یوحنا موکاشیفَه 12:4 - کتاب مقدس به زبان تالشي - گویش مرکزی

⁴ چَی دووم آستامونی یَک سوومی اِسترَ اون گِزِ ژِشه و زَمینی سَردِرِ ویکَردِش. اَژدِخا اَ ژِنی کن کایبَه زَندِ ناریکا مندَ، تا چَی خرِدَنی دِنیا آمِه بَه دوملَه، اَی ویبَرِ.

کتاب مقدس به زبان تالشی شمالی

⁴ اِشتَن دُمی نَه آسمونی ستارَه اون یک‌سوّمی جمع آکَردِشَه و زمینی سَری کا ویکَردِشَه. اژدها اَ ژِنی ناری کا که کارا بَزَندی مَندَه، تا هِنتَه که چَیی خِردَن دنیا اومَه، اَیی ویبَره.

یوحنا موکاشیفَه 12:4 Iomraidhean Croise

یوحنا 8:44

شمَه، شمَه دَدَ ابلیسی شِنینَه وشمه خواسته اِمَه کن اَ چیی اِنی کن شمه دَدَ بَپیشَه اَنجوم بدَرَ. اِبلیس اَوّلیکا ایلَه قاتل بَه و حقیقتینه هیچ کاری نِداری اِمی خونِه کن هیچ حقیقتی اَیکا نیَه. اَ گف کن بَژَی، کا درو واتِه اِمی خونه کن چَی ذات دِرو واتِه یَه؛ اِمی خونه کن درو اَواجَه و دِروعون دَدَیَه.

پطروسی اوّلین نامَه 5:8

هواسِرون اِشتَنکا ببو و هوش ببَه، اِمی خونه کن شمه غَنیم ابلیس، هنتَه شیری شیوار غورش بَکی و هر طرفیرا کا گردِسته تا ایی نفری پیدا بکرِ بَی ویبَرِ.

یوحنا موکاشیفَه 12:7

و ایکَرَ ایی آستامونیکا جَنگی شِروو بَه. میکاییل اِشتَن فرشتَه اونَّه اَژدِخانَه جنگِستین. اَژدِخا اِشتَن فرشتَه اونَّه چَوون ناریکا جِنگِستِرا راست آبین.

یوحنا موکاشیفَه 12:9

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

یوحنا موکاشیفَه 13:2

اَ اَشیا کن مِن ویندَ، پلنگی اَمونیَه، خِرسی لِنگون داری و شیری گَوی. و اَژدِخا اِشتَن زبقی و اِشتَن تَخت، و برکَه یالَه زاکینی اَ اَشیا داشَه.

یوحنا موکاشیفَه 13:4

آدَمِن اِمی خونه کن اَ اِشتَن زاکینی اَ اَشیاش دوعَه بَه، بَی پَرستش اَکَرینَه و اَواجینه: «کییَه کن هنته اِم اَشیا شیوار ببو؟ کییَه کن بَینه جَنگِستِه بشا؟»

یوحنا موکاشیفَه 16:13

چَی بَه دوملَه ویندِمه، اَژدِخا گَویکا و اَشیاگَویکا و دروعَه پَیغمبری گَویکا، سِه گلَه پلیدَ روح کن هنته ورزَکی اَمونینَه بِرِن آمَه.

یوحنا موکاشیفَه 17:18

و اَ ژِن کن ویندِرَ، هَه یالَه شَهرَ کن زَمینی پادیشا اون سَردِرِ حِکومت بَکَی.»

یوحنا موکاشیفَه 20:2

فرشتَه اَ قدیمیَه نلَتی، اَژدِخاش، کن هه ابلیس یا شَیطونَه، گَتِشه و اَسیرِش کردَ.

یوحنا موکاشیفَه 8:10

سوومین فرشتَه اِشتَن زرناش فو دَکَردَ، و یالَه اِسترَ ایی هنته کولوستارَ مشعلی شیوار آستامونیکا، یَک سِوومه رِباررِن و خونیون سَردِرِ ویگنِستَه.

یوحنا موکاشیفَه 8:11

اَ اِسترَ نوم «اَفسَنتین» بَه، و یَک سووم آوِن اَفسَنتینینَه تِل آبین. و خَیلی آدَمونکا اَ تِل آبَه آوون خونه مَردینَه.

یوحنا موکاشیفَه 8:12

چارومین فرشتَه اِشتَن زرناش فو دَکَردَ، و آختاوی یَک سووم، و مانگی یَک سووم و اِسترَ اون یَک سووم، ضربَه گنِستینَه، اَنَه کن چَوون نوری یَک سووم تاریک آبَه. و روجی یَک سووم بی نور مندَ و شَوی یَک سووم نی هَتَه آبَه.

یوحنا موکاشیفَه 8:7

اولین فرشتَه اِشتَن زِرناش فو دَکَردَ، و ایکَرَ ایی تَرک و آرا کن خونینَه یَندِ گنَه بَه زَمینی سَردِرِ وارِسته و زَمینی یَک سووم سیجیستَه و یَک سِووم دارِن سیجیستین و کَوَ سَوزَ اِن گِرد سیجیستین.

یوحنا موکاشیفَه 8:8

دِوومین فرشتَه اِشتَن زرناش فو دَکردَ، و ایی چیی ایی کن هنته آرا گتَه کوهی شیوار بَه، دَیرا دلَکا ویگنِستَه و دَیرا یَک سووم خون آبَه.

یوحنا موکاشیفَه 8:9

و یَک سِووم دَیرا مووجودِن مَردینَه و یَک سووم کَشتییِن نیفیت آبین.

یوحنا موکاشیفَه 9:10

چَوون دومِن و نیشِن هنته عقربی دوم و نیشی اَمونیَه، و اِشتَن دومیکا اِم اینجاری دارینَه تا آدَمون پِنج ماه را عَذاب بدَرِن.

یوحنا موکاشیفَه 9:19

اَسبون اینجار چَوون گَویکا و دومیکا بَه. اِمی خونه کن چَوون دوم هنته نَلَتی کلَّه اَمونیَه کن صَدمه اَژَنیَه.