یوحنا موکاشیفَه 12:17 - کتاب مقدس به زبان تالشي - گویش مرکزی

¹⁷ چَی بَه دومَله اَژدِخا ژِنیرا آسَرنگَه و شَه تا چَی مَندَ نَتاجینَه بجنگِه؛ یعنی اَیِنی کن خدا حِکمون ایطاعَت بَکن و عیسی شهادتیکا آچیکِسته اینه.

کتاب مقدس به زبان تالشی شمالی

¹⁷ دومله اِژدها اَ ژِنَکی را عصبانی آبَه و شَه تا چَیی نسلی اَلباقی نَه جنگ بِکَرِه، یعنی کسونی نَه که خِدا اَحکامی کا اِطاعت بَکَردین و مُحکم دَچیکِستَه اینَه عیسی شَهادت دوعِه.

یوحنا موکاشیفَه 12:17 Iomraidhean Croise

مَتّی 28:20

و اَوون آموج بِدَر کن، گِردِ چییونی کن بَشمَه فرمون آدوعَمَه اَنجوم بِدَرِن. دَیسه اَز، اوزون تا اِم دِنیا آخیر شمَنه دَرِایمَه!»

یوحنا 8:44

شمَه، شمَه دَدَ ابلیسی شِنینَه وشمه خواسته اِمَه کن اَ چیی اِنی کن شمه دَدَ بَپیشَه اَنجوم بدَرَ. اِبلیس اَوّلیکا ایلَه قاتل بَه و حقیقتینه هیچ کاری نِداری اِمی خونِه کن هیچ حقیقتی اَیکا نیَه. اَ گف کن بَژَی، کا درو واتِه اِمی خونه کن چَی ذات دِرو واتِه یَه؛ اِمی خونه کن درو اَواجَه و دِروعون دَدَیَه.

اوّلین نامَه قورَنتیانیرا 2:1

برا اِن اَز نی، هَنگومی کن شِمَه وَر آمیم، نامیمَه تا خدا رازون، یالَه گَفونَّه و حیکَمتینَه شِمَرا اییلام بکَرم.

پطروسی اوّلین نامَه 5:8

هواسِرون اِشتَنکا ببو و هوش ببَه، اِمی خونه کن شمه غَنیم ابلیس، هنتَه شیری شیوار غورش بَکی و هر طرفیرا کا گردِسته تا ایی نفری پیدا بکرِ بَی ویبَرِ.

یوحنا اوّلین نامَه 2:3

اِمیکا چَی آزنستِه بَموستیمون کن، اَگَم چی حِکمون اَنجوم بدرَم.

یوحنا اوّلین نامَه 5:10

هَر کَم خدا زوعَه ایمان دارِ، اِم شاهیدی اِشتَنکا بداشتی. ولی اَ کن خدا شاهیدی باوَر نیَکَرد، اَی دِروو اَواج بَکی، چون شاهیدی ایی کن خدا اِشتَن زوعَه خونه آدوعَشَه، قِبول کَردَش نی.

یوحنا اوّلین نامَه 5:2

اِم جِگاکا بَموستیمون خدا خِردَنون رَی بَداشتیمون کن خدا رَی بداشتیمون و چَی حِکمونکا ایطاعَت بَکَمون.

یوحنا موکاشیفَه 1:2

و اَ، هر چیی ایی کن ویندِشه، یعنی خدا کلام و عیسی مسیح شاهیدی سَردِرِ، شاهیدی داشَه.

یوحنا موکاشیفَه 1:9

اَز شمَه برا یوحنا، کن عَذابونکا و پادیشاهیکا و آمبَست بِه کا کن عیسی دلَکارَ، شمَنه شَریکیم، و خدا کلام و عیسی شاهیدی خونه، ایله جزیرَکا بیم کن بَی پاتموس اَواجین.

یوحنا موکاشیفَه 11:7

هنته کن اَیِن اِشتَن شاهیدی تَمون آکَن، اَ اَشیا کن هاویَه چالیکا بِرِن آ، اَوونَّه بَجنگِستی و چَوون سَردِرِ پیروز بَبی و اَوون بَکِشتیَه.

