یوحنا موکاشیفَه 13:3 - کتاب مقدس به زبان تالشي - گویش مرکزی

³ اَ اَشیا ایلَه کَلَّه اونکا، اینگار کن اَکِشه زَمی پِگَتَش بَه، ولی اَ اَکِشه زَم سی آبَه بَه و گِردِ زمین حَیرون آبه بین و اَ اَشیا کا پیروی اَکَرین.

کتاب مقدس به زبان تالشی شمالی

³ اَ وحشی یَه حَیوونی ایلَه سَرون کا، اِنگاری ایلَه کُشندَه زخمی پِگِتَش بَه، امُا اَ کُشندَه زخم وَج آبَه و گِردِ زمین مات آبیینه و اَ وحشی یَه حَیوونی کا پیروی کَردِشونَه.

یوحنا موکاشیفَه 13:3 Iomraidhean Croise

انجیل لوقا 2:1

اَ روجون دِلَکا، فِرمونی رومی اِمپراطور، آگوستوسِیکا آمَه کن گردِ آدَمِنی کن رومی اِمپراطوریکا زندَگی اَکَرینَه پی سَر شُماری بِبون.

یوحنا 12:19

پس فَریسیون فرقه عالیمِن یَندِ واتِشون: «بِویندیرونه کن اَمه هیچ کاری نِمونَشا کَردِ؛ دَیسَه گرد دِنیا چَی دوملَه شَه اینَه.»

رَسولون اَعمال 8:13

حتی شَمعون نی ایمانِش وردَ و تَعمید گَتِه بَه دوملَه، یَژَن فیلیپوسینَه دَرِ بَه. شَمعون، یالَه نِشونَه اِن و مُعجیزَ اونی کن فیلیپُسیکا اَیر آرَبیَه ویندِ خونِه، برک حَیرون آبَه بَه.

یوحنا موکاشیفَه 13:12

اَ، اَوّلنَه اَشیا گردِ زاکینی چَی عوض کار اَگِرییَه، و زَمینی آدَمون، اَوّلنَه اَشیا کن چَی اَکِشه زَم سِی آبَه بَه، پرستِش کَردِرا دیم پِرَنَرییَه.

یوحنا موکاشیفَه 13:14

اَ نشونَه اِن و موعجیزَ اِنی کن اَ اَوّلنَه اَشیا نومینَه ایجازَ داری اَیر آکَردِ خونه، زَمینی آدَمون گول ژِشَه و اَیِنِش واته تا اَ اَشیا کا موجسمَه سِی آکَرِن کن شمشیرینه یَرَ آبَه بَه، ولی اِم حالینه زِندَ مَندَ بَه.

یوحنا موکاشیفَه 17:10

کن هَف گلَه پادیشا نی هِستینه کن اَوونکا پِنج نفر نیفلَه آبَه این و اَ، آخِرین گلَه هَنوزَنی آمَه نی؛ وقتی کن با، پی بومونِه، ولی تلکَه زمانی.

یوحنا موکاشیفَه 17:11

اَ اَشیا کن مند بَه و ایسَه دِ نییَه، هَشتومین پادیشا اَ. اَ، هَه هَف گله شِنَه و نیفلَه آبِه را بَشیَه.

یوحنا موکاشیفَه 17:13

اَیِن گِرد ایلَه فکر دارِن و اِشتَن زبق و زاکینی اَ اَشیا آنَّدا.

یوحنا موکاشیفَه 17:17

اِمی خونه کن خدا چَوون دِلیکاش نوعَیَه کن چَی خواستَه اَنجوم بدَرِن و هم فکر ببون، و تا اِشتَن پادیشا ایی قودرتی اَ اَشیا دَست آدَرن، تا خدا کلام اَنجوم ببو.

یوحنا موکاشیفَه 17:6

و ویندِمه کن اَ ژِن موقدسه آدَمون خونینَه و اَیِنی کن عیسی خونه شهید آبَه بینَه خونینَه، مست بَه. اَ ژنی ویندِکا بَرک حَیرون آبیم.

یوحنا موکاشیفَه 17:8

اَ اَشیا ویندِر کن مَند بَه، ایسَه دِ نییَه، خَیلی زوو هاویه چالیکا بِرِن آ و نیفلَه آبِرا بَشی. زَمینی سَردِرِ اَمونونکا، اَیِنی کن دِنیا خلق بِه بَه دوملَه چَوون نومی زندَگی دفتَریکاشون نوشتَه نییَه، اَ اَشیا ویندِکا حَیرون آنَّب، اِمی خونه کن اَ مَند بَه، ایسَه دِ نییَه، و بومَیَه.