه اَپَرستینَه. اَیِن، هردِگِلَه زِند زندَ، دَیراچَه ایکا کن آرا کا کن گوگردینه کولوستار بَه ویرفندِشون.

یوحنا موکاشیفَه 20:10

و اِبلیسِش، کن اَیِنِش گول ژَ به، هه جِگا ایرا کن اَ اَشیا و دِروعَه پَیغَمبریشون ویرفندَ به، دَیراچَه ایکا کن آرا گوگِردینَه پَتلمَه به ویرَفندِشون، اَیِن تا ابد تا ابد عذاب بَکشتینه.

یوحنا موکاشیفَه 20:14

و چَی به دوملَه مرگ و مردَاون دِنیاشون آرا گته دَیراچَه دلَکا ویرَفندِشون. آرا گته دَیراچَه، اِم دِوومین مرگَه.

یوحنا موکاشیفَه 21:8

ولی تَرسو اِن و بی ایمانِن و فاسیدِن و آدَمَه کِشِن و زینا کارِن و جاودوگرِن و بُت‌ پرستِن و گِردِ درواَواجون رَسَت، کولستارَ دَیراچَه و آرا و گوگرد، بَبیَه. اِم دوومین مَرگَه.»