یوحنا موکاشیفَه 12:16

ولی زمین اَ ژِنی آرَستِرا آمَه و اِشتَن گَویش آکَردَ و لَیسی کن اَژدِخا اِشتَن گَویکاش وَر آدوعَه بَه ویبَردِش.

یوحنا موکاشیفَه 13:7

و اِمَنی بَشون ایجازَ دوعَه کن موقدسَه آدَمونَّه بجنگِه و چَوون سَردِرِ پیروز آبَه؛ و بَی هر طایفَه و میلَّت و زبان و قامی سَردِرِ زاکین آداشون تا حکم بکَرِ.

یوحنا موکاشیفَه 14:12

و اِم موقدسون آمبست بِه بَپیشَه، اَیِن کن خدا حِکم و مسیح کا ایمان بَداشتین.

یوحنا موکاشیفَه 17:14

گردِ اَیِن اَ وَرَ نَه جنگِستِه خونه راست آنَّب، ولی وَرَ چَوون سَردِرِ پیروز آرَب، اِمی خونه کن اَ خداوندون خدا و پادیشا اون پادیشا اَ و اَیِنی کن بَینه دَرِ این، اَیِنین کن صَلا ژَشه و اَوون اینتخابِش کردیَه و چَی وفادارَ پیرووِنین.»

یوحنا موکاشیفَه 17:6

و ویندِمه کن اَ ژِن موقدسه آدَمون خونینَه و اَیِنی کن عیسی خونه شهید آبَه بینَه خونینَه، مست بَه. اَ ژنی ویندِکا بَرک حَیرون آبیم.

یوحنا موکاشیفَه 18:20

اَی آستامون چَیرا خَشی بکَه، اَی موقدسَه آدَمِن و رسولِن و پَیغمبَرِن، چَیرا خَشی بکرَ، اِمی خونه کن خدا شمَه قیصاصی اَیکا گتَشَه.»

یوحنا موکاشیفَه 19:10

چَی بَه دومله چَی پابِن برگِنِستیم تا بَی پرستِش بکَم. ولی بَمِنش واتَه: «انترَ مکه! اِمی خونه کن اَز تِنَه و اِشتِه برا اونَّه کن عیسی شهادتیکا آچیکه این، هم خیدمتیم. خدا پرستش بکَه!» اِمی خونه کن عیسی شهادت، پیشگویی روحَه.»

یوحنا موکاشیفَه 19:19

و اَ اَشیا و زَمینی اَ شاهِن و چَوون لشکِرِنِم ویندَ، کن جَم آبَه بین تا اَ سوارینَه و چَی لَشکَری زِرَبرارا بجنگِن.

یوحنا موکاشیفَه 20:4

چَی بَه دومله تختِنی ویندِمه کن دیوون کردِ زاکینی، چَوون سری اَنِشی دوعَشون بَه. و آدَمون جانی ویندِمه کن چَوون کلَّه عیسی مسیح را شاهیدی دوعِه خونه و خدا کلامی شاهیدی دوعِه را، چَوون تنیکا جدا آبَه بَه. و کَسِنی ویندمه کن اَ اَشیا و چی موجَسمَشون پرستش نِکردَ، و چَی نشونَه اِشتَن پوشنو و اِشتَن بالیکا قِبولشون نِکردَ. اِمِن هَنی زندَ آبینَه و مَسیح نَه هَزار سال سلطنشون کردَ.

یوحنا موکاشیفَه 22:14

خَشی اَیِنی حالیرا کن اِشتَن رَدا بَشوشتین تا اِم حقّی بدارن کن زندَگی داریکا بَرِن و بشان شهری دروازَاونکا شهری دِلَه دَشِه.

یوحنا موکاشیفَه 6:9

هَنگومی کن وَرَ پِنجومین موهرِش آکردَ، اَز قِربونگا بنیکا، اَ کَسونی جانِنِم ویندَ کن خدا کلامی خونه و شاهیدی ایی خونه کن دوعَشون بَه، اَیِنِشون کشتَه بَه.