یوحنا موکاشیفَه 13:6 - کتاب مقدس به زبان تالشي - گویش مرکزی

⁶ اَ اِشتَن گَوی، خدا کفر واتِرا آکَردِش و چَی نومی و چَی اَمونَه جِگا، یعنی اَیِنی کن آستامونیکا اَمونینَه، کفر واتِش.

کتاب مقدس به زبان تالشی شمالی

⁶ اَ اِشتَن گَ آکَردِشَه تا خِدا نَه کُفر بوآجِه، کُفر واتِه چَیی نومی و جِگایی که اوآکا بَمَندی، یعنی کسونی که آسمونی کا اینَه.

یوحنا موکاشیفَه 13:6 Iomraidhean Croise

مَتّی 12:34

ای آوشَرِن، شمه کن آوشَریرون، چِنتَر بَشارون چاکَه گَف بِواجَه؟ اِمی خونه کن زون اَچیی ایکا گَف بَژَیَه کن دل اَیکا پَتلَمَیَه.

مَتّی 15:19

چون دلیکارَ کن، پَلیدَ فِکرِن، آدَم کِشتِه، زینا، بی‌ عِفَتی، پِتارستِه، دِروعَه شهادت و توهمَت سرچشمَه بَگَتی.

یوحنا 1:14

کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه.

رومی کلیسارا نامه 3:13

«چَوون لوک هنتَه ایلَه آج آبَه قَوری شیوارَ؛ و اِشتَن زونی، گول ژِ را کار بَگَتین.» «اَفعی زَهر چَوون لِوی بِنیکارَ؛»

نامَه کُولُسی کلیسا را 1:19

چون خدا گردِ خَشی اِمیکا بَه کن چَی دلَکا بومونِه،

نامَه کُولُسی کلیسا را 2:9

اِمی خونه کن ایلاهییَه ذاتی پتلَمه گیری، تماما جندکی شیوار مسیح دلَکارَ،

نامَه، عِبرانیه نَتاجَه مسیحیونرا 9:2

چون اَوالَه ایی سی آبَه بَه و چَی اولین چمَکا چراغدان، میز و موقدسَه نون بَه. اِم جگا نومی ’قُدس‘ باتین.

نامَه، عِبرانیه نَتاجَه مسیحیونرا 9:24

اِمی خونه کن مسیح اَ قودس الاقداسی دِلَه کن آدَمون بالی سی آکردَ چی بَه و تاکَه نمونَه ایی اییَه حَییقیَه چیونکا کا اَ، دِلَه دَنِشه، بَسکم آستامونیرا شَه تا چَمَه طرَفیکا خدا وَریکا اَیر آبو.

یوحنا موکاشیفَه 11:12

چَی بَه دوملَه درَستِشونه کن تَتَّه لسَه ایی آستامونیکا اَوون اَواجیَه: «اِم جِگارا کفا بِرَ» و اَیِن ایله خِری دلَکا آستامونیرا شین و چَوون غَنیمِن کایبین اَوون دَیشتِه.

یوحنا موکاشیفَه 12:12

پس اَی آستامونِن و آستامونیکا اَمونِن، خَشی بکرَ. ولی بِرامِه اِشتِه حالیرا اَی زمین و اَی دَیرا، اِمی خونه کن ابلیس برکَه غَرَصینه شمَه سَردِرِ بِنیرا آمَه یَه، اِمی خونه کن بَموستیَه وقت کَمَه.»

یوحنا موکاشیفَه 15:5

چَی بَه دوملَه ویندِمَه کن شهادتی اَوالَه موقدسَه جگا، آستامونیکا آج آبَه.

یوحنا موکاشیفَه 18:20

اَی آستامون چَیرا خَشی بکَه، اَی موقدسَه آدَمِن و رسولِن و پَیغمبَرِن، چَیرا خَشی بکرَ، اِمی خونه کن خدا شمَه قیصاصی اَیکا گتَشَه.»

یوحنا موکاشیفَه 21:3

و تختیکا، تَتَّه لَسَّه ایی دَرَستِمه کن اَواجیَه: «بوین، خدا منزل آدَمونَّه دَرِ. واَ، اَوونَّه بمَندیه؛ و اَیِن چَی قام بَبینَه، و خدا اِشتَن اَوونَّه بَبییَه و چَوون خدا بَبیَه.

یوحنا موکاشیفَه 4:1

چَی بَه دوملَه دَیشتِمه و ایله آج آبه بَرنگا آستامونیکام ویندَ، و هه سس کن هنتَه زِرنا سَسی شیوار بَه و بَمنَه گفِش ژَ بَه، هنی واتش: «ام جگارا کفا بِه، و اَز اَ چیی ایی کن چیمی بَه دومله پی ایتفاق دگنِه، بَتِه آمَموست.»

یوحنا موکاشیفَه 4:4

تختی دووریکا، بیستو چار گلَه دییَرَ تخت بَه کن چَوون سَردِرِ بیستو چار گلَه پیر نشت بین. اَیِن ایسبیَه شِندِرشون دَکردَ بَه و طِلِه اینه تاجی کَلَکا دارین.

یوحنا موکاشیفَه 5:13

چَی به دوملَه درَستِم هر مخلوقی کن آستامونیکا و زَمینی سَردِرِ و زَمینی بنیکا و دَیرا کارَ، و هر چیی ایی کن چَوون دلَکارَ، اَواجینَه کن: «اَ تختی سَر اَنِشیرا و اَ وَرَ را، ستایش و حورمت و شکوه و جلال و زبق تا ابد و تا ابد چَوونرا با.»

یوحنا موکاشیفَه 7:15

اِمی خاطِرَ کن: «اِمِن خدا تختی ناریکاینَه و شَوانَه روج چَی مَعبدیکا بَی خیدمت بَکَن؛ و اَ تختی سَر اَنِش، اِشتَن حِضورینه اَوون سرپنا آرَدا.

یوحنا موکاشیفَه 7:9

چَی بَه دوملَه اَز دَیشتِمه و بوین، برکَه یالَه کاولَه ایی هر میلَّت و طایفَه و قام و زَبانیکا کن هیچ کَم نَشایَه اَوون اَشمَردِ، گِرد، اَ تخت و وَرَ ناریکا پا مند بینَه. اَیِن گِرد ایسبیَه رَدا دَکَردشون بَه و خِرما داری بَشو خالی اِشتَن بالیکا دارین.